JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FDD sei muda estatua Francisco Xavier ba Palacio Governu

FDD sei muda estatua Francisco Xavier ba Palacio Governu

Koligasaun Frente Dezenvolvimentu Democrátiku (FDD) promote, sei muda estatua proklamador Francisco Xavier do Amaral ba Palacio do Governu, bainhira povu fo fiar kaer ukun.

Prezidente Konselhu Prezidensial FDD, Antonio de Sá Benevides, afirma lolos estatua Francisco Xavier tau iha Palacio Governu, tanba nia halo proklamsaun iha Palacio Governu, tan ne’e kuandu FDD manan, sira sei muda estatua ne’e.

“Ita tenki tau nia istoria lolos, labele ba tau fali iha rotunda eis merkadu lama ne’e, avo halo proklamasaun iha Palacio Governu, sira tau arbiru deit ne’e mak ukun mos la los,’’ dehan Antonio iha kampanha aberta FDD iha ba dala sia halao iha kampo Lai Maubise Vila, Postu Administrativu Maubise, Municipiu Ainaro,

Antonio esplika FDD hanesan partidu ne’ebe kaer metin kultura husi beiala sira inklui istoria Timor, tan ne’e sira hakarak hatur istoria lolos ba jersaun foun sira.

Iha fatin hanesan Prezidente Comisario Politika Nasional (CPN), FDD Agustinho Gomes promote mos ba nia militante ho simpatizante katak, FDD manan, sei liga estrada husi sidade ba aldeia hotu iha Timor.

“FDD nia programa la mai ho imajinasaun , FDD tun uluk ba baze hodi identifika kondisaun povu nia moris, nune’e programa no planu ne’e bazeia ba realidade povu nia moris. Ami nia politika seluk mak sei identifka be matan iha teritorio laran, tanba be mos ne’e nia fukun mai husi be matan, tan ne’e presija identifika be matan sira ne’e  hodi halo jestaun fornese be mos ba povu sira,’’ koalia Agustinho.

FDD mos sei hadia estrada Ainaro liga ba Hatubilico to’o foho Ramelau, tanba foho Ramelau hanesan fatin turistíku ne’ebe furak hodi dada turista sira.

Lee hotu :   Taur: Ha’u ho Xanana sei moris laiha ida ukun Timor

Kampanha ne’e hetan seguransa husi parte Polisia Nasional Timor Leste, Comisaun Nasional Eleisaun inklui observador internasional.

Koligasaun ho numeru sorteiu  hitu ne’e tuir kalendario sei halo kampanha iha municipiu Aileu-Aisirimou. nia

Add to Comments Here!!!!

error: Content is protected.
Secured By miniOrange
You might also like:
UE oferese Euro 774.316 ba PDHJ

Uniaun Europeia (UE) fó apoiu orsamentu...

Prizioneiru atu tuir EA, STAE seidauk hetan relatoriu

Sekretariadu Tékniku Administrasaun Eleitoral (STAE) to’o...

PDHJ identifika Funsionario Públiku husi MP, MSS, MOPTC ba kampaña

Provedoria Direitu humanus no Justiça (PDHJ),...

Close