JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Labele ansia tama ASEAN

Ramos Horta: Labele ansia tama ASEAN

Reprezentante  Timor-Leste  iha    Prosesu Negosiasaun Adere ba Association of South East Asian Nations ( ASEAN), atual Ministru Estadu no Konselleiru Seguransa Nasionál,  José Ramos Horta, hateten,   Timor-Leste priense ona kriteriu hotu atu hola parte iha membru ASEAN, maibe  públiku tomak labele ansia.

“Iha ona  konsensu polítiku Timor-Leste, atu bele tama hola parte Sudeste Aziátika, krirteiru hotu-hotu kuaze  Timor priense ona. Ha´u  mós hateten  ita labele ansia  ita haree kontinua estabiliza situasaun  hadia ita-nia ekonomia, regras lei  iha tempu ruma  ita bele tama, la hatene los bainhira,“esplika Reprezentante  Timor-Leste  iha  prosesu Negosiasaun adere ba ASEAN, José Ramos Horta, ba jornalista sira, Segunda (26/03/18), hafoin   briefing hamutuk  ho Minitru Negosius Estranjeirus Aurelio Guterres ho  Diresaun  Jeral  ba asuntus  ASEAN, iha sala enkontru  Institutu  Estudu diplomatik Ministériu Negosius Estranjeirus  Praia dos Coqueiros Díli.

Ramos Horta klarifika,  prezensa ninian iha  Ministériu Negosius Estranjeirus  Praia Dos Coqueiros,  tanba nia hakarak hetan briefing  husi  Minitru Negosius Estranjeirus Aurelio Guterres ho  Diresaun  Jeral  ba asuntus  ASEAN, kona-ba  progresu preparasaun Timor-Leste nian to’o iha ne´ebé ona atu adere ba ASEAN

“Ha´u mak  husu  briefing, maske ha´u  hatene  iha tinan  hirak nia laran, ha´u hakarak  rona  duni  husi señor Ministru  no tekniku no diplomata sira  ne´ebé lolos  kaer diretamente  prosesu ASEAN  ne´e,“dehan Ramos Horta.

Prosesu luta ba atu sai membru ASEAN, Horta dehan, la´os  Ministériu Negosius  Estranjeirus  mak hanesan uniku responsavel, maibe Estadu, Governu nia responsavel  tomak.

 “Tanba  ne´e mak  primeiru Ministru fó todan ida  ne´e   ba ha´u para  servisu hamutuk ho MNE, mas  diretamente  ho Primeiru Ministru  haree  oinsa bele  mobiliza koordena  setor hotu-hotu Estadu ne´e nian para Timor ne´e esforsu tama  ba ASEAN,“dehan Horta.

Horta haktuir, kna´ar  ne´ebé mak Governu fó fiar ba nia hodi   reprezenta Estadu ka Governu Timor-Leste  iha    Prosesu Negosiasaun adere ba ASEAN,  atu halo diplomasia  públiku , liu-liu ba  universidade  no soseidade sivil  ho autor sira hotu kada Estadu  para investidor sira  hatene realidade Timor.

“Ne´e mak ambisaun ita nian Timor sai koñesidu iha Asia tomak, liu-liu iha ASEAN,“dehan Ramos Horta.

Iha  parte seluk, Diretora Interina Diresaun  Jeral  MNE Assuntus   ASEAN,   Milena Rangel, esplika, objetivu enkontru   atu  aselera tama ba membru ASEAN.

Lee hotu :   Alkatiri propoin Xanana ba prezidenti alta autoridade

`Foin dadauk  ita-nia dotor Ramos Horta, nomeadu, enviiadu espesial ba ASEAN atu lori negosisaun ne´e ba  oin ou atu asegura  prosesu adezaun ba ASEAN, entaun MNE  ne´ebé mak durante  ne´e hala´o hela servisu ba iha Estadu membru ASEAN sira oinsa koalia ba públiku, kona-ba prosesu ASEAN to´o iha ne´ebé MNE   durante lidera hela  prosesu sira ne´e, entaun ami iha dever atualiza  señor Ramos Horta kona-ba prosesu tomak MNE hala´o,“dehan Milena Rangel.

Entretantu Ministru Estadu no Konselleiru ba Seguransa Nasionál, José Ramos Horta, hetan fiar  hodi sai  altu  reprezentante  Timor-Leste iha  prosesu negosiasaun adere ba  ASEAN, desidi liu husi reniaun Konselhu Ministru sira, iha semana kotuk.avi

Add to Comments Here!!!!

error: Content is protected.
Secured By miniOrange
You might also like:
City Fetures GMNTV, Eds.07

Feto Iha Kareira Edisaun.7 (Versaun Video Kompleitu)

Ispa ho Diareia maka’as iha Viqueque

Moras Ispa ho Diareia afeta maka’as...

Close