JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ONU husu Xanana kontinua promove paz-rekonsiliasaun

ONU husu Xanana kontinua promove paz-rekonsiliasaun

Sekretariu Jeral organização nações unidas (ONU), António Guterres husu pessoa eminente, Kay Rala Xanana Gusmão atu kontinua promove paz no rekonsiliasaun iha nasaun sira poskonflitu.

Sekretariu Jeral organização nações unidas (ONU), António Guterres hato’o lia hirak ne’e, bainhira hasoru malu ho pessoa eminenti, Kay Rala Xanana Gusmão iha ninia servisu fatin.

Iha enkontru ne’e, Sekretariu Jeral ONU, António Guterres fo mos parabens ba negosiador prinsipal Timor-Leste ba frnteira maritima, Kay Rala Xanana Gusmão ba ninia esforsu tomak ba negosiasaun fronteira maritima hodi hetan rezultadu.

Iha parte seluk Sekretariu Jeral ONU, António Guterres louva Xanana Gusmão ninia servisu tomak lidera nasaun 20 iha organizasaun g7+ liu-liu papel g7+ ba promove paz.

“Hau mai nudar pessoa eminente hodi reprezenta organizasaun g7+. Hau la lori governu Timor-Leste ka reprezenta Timor mai hodi koalia iha ONU,”dehan Xanana.

Lider karismatiku ne’e dehan ONU mos apresia ho servisu ne’ebe g7+  halo hodi esforsu buka paz iha nasaun sira ne’ebe iha poskonflitu nia laran.

“Sira mak bolu hau atu tur hamutuk fo hanoin no fahe esperiensia ne’ebe g7+ halo hodi bele hetan rezultadu ida ne’ebe diak ba reforma setor seguransa ne’ebe sira  hakarak. Hau lori esperiensia no servisu g7+ iha ne’e hodi ita bele kompleta malu.

Ne’ebe ONU mos iha ona vontade hodi haree ba servisu ne’ebe mak g7+ halao ona, tanba Sekretariu Jeral ONU husu hakarak haree ninia rezultadu, laos relatoriu deit,” haktuir Xanana.

Iha parte seluk, sekretariu jeral g7+, Helder da Costa afirma ONU husu maun boot Xanana Gusmão atu promove paz no rekonsiliasaun hodi prevene konflitu iha nasaun sira ne’ebe iha konflitu laran.

Lee hotu :   PN la fó komentariu asuntu ConocoPhilips

Tanba atu reforma seitor seguransa ne’e tenke iha lideransa ida ne’ebe iha boa fe atu resolve problema ne’ebe mak mosu. Hodi ida ne’e mak fo vantajen ba ONU  atu bele rona saida mak Xanana fo konaba nasaun sira ne’ebe iha poskonflitu.

ONU mos fo korajen ba pessoa eminente g7+ atu kontinua koalia saida deit mak akontese ho onestu.

Entertantu iha abertura ba loron rua inkontru altu nivel,  Secretariu Jeral ONU, António Guterres iha nian diskursu afirma prevensaun ba konflitu tenki haforsa liu husi parcerias estratégicas operacionais iha servisu ONU nian.

Sekretariu Geral ONU ne’e mos hato’o nia preokupasaun liu-liu halo prevensaun ba konflitu sira ne’ebe  akontese iha nasaun sira iha mundu no ONU esforsu  dadaun mobiliza hodi harii paz.

Durante loron rua (23-24 Abril 2018) pessoa eminente, Kay Rala Xanana Gusmão koalia konaba reforma setor seguransa no sustentabilidade paz, ne’ebe hetan  konvite husi Asembleia Jeral ONU liu husi nasaun Slovakia no Áfrika do Sul. Reportagem Anito Soares husi Estados Unidos da Ámerica

Add to Comments Here!!!!

error: Content is protected.
Secured By miniOrange
You might also like:
Dom Basílio: “Líder polítiku sira halo ita triste”

Bispu Diocese Baucau, Dom Basílio do...

Jornal Semanário GMNTV Edisaun 22 Abril 2018

Mundu ho Tétun GMNTV 21 Abril 2018

Close