JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kampaña ba dala 5 iha Manufahi, Alkatiri: “Ukun tinan 10, governu halo uma fornu tunu povu”

Kampaña ba dala 5 iha Manufahi, Alkatiri: “Ukun tinan 10, governu halo uma fornu tunu povu”

Partidu ho númeru sorteiu hat (4) FRETILIN hafoin termina komísiu polítiku jerál iha Munísipiu Ainaro, iha Sábadu (14/4/2018), kontinua hakat fila fali ba Munisípiu Manufahi hodi hasoru malu ho nia militante no simpatizante sira iha Munisípiu.

Iha kampaña aberta ba dala lima iha Munisípiu Manufahi ne’e, Sekretáriu Jerál Partidu hinstóriku, Mari Alkatiri deklara ba militante no simpatizante sira iha Manufahi konaba programa VII Governu nian, ne’ebé mak hetan rejeisaun husi opozisaun sira iha parlamentu.

Tuir Marí Alkatiri katak, programa VII Governu ne’e sai májiku, tanba atu kore povu husi kiak no mukit iha VIII Governu.

Programa ida ne’e mak FRETILIN ne’ebé mak manan iha eleisaun jerál iha fulan Jullu 2017, hodi forma Governu no aprezenta ba parlamentu maibé adversáriu polítiku sira sumba tiha iha parlamentu.

Tanba ne’e Mari Alkatiri, husu povu Manufahi no povu Timo laran tomak, tenki matan moos, hodi foti fila FRETILIN iha loron votasaun 12 de Maiu hodi vota ba FRETILIN manan, ba kaer ukun iha VIII Governu, tanba partidu seluk kaer ukun durante tinan 10, sira halo uma Millenium Development Goals (MDG’s) hanesan fornu hodi tunu povu, tanba uma ne’e halo ho kalen hotu.

“Uma ne’ebé sira halo ne’e, sai fali fornu atu tunu ema, ida ne’e mak uma MDG’s, la kumpri ho sira nia planu, no uma MDG’s ne’e fakar osan ba ema ida rua de’it, tanba kada uma MDG’s gasta US$ 17.000. Agora sira mós hakilar dehan atu halo uma, tinan 10 nunka halo uma ida ba povu, agora mai promete dehan atu halo uma ba povu, ida ne’e bosok ten,” Alkatiri afirma maka’as ba militante no simpatizante sira iha Munisípiu Manufahi, Sábadu (14/04), no hetan basa liman maka’as husi militante no simpatizante sira.

 Lideransa másimu partidu FRETILIN ne’e fundamenta, dezenvolvimentu halo infra-estrutura ne’ebé mak di’ak, maibé lahatene atu halo saida, tanba ema balun dehan problema ne’e la’os beemoos, maibé sira lahatene katak, ema hemu bee foer ne’e mak moras no mate.

Lee hotu :   Desidi EA, PD simu ho tristi "Hahú konsolida estrutura"

“Ita tenki hado’ok ema husi moras, tanba ne’e, ita tenki fó prioridade mós ba saúde, labele diskrimina povu, bainhira bo’ot sira moras, Governu gasta osan bo’ot ba halo tratamentu iha rai liur, maibé povu mak moras, husik to’o mate de’it,” Alkatiri lembra hikas.

Marí Alkatiri mós hateten, atu muda sistema edukasaun, atu labarik sira ba eskola estuda ho di’ak, la’os labarik sira ba eskola hakdasak fali  iha rai.

“Eskola tenki iha kondisoens, tenki iha livru atu estudante sira bele lee, la’os labarik sira ba eskola la aprende buat ida iha eskola públiku, boot sira nia oan ba eskola iha rai liur iha eskola ne’ebé kualidade. Governu laiha polítika di’ak ida atu apoiu servisu agrikultor sira, hodi halo agrikultor sira tinan ba tinan produtu laiha nafatin, joven sira mós ba para hotu iha Díli, tanba kondisaun ba sira iha Munisípiu laiha,” Alkatiri esplika.

Konaba turísmu nian, Alkatiri esplika, Governu ba kópia husi Bali atu implementa iha Timor, maibé sala, fakar osan saugati de’it.

 Iha kampaña ne’e mós, Sekretáriu Jerál FRETILIN ne’ebé oras ne’e dadaun assume hela pasta Primeiru Ministru ne’e deklara ba militante no simpatizante sira iha Manufahi katak, durante tinan 10 resin ne’e, FRETILIN mak sempre sala hela de’it, maske halo lós.

“Durante ne’e, ha’u mak sala de’it, halo di’ak mós ladi’ak nafatin, mas ha’u biasa tiha de’it, tanba biasa de’it mak ha’u bele hasoru tentativa hotu ne’ebé hakarak atu hatun FRETILIN. Durante tinan 15 ne’e, ha’u senti hela katak, ema balun hakarak sai Maromak kedua iha Timor Leste,” katak Alkatiri.

Tanba ne’e, iha kampaña eleisaun antesipada ne’e, Alktiri aprezenta programa VII Governu, atu sai fali programa VIII Governu.

“Oras to’o ona ita labele hein tan, iha 1999, bainhira Soeharto monu, hetan solusaun ba referendum, ita hotu kanta katak, oras to’o ona atu liberta pátria ne’e. Tanba ne’e VII Governu ne’e sai májiku, tanba mai ho programa ida atu kore povu husi mukit no ki’ak, atu hametin tan rai no povu ida ne’e, no habelar dezenvolvimentu ba povu Timor Leste tomak, labele hanoin de’it ba minarai, tanba minarai la’os dezenvolvimentu, tanba osan minarai ne’e hariku de’it ema lubun oan ida de’it,” tenik Alkatiri.

