JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEJT husu traballador illegal iha Korea fila mai TL

SEJT husu traballador illegal iha Korea fila mai TL

Sekretariu Estadu Juventude no Traballu, Nivio Magalhães, husu ba traballador  Timor-oan sira ne’ebé servisu ilegal iha  Korea do Sul atu fila   mai Timor-Leste (TL) ho volontariamente,  tanba  Governu Korea ameasa  sei hatun  númeru traballador husi TL.

Nivio hateten, traballador  se deit mak dadauk ne’e servisu ilegal iha Korea atu diak liu tenki fila mai ho volontariamente, nune’e labele prejudika traballador sira seluk ne’ebé mak hakarak ba servsiu fali iha Korea do Sul.

“Tendensia traballador sira ne’ebé ba servisu  iha Korea, ikus mai tenki abandona sira-nia servisu ne’e tanba ita laiha preparasaun  ne’ebé diak. Tanba ne’e   agora  dadauk traballador sira ne’ebé mak atu ba Korea ami tenki  halo selesaun ne’ebé rigorozu, tanba dala barak traballador sira ne’ebé ba servisu iha ne’aba, liu-liu area peskas barak mak  laiha koñesimentu kona-ba tasi no ro, maibe ita fo liu ida ne’e  mak ba iha ne’eba sira sente la bele sira halai sai no servisu ilegal iha ne’eba,”Nivio hateten ba jornalista sira, iha nia servisu fatin Caicoli,Dili, Kinta (8/3/2018).

Nivio haktuir,  traballador Korea barak mak   sai ilegal iha Korea tanba preparasaun Governu nian mak laiha, nune’e  traballador kuaje atus hat resin sai ona ilegal iha Korea, ne’ebé hakarak ou lakohi Governu TL  tenki  buka meius hodi haruka fila fali mai TL.

“Traballador sira kuandu ita la prepara halo didiak mak sira ba iha ne’eba sira iha tendensia atu troka sira-nia servisu ou bele mos abandona sira-nia servisu. Ba oin ita labele husik hahalok sira hanesan ne’e mosu tan,”dehan nia.

Nia mos afirma, alende  viola akordu ne’ebé mak iha, implikasaun seluk ne’ebé Timor Leste sei simu mak Korea do Sul sei  hamenus kuota ne’ebé mak  Governu Korea fo, no aat liu mak sei hapara programa refere.

Lee hotu :   CNE hahu edukasaun cívica

“Governu Korea halo  ona ida ne’e ba nasaun seluk, hanesan Vietnam ne’ebé mos uluk nia traballador iha Korea barak, maibe tanba  halo hahalok  ilegal entaun Vietnam hapara tiha,”haktuir Nivio.

Tuir  planu SEJT, Nivio Magalhaes, sei desloka ba Korea do Sul hodi  hasoru diretamente traballador sira ne’ebé oras ne’e dadauk servisu ilegalmente iha Korea  no sei koalia mos ho Governu Korea kona ba asuntu importante seluk ne’ebé mos ligasaun kona-ba númeru traballador Timor oan iha Korea.

Nune’e mos, Sekretariu Estadu Juventude no Traballu (SEJT), Nivio Magalhães,  rekomenda, ba traballador  Timor oan sira ne’ebé ba  servisu iha  Australia atu servisu ho diak no mos responsabilidade. Tanba prezensa traballador sira iha  Australia laos lori  deit  sira nia naran maibe mos lori nasaun nian naran.

Nivio hateten, nudar Timor oan ne’ebé  ba servisu iha ema nia rain, tenki tane as  dignidade  nasuan nian nune’e bele gaña  empregador nia hanoin hodi aumenta númeru traballador, tanba   Timor oan barak mak oras ne’e dadauk sei moris iha situasaun kiak no mukit nia laran.

“Ha’u bolu traballador sira ne’ebé mak foin atu ba no sira ne’ebé   mai tiha ona no kompañia  bolu sira atu ba fila fali, atu  fo mensajen ba sira katak sira-nia prezensa iha ema nia rain  ne’e laos lori deit sira-nia naran, maibe Timor nian naran, kuando sira halo sala ruma ema sei la temi sira- nia naran, maibe ema sei temi Timor oan, tanba ne’e tenki tane aas rai doben ida ne’e nia naran, iha ema nia rain nune’e labele  minimiza númeru traballador ba servisu iha ne’eba,”dehan Nivio Magalhães, iha nia servisu  fatin Caicoli Kinta (8/3/2018),  hafoin despede traballador hamutuk nain 57 ne’ebé sei aranka ba Australia iha tempu badak.Ola

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-08 Fulan-Marsu Tinan-2018

PM Alkatiri la autoriza loke tan jogus • IGJ ‘viola’ Lei

Primeiru Ministru (PM), Mari Alkatiri, kontinua...

GRANDE ENTREVISTA GMNTV Loron-08 Fulan-Marsu Tinan-2018

Topiku Entrevista Akordu Fronteira Maritíma, hamutuk...

Close