JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Projetu fibra ótika, VII Governu gadai TL nia soberania

Projetu fibra ótika, VII Governu gadai TL nia soberania

Bankada opozisaun iha Parlamentu Nasional, hanesan CNRT-PLP no mos KHUNTO, ne’ebé maioria iha Parlamentu Nasional, konsidera kontratu ne’ebé Governu ida ne’e asina ona ho kompañia internasional sira hodi dada fibra ótika mai Timor Leste, hanesan Governu gadai ona Timor-Leste (TL) nia soberania.

Liu husi konferensia ba imprensa bankada Aliansa Maioria Parlamentar (AMP) nian ne’ebé lee husi deputadu Mericio Akara husi bankada parlamentar PLP katak,  AMP la konkorda atu Goveru hala’o projetu fibra ótica mai Timor Leste.

Bankada AMP mós konsidera projetu fibra ótica ne’e, sei la tau aas interese nasional nasaun Timor Leste nian, liu-liu soberania sibernétika.

“Ho akordu ida ne’e, Governu agora ne’e ita bele dehan gadai tiha ona Timor Leste nia soberania sibernétika, no hanesan konsekuensia. Tau risku ba iha liña komunikasaun no dadus tomak ne’ebé tara sai iha ita-nia rai doben Timor Leste, inklui komunikasaun sensitivu entre orgaun Estadu Timor Leste nian,”afirma Mericio Akara ba jornalista sira liu husi konferensia ba imprensa iha Parlamentu Nasional, Kuarta (20/03).

Tanba ne’e AMP eziji ba Governu atu labele tau soberania Timor Leste iha risku nia laran, nomós eziji ba setór privadu atu labele hola parte iha manobra polítika iha tempu eleisaun, ka sai nu’udar instrumentu ka propaganda polítika.

“Ba povu Timor-Leste mak ami respeitu no hadomi, tuir informasaun ne’ebé mak iha katak, Governu asina tiha ona kontratu kona ba, akordu ligasaun fibra ótica submarinu, tuir regra ne’ebé mak iha katak, estatuta Governu atual nu’udar Governu de jestaun, no laiha kompetensia atu asina kontratu ka akordu ruma tanba, programa seidauk aprova, no Parlamentu Nasional mós disolve tiha ona. Governu ne’e rasik laiha programa no orsamentu ba tinan ne’e nian, tanba seidauk hetan aprovasaun husi Parlamentu Nasional. Tanba ida ne’e Governu de jestaun laiha kompetensia atu asina kontratu ka akordu ruma ne’ebé kompromete Governu foun mai,”relata Mericio Akara.

Lee hotu :   AMP hametin estrutura iha Manufahi

Bankada AMP mós lamenta katak, projetu ne’e sei tau risku ba dezenvolvimentu setór telekomunikasaun informátika iha futuru, tanba sei hamosu desligamentu kompetensia entre kompañia telekomunikasaun sira iha Timor Leste, no to’o ikus sei fó impaktu ba povu Timor Leste nu’udar konsumidor.

“Husi parte konsiderasaun tekniku, perspektiva tekniku, ligasaun ba Indonesia sei hatun tebes kualidade koneksaun, tanba Indonesia la uza totalmente rede submarina, maibé uza rede ne’ebé mistura entre submarinu no liña terrestre, hanesan konsekuensia ligasaun ne’e nakonu ho pontus de falha,” relata Mericio.

Nune’e mós, AMP lamenta katak, projetu eskola internasional aviasaun no manutensaun no kompañia PT husi Indonesia nomós kompañia seven eight husi Portugal.

“Projetu hirak ne’e tuir informasaun katak, asina husi Arsenio Bano, pozisaun nu’udar Prezidenti Interinu. Primeiru Ministru Governu de jestaun akompaña husi embaixador Portugal ho Embaixador Indonesia,” relata Mericio Akara.

Tuir lei ho númeru 03/2014 artigo 20 numero 1 katak, sekarik Prezidente Autroidade iha impedementu ruma, nia funsaun tomak bele halo husi membru Autoridade ida, tuir orden Prezidensia iha tempu badak, ho dekretu lei númeru 05/2015, artigu 16 númeru 1.

Nia esplika, tuir artigu 2 lei númeru 03/2014 mós hateten klaru katak, iha kazu vakatura ruma husi kargu Prezidenti Autoridade, maka Prezidenti Autoridade foun tenki hili iha prazu loron 120 nia laran, tuir artigu 19 númeru 1.

“Haree ba lei sira iha leten ne’e, hatudu momos mai ita katak, Arsenio Bano laiha ona kompetensia tuir lei atu asina akordu ka kontratu saida de’it hanesan Prezidenti Autoridade RAEOA, tanba nia tempu nu’udar Prezidenti Interinu liu tiha ona loron 120,” katak Mericio.

Lee hotu :   FRETILIN konsidera formasaun AMP laiha baze legal

Nune’e mós, Xefi bankada PLP, Fidelis Magalhães, hateten, keta haluha katak Governu ida ne’e, Governu ida ne’ebé la’os hanesan Governu iha periodu eleisaun bai-bain, tanba Governu ida ne’e, Governu ida ne’ebé nia programa la passa iha Parlamentu Nasional. Nune’e Governu ida agora la’o hela ne’e, sem planu, ida ne’e hanoin nia an katak, nia nu’udar Governu ida komplain husi poder.

“Entaun iha komunikadu ida ne’e, konferensia ida ne’e ami sei fó sai ami-nia kondiasaun relasiona ho desizaun balun ne’ebé importante tebes nu’udar Governu jestaun iha tempu foin lalais liu ba ne’e,”relata Fidelis.

Alende ne’e, Vise Xefi bankada PD, Luis Mendes, hateten, Governu jestaun ne’e, bainhira tama ona ba kampaña.

“Agora seidauk tama ba kampaña, entaun Governu sei iha kompetensia atu halo akordu ho kompañia sira,”katak Luis Mendes.cos

Add to Comments Here!!!!

error: Content is protected.
Secured By miniOrange
You might also like:
CDTL-CONTL aktualiza preparasaun Asean Games 2018 ba SEDPAC

Confederação Desporto Timor-Leste (CDTL) ho Comitê...

Lansamentu uniforme ba espoza PNTL Aileu

Reprezentante Komandante  Jeral Polísia Nasionál Timor-Leste (PNTL),...

Forsa Reinu Unidus ho F-FDTL vizita GMN

Forsa Reinu Unidus ne’ebe lidara husi...

Close