Lee hotu :   FDD sei vota kontra programa AMP nebe la benefisia povu

Nia hatutan, programa VII Governu mai atu halo balansu ba ukun ne’ebé la’o tinan 10, ne’ebé gasta osan  husi minarai, maibé realidade laiha.

Alkatiri dehan, prioridade programa ba VII Governu mak beemoos, saúde, edukasaun, infra-estrutura no estrada.

“VII Governu hatama planu dezenvolvimentu ne’ebé aprova iha tinan 2011, maibé sira dehan ida ne’e ladi’ak, tanba sira hakarak sira mak fakar osan,” katak Alkatiri.

Alén de ne’e, membru estrutura Partidu Sosial Demokrata (PSD) nu’udar mós eis Ministra Justisa iha IV Governu konstitusionál, Lúcia Lobato hateten, nia kontente tanba Alkatiri bele simu fali nia hodi fila fali ba uma knua FRETILIN.

“Ohin ha’u mai partisipa iha kampaña ida ne’e, ha’u hasoru malu ho Mari Alkatiri, lia fuan badak ne’ebé ha’u fó ba Alkatiri katak, ha’u mai iha ne’e, atu fó apoiu ba ita, la’os atu husu fatin, maibé ha’u hakarak FRETILIN atu hetan vitória iha eleisaun antesipada ida ne’e,” katak Lúcia Lobato.

Nia haktuir, durante ne’e, nia servisu hamutuk ho povu agrikultór sira iha Same  halo natar, maibé bee laiha, no estrada mós ladi’ak.

“Tanba ne’e mak ha’u hanoin ema ne’ebé mak halo buat sira ne’e mak Mari Alkatiri. Mai ita vota ba FRETILIN atu bele fó moris ba ita ema agrikultór sira, ha’u agradese ba Alkatiri tanba bele fó tempu mai ha’u atu mai hamutuk fali ho FRETILIN. Labele fó oportunidade ba sira seluk ukun, tanba ukun tiha ona, ita agrikultór sira labele moris, tanba labele halo natar,” katak Lúcia Lobato.

Nune’e mós, membru Comite Central FRETILIN (CCF), Abílio Araújo hateten, iha tempu ida ne’e, povu Manufahi tenki halibur oan, maun inan, aman sira atu mai hamutuk fali iha FRETILIN, tanba só FRETILIN de’it mak bele hadia povu nia moris.

Lee hotu :   Ko’alia sala, FRETILIN haksesuk ho CNRT ■ Arão Noe husu deskulpa

“Ha’u mai iha ne’e atu fó testamuña katak, só FRETILIN de’it mak bele halibur ema hotu no bele garante moris di’ak ba povu. Tanba ne’eduni ha’u husu ba kamarada tomak atu hamutuk iha kampaña ida ne’e atu ba vota iha eleisaun antesipada ne’e ba FRETILIN,” katak Abílio Araújo.

Abílio Araújo esplika tan katak, tanba saida mak nia fila hodi apoiu FRETILIN, tanba ikus-ikus ne’e ema balun koko atu sobu FRETILIN.

“Iha eleisaun foin dadaun ne’e ha’u apoiu PLP, tanba ha’u haree programa ida ne’ebé di’ak, kombate korupsaun, no kontra  projetus bo-boot sira ne’e. Maibé programa diak sira ne’e, VII Governu tau iha nia programa, maibé sira vota kontra tiha. Ha’u triste tebes, tanba sira hamutuk ho partidu seluk ba vota kontra tiha programa di’ak ida ne’e, ha’u mós halo esforsu atu PLP hamutuk ho FRETILIN, maibé sira dehan mai ha’u katak, maun lalika kole-an,” Abílio Araújo haktuir.

Nia hatutan, prinsípiu sira ne’ebé uluk FRETILIN kuda ba Timoroan sira, ohin loron ne’e lakon tiha ona, tanba Timoroan sira komesa kontra malu ona.

“Ita la respeita malu, ohin ita mai ko’alia kona ba ita nia programa iha tinan oin mai ne’e, maibé ha’u hakarak uza oportunidade ida ne’e katak, ita la simu kuandu ita falsifika ita nia istória, tanba ita nia heroi sira mak ohin loron ita hamriik iha ne’e. Tanba ne’e ita hotu ejiji atu respeitu ita nia heroi sira,” katak Abílio Araújo.

Nia afirma, iha formasaun Governu ida ne’e nian, bainhira Alkatiri atu simu kargu Primeiru Ministru, nia husu opiniaun parte hotu, inklui Bispu sira Diocese hat iha Timor Leste.

Tanba ne’e, Abílio Araújo aviza ba povu iha Manufahi atu vota ba FRETILIN atu lori vitória ba povu no nasaun Timor Leste (TL).cos

Add to Comments Here!!!!

error: Content is protected.
Secured By miniOrange
You might also like:
AMP hetan vitoria iha EA, Xanana: “Ha’u lá ba ukun”

Prezidente Aliansa Mudansa ba Progresu (AMP),...

GRANDE ENTREVISTA GMNTV Hamutuk ho: Diretur Executivo Yayasan HAK nomós Ministra Justiça

Lere: Ha’u nia preokupasaun iha forsas armadas mak prepara jerasaun foun

Xefi Estadu Maior F-FDTL, Major Jeneral...

Close