JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Material eleisaun antesipada to’o ona Timor

Material eleisaun antesipada to’o ona Timor

Materia ba eleisaun antisipa hanesan, gabina de votu to’o ona iha Secretariado Técnico de Administração Eleitoral (STAE) Caicoli no sei aloka ba kada Munisipiu fulan oin, loron 04/05

Diretor Jeral Sekretariadu Tékniku Administrasaun Eleitoral (STAE), Acilino Manuel Branco, informa, material ba Eleisaun Antesipada, dadaun ne’e to’o ona iha Timor Leste.

“Material ne’ebé mak to’o dadun ne’e mak, kavina de votu ho kameoneta rua, no sel-seluk sei to’o tan, tanba tuir ita nia planu, material sira ne’e hotu tenki to’o iha STAE tarde liu mak semana ida, antes loron eleisaun.  Entaun iha prosesu aprozianamentu ne’ebé mak Ministériu ESTATAL halo ita fó ba sira tempu limiti ne’e, tanba material sira ne’e to’o iha STAE, depois STAE mós sei halo verifikasaun depois fahe ba Munisípiu sira, no Munisípiu sira mós sei verifika tan tuir nesesidades sentru para nune’e loron ida antes atu tama eleisaun, sasan sira ne’e tenki ba hotu ona iha sentru votasaun sira hotu, tanba ne’e mak material sira ne’e komesa to’o iha Timor no ohin ami koordena atu hahú haree transporte atu lori ba Munisípiu sira, tanba iha ne’e laiha kondisaun diak atu rai sasan sira ne’e,”hateten Acilino Manuel Branco  ba GMN iha nia kna’ar fatin Caicoli Dili Segunda (02/04).

Nia hatutan, tuir planu material sira ne’ebé mak atu to’o tan mai Timor Leste mak hanesan, urnas no material eskritoris sira no buletin votus.

“Ita koordena hela ho gráfika atu halo imprimisaun, maibé buat ne’e rasik ita sei hein hela prosesu kandidatura sira sei públika naran kada partidu kona ba lista membru parlamentu  atu kompete liu husi partidu ou bloku iha eleisaun antisipada, no iha semana ne’e Tribunal Rekursu sei públika kandidatura sira husi partidu ou bloku, para nune’e ita hatene ona partidu polítiku sira númeru, nune’e ita bele hahú halo númeru buletin votus, para ita bele halo imprimisaun entre fulan Abril to’o fulan Maiu ne’e,” informa Acilino.

Lee hotu :   VII Governu agora defaktu, tuir los PM rezigna-an

Nia haktuir,  prioridade ne’ebé defini ona mak, iha loron 3 fulan Maiu, gráfika nasional tenki entrega ona buletin de votus ba STAE para bele fahe ba iha Munisípiu no estranjeiru iha loron 4 fulan Maiu, tanba ne’e data ikus liu ona.

Acilino esklarese, material sira ne’e mai husi Indonesia, tanba importante mak sasan sira ne’e tenki kualidade para garante eleisaun bele la’o ho diak, no material sira ne’e to’o tuir nia tempu ba klasifikasaun ne’ebé mak STAE fó.aba  

Add to Comments Here!!!!

error: Content is protected.
Secured By miniOrange
You might also like:
STAE garante taxa partisipasaun EA máximu ■La aumenta sentru votasaun

Diretor Sekretariadu Tékniku Administrasaun Eleitoral (STAE),...

Mari Alkatiri vizita Dom Basílio iha HNGV

Bispo Diocese Baucau, Dom. Basilio do...

Prizoneirus 91 Prizaun Gleno sei partisipa EA

Prizoneiru nain 91 iha Prizaun Gleno,...

Close