JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Substituisaun kargu Xefia AP, AMP konsidera ambisaun FRETILIN no PD ba pozisaun

Substituisaun kargu Xefia AP, AMP konsidera ambisaun FRETILIN no PD ba pozisaun

FOTO:GOOGLE

Bankada opozisaun CNRT, PLP no KHUNTO ne’ebé hanaran aan Aliansa Mudansa ba Progresu (AMP), konsidera substituisaun ba dirijente no Xefia sira iha Administrasaun Públika (AP), husi  VII Governu ne’e, hanesan ambisaun husi koligasaun FRETILIN no Partidu Demokrátiku (PD) atu koloka sira-nia kuadru sira iha pozisaun hirak ne’e.

Liu husi konferensia ba imprensa, bankada Parlamentar CNRT, PLP no KHUNTO, hato’o publikamente, sira-nia preokupasaun ho okorénsia kona-ba substituisaun titular ba kargu diresaun no Xefia sira iha Administrasaun Públika.

“Haree ba Primeiru  Ministru no Sekretária Estadu husi Governu FRETILIN no  PD, dezenvolve aktividade ida fraku, hanesan konsekuénsia husi sira-nia inkapasidade atu viabiliza programa Governu nian iha Parlamentu Nasional, no sira-nia inkapasidade hodi aprezenta Orsamentu Jeral Estadu ba tinan fiskal 2018, no  tanba Governu ida ne’e hanesan Governu jestaun.  Husi ponto de vista bankada Parlamentar opozisaun nian hala’o iha faze ida ne’e, kualker movimentu de substituisaun ba dirijente no xefia iha Administrasaun Públika revela ambisaun husi FRETILIN no PD hodi koloka sira nia kuadru iha pozisaun,” deputadu Mericio Akara husi bankada PLP liu husi konferensia imprensa ba jornalista sira iha PN, Kuarta (20/03).

Nia hatutan, deputadu no deputada sira husi bankada CNRT, PLP no KHUNTO, ne’ebé dezempeña funsaun iha Komisaun Permanente iha Parlamentu Nasional, entende katak, laiha sentidu ruma halo substituisaun ba titular kargu diresaun no xefia iha Administrasaun Públika, iha faze ne’ebé Governu devia limita de’it ba prátika aktu jestaun, ka aktu sira ne’ebé garante funsionamentu iha Administrasaun Públika, hodi asegura kontinuidade prestasaun bens no servisu públiku ba populasaun.

Bankada Parlamentar CNRT, PLP, no KHUNTO entende katak movimentu substituisaun ba Diretor Jeral sira, Diretor Nasional sira, Diretor Munisipal sira, Xefe Departamentu no Xefe Seksaun la iha sentidu ruma iha momentu ida ne’e.

Lee hotu :   Veteranus-MKOTT selebra susesu FM

Mericio Akara hatutan, estratéjika no lideransa iha estrutura administrativa Estadu nian ho objetivu atu prevene konsekuénsia todan iha derota eleitoral ne’ebé sira hatene katak, sei sofre iha eleisaun antesipada ne’ebé sei realiza iha loron 12 maiu tinan 2018.

Bankada opozisaun tolu ne’e (CNRT, PLP no KHUNTO) konsidera demisaun ba Diretor Jeral husi Ministériu Justisa no demisaun ba Diretor Nasional Terras no Propriedades, nune’e mós husi Ministériu Justisa, parese atu konfirma preokupasaun deputada no deputadu sira husi opozisaun iha komisaun Permanente Parlamentu Nasional, tanba determina hapara imediatu sira-nia komisaun servisu antes, mezmu konklui kualker prosesu disiplinar.

“Deputada no Deputadu iha Parlamentu Nasional, membru Komisaun Permanente, ne’ebé integra iha Bankada Parlamentar CNRT, PLP no KUNTO nian, konsidera katak, deside hodi hapara antesipadamente komisaun servisu ba dirijente no xefia iha Administrasaun Públika, sein hala’o prosesu disiplinar ruma antes, ne’e tuir prinsípiu la loos (eradu) tanba impede dirijente no xefia sira hapara sira nia komisaun servisu ho baze iha akuzasaun ne’ebé sira rasik la hetan oportunidade atu aprezenta defeza,” relata Mericio Akara.

Tuir bankada CNRT, PLP no KHUNTO katak, laiha sidadaun ida, funsionáriu Estadu ida labele sofre kondenasaun antes atu bele defende husi akuzasaun ne’ebé sira halo ba nia an.

Bankada Parlamentar CNRT, PLP no KHUNTO ne’ebé ezerse funsaun iha komisaun Permanente iha Parlamentu Nasional, rekere ona ba Komisaun Funsaun Públika, nú’udar orgaun Administrasaun Públika ne’ebé responsável hodi garante rekursus humanus Estadu, nian la’os husi partidu no laiha kontrolu husi partidu polítiku ruma, atu fó esklaresimentu kona-ba medida ne’ebé foti, hodi evita FRETILIN no PD, ne’ebé iha pozisaun Governu, hodi halo troka ba dirijente no xefia iha Administrasaun Públika, ho baze iha kritériu eskluziva ka preponderate polítiku-partidáriu.

Lee hotu :   Projetu fibra ótika, VII Governu gadai TL nia soberania

Tuir bankada Parlamentar tolu ne’e katak, infelizmente, Komisaun Funsaun Públika, seidauk, bele responde ba kestaun sira ne’ebé koloka husi Deputada no Deputadu sira.

Ba Bankada Parlamentar CNRT, PLP no KHUNTO, laiha sentidu no la eziste fundamentu sériu no konkretu atu justifika substituisaun ba dirijente no xefia sira husi servisu administrativu Estadu nian, iha altura ida ne’e, ka husi semana balu ba hala’o eleisaun antesipada ba Parlamentu Nasional no ne’ebé sei lori ba formasaun Governu foun ida, VIII Governu Konstitusional ne’ebé sei lidera husi AMP.

“Independénsia, izensaun no ho profisionalismu ita nia Funsaun Públika sei halo buat hotu, tuir lei, atu dirijente no xefia sira ezerse funsaun iha servisu administrativa ne’ebé dependente ba Estadu bele kontinua servisu ba interese Timor-oan hotu, no la’os de’it atu defende interese grupu espesífiku ida ka partidu polítiku ida nian,” relata Mericio Akara.cos

 

Add to Comments Here!!!!

error: Content is protected.
Secured By miniOrange
You might also like:
Lere la tolera militar mete iha polítika

Xefi Estadu Maior Jeneral das F-FDTL,...

GRANDE ENTREVISTA GMNTV Hamutuk ho Prezidente Konsellu Imprensa nomos Sekretariu Jeral TLPU

JORNAL NACIONAL GMNTV Loron-22 Fulan-Marsu Tinan-2018

Close