JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana ‘auzensia’ iha loron nasional veteranus, Alkatiri: Nia esperitu hamutuk ho povu

Xanana ‘auzensia’ iha loron nasional veteranus, Alkatiri: Nia esperitu hamutuk ho povu

Komandante Em-Xefe das FALINTIL, Kayrala Xanana Gusmão, Sabadu (03/3/2018), ‘auzensia’ iha komemorasaun loron nasional ba veteranus ne’ebe konsentra iha Palacio do Governo, Dili.

Xanana iha hela rai liur tanba preokupa ho negosiasaun fronteira maritima ho Australia. Maske nune’e, Primeiru Ministru (PM), Mari Alkatiri, dehan, nia sente tristi ho ‘auzensia’ Xanana nian ba loron especial veteranus nian ne’e, mesmu Alkatiri rasik hatene hela servisu saida mak Xanana halo oras ne’e.

“Ha’u senti tristi oituan, ha’u nia maun Xanana Gusmão laiha ne’e, maibe ita hotu hetene servisu nia hala’o dadauk, servisu ida importnte atu manan soberania iha tasi Timor, ne’e ita hotu hatene, tanba ne’e nia aujensia mos nia prezente, biar nia iha dook ita senti nia iha ne’e nafatin ho ita,” hateten PM Mari Alkatiri iha diskursu komemorasaun loron nasional veteranus.

Alkatiri rekoñese katak, maske Xanana ‘auzensia’ iha komemorasaun ne’e, maibe Xanana nia esperitu hamutuk nafatin hela ho povu Timor-Leste.

Iha parte seluk, Xefi Governu ne’e senti kontenti tanba, loron 3 Marsu, sai hanesan loron nasional veteranus ne’ebe halo iha Palacio do Governo, tanba Palacio do Governo mak koñesidu hanesan praça Proklamasaun Independensia.

“Hau senti kontenti tebes, tanba Estado rekonhese nafatin fatin ida ne’e (red-Palacio do Governo) sai nafatin fatin proklamasaun da independensia,” hateten Mari Alkatiri.

Iha komemorasaun ne’e, PM Mari Alkatiri mos asina plaka memória ba proklamasaun indepedensia no hasa’e mos bandeira Falintil, tanba konsidera loron ne’e hanesan loron nasionál veteranus nian.

Hafoin asina plaka memoria Proklamasaun Independensia RDTL, xefi Governu akompaña mos husi eis Prezidenti Republika, Taur Matan Ruak, vizita expoziasaun ne’ebe prepara husi Centru Nacional Chega (CNC) iha Palacio do Governo.

Lee hotu :   Alkatiri propoin Xanana ba prezidenti alta autoridade

Partisipa iha lansamentu Memorial proklamasaun independensia Republika Demokratiku Timor-Leste (RDTL) 28 Novembru 1975 ne’e mai husi eis Prezidenti Republika, Taur Matan Ruak, membro Governu, eis membro Governu, membro Parlamentu Nacional, korpus diplomatikus, veteranus no estudante. mia

 

Add to Comments Here!!!!

error: Content is protected.
Secured By miniOrange
You might also like:
SIP ho PNSIC kaptura suspeitu produs Dolar falsu • Deskunfia, envolve mos Timor Oan ida

Servisu Intelijensia Polisia (SIP) ho Polisia...

JORNAL NACIONAL GMNTV Loron-03 Fulan-Marsu Tinan-2018

PNTL propoin harii rasik estasoens kombústivel

Komando Polisia Nacional Timor Leste (PNTL)...

Close