JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Garante paz iha EA, ParPol-CNE asina PUN

Garante paz iha EA, ParPol-CNE asina PUN

Atu garante paz no estabilidade iha Eleisaun Antesipada(EA) Sábadu(07/04/2018) ne’e, Partidu Polítiku (ParPol) 4 (FRETILIN, PD, PR no PEP) no koligasaun 4 (AMP, MDN, MSD no FDD) asina Paktu Unidade Nasionál (PUN) ho Komisaun Nasionál ba Eleisoens (CNE_sigla iha lian Português) nu’udar sasin ba kompromísu paz nian.

Ho esforsu ne’ebé CNE halo ho partidu polítiku sira, Prezidente CNE, Alcino de Araújo Barris, garante, partidu hotu sei eduka nia militantes atu garante paz no estabilidade nasionál durante prosesu kampaña no to’o prontu simu realidade ba rezultadu eleisaun.

Partidu Politiku sira ne’ebe mak kompete iha Eleisaun Parlamentar iha loron 12 fulan Maiu tinan ne’e Assina Paktu Unidade Nacional, partisipa husi Prezidente Republika, Francisco Guterres Lú Olo, Prezidenti CNE, Alcino de Araújo Barris,  no entidades sira seluk, iha Lalini Larigutu, CNE. Sábadu (07/04/2018).

“Sira asina tiha ona, partidu poklítikus no koligasaun hamutuk 8, ne’ebé ho kompromísiu atu hala’o eleisaun ho pasífiku, livre no paz, ne’e mak sira konklui husi partidu 8,”haktuir Alcino Barris ba jornalista sira iha salaun Lalini larigutu CNE.

Tuir prezidente CNE ne’e, ho paktu unidade nasionál ne’e, hafasili tebes ba CNE atu foti medidas ba Parpol no koligasaun partidaria bainhira halo perturbasaun ruma iha okaziaun kampaña ka eleisaun nian.

“Ho asina paktu ne’e fasil teb-tebes, atu seguransa sira halo atuasaun tanba, kompromísiu mai tiha ona husi partidu polítiku sira, se apoiantes ka grupu balun mak halo perturbasaun karik fasilmente la tolera ona, tanba sira rasik kompromete no la aseita atu iha akontesimentu sira ladiak ne’e iha,” relata Alcino.

Iha okaziaun ne’e mós, Prezidente da Repúblika Francisco Guterres Lú-Olo husu líder partidu poítiku hotu atu promove demokrasia ho paz no estabilidade, hodi fo sai ba mundu, Timor-Leste mós bele halo eleisaun livre, pasífiku no justu.

Lee hotu :   Mari Alkatiri: FRETILIN sei hasa’e osan idozu sira

Tuir dever no kompetensia ne’ebé konstituisaun fo ba xefi estadu, nia parte fo apoiu tomak no hakarak promove no defende nafatin ba inisiativa CNE nia ne’ebé asina paktu unidade nasionál ho parpol sira nu’udar kompromísiu eleitoral hanesan mós eleisaun period 2017 nian

“Ita-nia povu konkista ona demokrasia ida ho kualidade, susesu ida ne’e mai hosi ita ida-idak, familia, grupu komunitariu, parpol no instituisaun hotu nu’udar povu Timor-Leste, hau admira no apresia teb-tebes maturidade polítika ida ne’ebé ita nia povu hatudu dala tan, iha fulan hirak liuba, hau fiar katak eleitor sira hotu hatene momoos ona saida mka demokrasia no tanbasa mak tenke vota fila-fali, no fiar katak eleitor sira ida-idak sei hili tuir nia hakarak rasik no sei hili ho fiar metin ba partidu ka koligasaun ne’ebé sei ukun di’ak liu tinan lima tuir mai”dehan Lú-Olo.

Xefi Estadu  ne’e apela ba sidadaunn hotu no partidu polítiku sira atu servisu maka’as ba prioridade sira ne’ebé hala’o dezenvolvimentu lalais bele hadia povu nia kondisaun moris.

PR Lú-Olo dehan tan, atu garante paz no estabilidade iha Timor-Leste, la’os depende ba Xefi estadu de’it, maibe sidadaun hotu, liu-liu ba sira ne’ebé hakarak tanen no lidera povu atu serve di’akliu Timor-Leste no timor oan hotu.

Xefi Estadu mós apela líder partidu polítiku sira atu labele insulta malu, no hato’o de’it polítika program aba povu durante kampaña.

