JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mari Alkatiri: Mákina Estadu funsiona ho normal

Mari Alkatiri: Mákina Estadu funsiona ho normal

Primeiru Ministru (PM), Mari Alkatiri, deklara, mezmu lider Partidu Polítiku (ParPol) sira ida-idak lidera ninia partidu iha kampaña eleitoral, maibé mákina Estadu kontinua funsiona normal, hanesan bai-bain.

“Laiha falla ba funsionamentu Governu, tanba ha’u PM nafatin, semana ida primeiru, loron ida ou rua ha’u iha Díli, bainhira ha’u iha munisípiu mós ha’u nia kargu hanesan PM funsiona nafatin,”PM ba jornalista sira hafoin remata enkontru ho Prezidente Repúblika (PR), Francisco Guterres “Lú Olo”, iha Palasiu Prezidensial, Bairo Píte, Díli, Sesta (20-04-2018).

Nia akresenta, mákina Estadu VII Governu ninian kontinua la’o ho normal hanesan bai-bain, tanba kada ministériu ida-idak nia aktividade kontinua la’o normal.

“Sé maka dehan Governu la la’o, sé maka dehan ate agora funsionariu sira la simu salariu, veteranu ida ne’ebé maka la simu osan? Eletrisidade iha ka laiha,”haktuir Mari Alkatiri.

Nia subliña, PM la’os funsionariu públiku, maibé polítiku, tanba ne’e la presiza hatama karta lisensa ba Komisaun Funsaun Públika (KFP).

“Ha’u la’os funsionariu públiku maka tenki hatama karta lisensa ba KFP, tanba ha’u polítiku. Tanba ne’e imi labele kahur buat hotu-hotu,”hatutan Xefi Governu ne’e.

Asuntu ne’ebé PM koalia ho PR iha enkontru semanal ne’e maka situasaun jeral iha Timor-Leste hanesan asidente, insidente no problema ruma, maibé realidade laiha ida maka rejistradu.

Entretantu antes atu tama ba kampaña eleitoral, PM Mari Alkatiri informa ona ba PR Lú Olo katak, durante kampaña eleitoral, PM Mari Alkatiri mantein nafatin ninia kargu hanesan PM, hodi lidera VII Governu.ves

Lee hotu :   Monumentu 12 Novembru 1991, La iha isin no klamar "Alkatiri hein Xanana"

Add to Comments Here!!!!

error: Content is protected.
Secured By miniOrange
You might also like:
FETO IHA KAREIRA GMNTV Edisaun 09

FDD sei muda estatua Francisco Xavier ba Palacio Governu

Koligasaun Frente Dezenvolvimentu Democrátiku (FDD) promote,...

UE oferese Euro 774.316 ba PDHJ

Uniaun Europeia (UE) fó apoiu orsamentu...

Close