JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Taur: Ukun nain labele hanoin de’it tau osan ba bolsu

Taur: Ukun nain labele hanoin de’it tau osan ba bolsu

Prezidenti Partidu Libertasaun Popular (PLP), nu’udar mos Portavoz Aliansa Mudansa ba Progresu (AMP), Taur Matan Ruak, hateten, atu prepara jerasaun foun ba futuru nasaun, bainhira kaer ukun labele hanoin de’it atu tau osan ba bolsu, maibé tenki hatudu ezemplu diak atu jerasaun foun sira bele banati tuir.

Taur Matan Ruak, dehan, ezemplu diak ba ukun mak, tenki hanoin povu ne’ebé mak sei terus, no fahe rikusoin nasaun nian ba povu Timor Leste tomak. Asaun governante sira nian, no sira-nia programa iha implementasaun polítika ne’ebé iha, fó hanoin atu hamenus sala, no hadia diak liu tan dezenvolvimentu iha Timor-Leste.

“Hakarak prepara jerasaun foun sira, kuandu kaer ukun, hanoin sira ne’ebé mate ona, no sira barak ne’ebé mak sei moris, tanba sira fó ona sira-nia kontribuisaun ba nasaun ida ne’e, sai nasaun livre no independente, labele hanoin de’it tau osan ba bolsu, no haluha ema seluk,”katak Taur Matan Ruak, ba jornalista sira iha Sede PLP Meti-Aut Dili foin lalais ne’e.

Taur haktuir, bainhira nia mandatu hanesan Prezidenti Repúblika remata, nia iha opsaun rua atu hili, ida mak kandidata-an ba segundu ronde, no ida seluk mak involve aan iha partidu.

“Karik ita haree iha V no VI Governu, partidu hotu kuaze unaminidade, no etikamente labele, mas  Prezidenti Repúblika sai tiha opozisaun ida iha momentu ne’eba. Kuandu ha’u atu remata ha’u nia mandatu, ha’u iha dalan rua, ba segundu mandatu, ou tama partidu. Ba segundu mandatu ha’u laiha posibilidade, tanba ha’u iha relasaun ladiak ho CNRT no FRETILIN,” katak Taur Matan Ruak.

Nia afirma, iha momentu ne’eba mak nia kandidata-an fila fali ba Prezidenti Repúblika, no eleitu nafatin atu sai Prezidenti Repúblika mós, difisil atu rekoopera fali relasaun ninian ho CNRT no FRETILIN.

Lee hotu :   Hakotu impase polítika ho EA, Ukun nain instrumentaliza povu

Taur Matan Ruak, agradese ba partidu FRETILIN, tanba bele loke dalan ba nia ho Kay Rala Xanana Gusmão hamutuk fila fali.

“Karik ita haree iha V no VI Governu, partidu hotu kuaze unaminidade, no etikamente labele, mas  Prezidenti Repúblika sai tiha opozisaun ida iha momentu ne’eba. Kuandu ha’u atu remata ha’u-nia mandatu, ha’u iha dalan rua, ba segundu mandatu, ou tama partidu. Ba segundu mandatu ha’u laiha posibilidade, tanba ha’u iha relasaun ladiak ho CNRT no FRETILIN,”katak Taur Matan Ruak.

Prezidenti PLP ne’e dehan, iha polítika nia laran, buat ida naran han gratuita ne’e laiha, buat hotu iha nia objetivu.

“Ha’u hatete ba sira, imi ho imi-nia maun breok ne’e mak halimar ho imi, imi ho imi-nia maun ha’u oin aat ida ne’e, hurlele imi loron la manas. Ita hakarak manan, tenki servisu, hisik kosar, tanba laiha buat ida mak atu ema fó ba ita iha bandeza,”relata Taur Matan Ruak.

Alende ne’e, Taur Matan Ruak mós afirma, kualker Governu se de’it mak atu kaer ukun, tenki involve sidadaun sira iha prosesu dezenvolvimentu.

“Hanesan luta ba ukun aan, ita-nia sidadaun sira mak fó kontribuisaun bo’ot, mesak matenek de’it, la halo buat ida, maibé ita hotu hamutuk, beik, matenek, riku no kiak, ferik no katuas, foin sa’e mak ita manan funu, entaun prosesu dezenvolvimentu ne’e ita tenki buka oinsa mak integra ita-nia sidadaun sira iha prosesu ne’e,”relata Taur Matan Ruak.cos

 

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL Eps.13

PNTL sei kaptura estudante abandona aula

Polisia Nasional Timor-Leste  (PNTL), Munisípiu Dili, sei...

SEJT husu traballador illegal iha Korea fila mai TL

Sekretariu Estadu Juventude no Traballu, Nivio...

Close