“Eleitor sira hakarak rona ita bo’ot sira nia programa polítiku atu haburas Timor-Leste, kampaña eleitoral tuir ne’e tenke livre no no ho neon moos no hakarak atu hadi’a duni ita nia rain ho di’k liutan, hau apela mós ba hotu-hotu atu fo tulun ba eleisaun ne’e, nu’udar ita nia vontade atu hala’o kultura demokrátika iha ita nia rain no manan rekoñesimentu no admirasaun hosi komunidade internasionál hodi hamorin nafatin ita nia rain Timor-Leste,”apela Xefi estadu.

Lee hotu :   SEMANA OIN, GOVERNU APREZENTA PROGRAMA BA PN

Iha biban hanesan, Koordenador Jeral Bloku Koligasaun Aliansa Mudansa ba Progresu (AMP), Fidelis Manuel Leite Magalhães, hateten, atu garante paz la’os ba lideransa de’it, maibe parpol no sidadaun hotu iha dever atu garante paz no estabilidade, tanba laiha paz mak seila iha dezenvolvimentu.

“Ita hotu hatene, harí parpol no kaer Governu, Parlamentu no instituisaun hotu para ba bem estar povu nian, maibe bem estar ne’e it abele konkista bainhira garante paz no estabilidade,”dehan Fidelis.

Lideransa AMP ne’e afirma tan, la’os foin iha paktu ne’e mak atu eduka, maibe estrutura AMP esforsu nanis atu eduka militantes no simpatizantes sira, liuhosi mensajen importante konaba harmonia, sosial no estabilidade iha Timor-Leste, maibe paktu ne’e mós importante tebes, tanba nu’udar kompromísiu ida husi parpol hotu atu bele servisu di’akliu tan.

Nune’e mos, Vise-Prezidente Partidu FRETILIN, Francisco Miranda Branco, subliña, Fretilin sei garante atu paktu unidade nasionál ne’e labele formaliza de’it husi líder sira, maibe tenke to’o iha militantes sira nu’udar prinsipiu partidu nian.

“Unidade nasionál ne’e lori ita konkista ita nia independensia, ami iha ona atuasaun iha kampu durante konsolidasaun, atu koidadu liafuan hodi labele soke ema seluk nia laran, no ami mós eduka oinsa atu aprezenta de’it programa iha kampaña la’os atu insulta malu,”katak Branco.

Sekretariu Jeral Partidu Demokrátiku, Antonio da Conceição, mos hateten, paktu unidade ba parpol ne’e importante tebes, atu nafatin promove paz iha Timor-Leste.

“Ita-nia rain ida ne’e, la’os tanba diverzensia polítika mak ita tenke han malu nafatin, tanba diverzensia polítika ne’e demokrásia, maibe maun alin Timor oan tenke kaer liman nafatin hodi asegura ita nia rain, liu-liu tenke hatutan paktu unidade ba to’o iha militantes sira iha baze,”dehan Antonio.

Lee hotu :   Alkatiri : Xanana la involve VII Governu

Antes halo serimonia paktu unidade nasionál, reprezentante lia nain husi munisipiu 12 inklui Rejiaun Administrativu Espesial Oe-Cuse Ambeno (RAEO) halo uluk serimonia ritual iha loron Sesta(06/04) hodi loke dalan ba kampaña nu’udar tradisaun Timor nian.

Reprezentante lia na’in munisípiu 12 no RAEOA, Pio de Ataide, husi lisan karketu hateten, maske iha serimonia ritual ne’e iha fukun balun ne’ebé hatudu husi ko’a animal, maibe la reflete ba akontesimentu bo’ot ruma, maibe reflete ba liafuan de’it.

Iha serimonia asina paktu unidade ansionál ne’e, lia na’in husi munisipiu 12 inklui RAEOA mós hafutar bua malus no entrega ba líder orgaun tolu, Prezidente Repúblika, Prezidente Tribunal no Parlamentu Nasionál, inklui reprezentante partidu 4 no koligasaun partidaria 4, nu’udar matak malirin husi matebian, rai-lulik no lisan hodi hametin paz iha fuan.Say

Add to Comments Here!!!!

error: Content is protected.
Secured By miniOrange
You might also like:
AMP manan, Xanana sei kansela projetu fibra ótika

Prezidente Koligasaun Aliansa Mudansa ba Progresu...

HABURAS VIDA ESPIRITUAL GMNTV Eds. 17

Jornal Semanário GMNTV Edisaun 1 Abril 2018

Close