JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: Lider ParPol tenke respeitu PUN

PR Lú Olo: Lider ParPol tenke respeitu PUN

Prezidente Repúblika (PR), Francisco Guterres “Lú Olo”, husu ba lideransa Partidu Polítika (ParPol) sira atu respeitu nafatin Paktu Unidade Nasional (PUN), ne’ebé asina ona iha tempu kampaña eleitoral.

“Sé maka uza insulta malu, ita la ajuda ita-nia povu, la hetan dalan ba demokrasia atu eduka sidadaun sira sai responsabel. Nune’e, ha’u apela ba lider Partidu Polítiku (ParPol) sira atu respeitu nafatin paktu ne’ebé dirijente polítiku sira asina ona,”PR Lú Olo liu husi ninia mensajen ba lider ParPol sira, iha Palasiu Prezidensial, Bairo Píte, Díli, Sesta (20-04-2018), atu iha kampaña eleitoral eleisaun antesipada ne’e nakonu ho situasaun ida hakmatek no respeita malu.

Nia esplika, moderasaun sai hanesan ezijensia ida ba kampaña polítika ida ne’e, liafuan delikadu hatudu respeitu ba ida-idak-nia an rasik. Respeitu mós ba adversáriu polítiku sira, liu-liu respeita povu.

“Kampaña polítika hahú ona iha semana ida. Ha’u kontente tanba la’o ho hakmatek no trankuilidade. Tempu ba kampaña labele uza hodi insulta malu, atu halo kleuk ita-nia pasadu, tanba ita-nia sidadaun sira hakarak rona ideias, sira lakohi rona insultus ne’ebé dirijente polítiku sira halo ba malu,”dehan PR Lú Olo.

Nia akresenta, juventude sira hakarak simu edukasaun husi demokrasia no debate, sira lakohi simu edukasaun husi demagojia ka insultus no tempu ba kampaña tenki sai tempu oportunidade ida ne’ebé hotu-hotu hamutuk atu hateten ba povu, atu aprezenta ideia, aprezenta liña asaun programa polítika ParPol ida-idak.

“Futuru ita-nia rai nian, futuru ita hotu nian, aprezenta liu husi programa polítiku, aprezentasaun programa sira,  nia klarifikasaun iha debate sai esensiál liu iha kampaña ida ho kualidade,”haktuir Xefi Estadu ne’e.

Lee hotu :   Monumentu 12 Novembru 1991, La iha isin no klamar "Alkatiri hein Xanana"

PR, Francisco Guterres informa, veteranu sira fó ezemplu ida boot teb-tebes ho kualidade morais ne’ebé ás, tanba sira maka sai fontes inspirasaun ba povu no bele kontinua sai ezemplu ba joven sira, hodi tau ás dignidade pasadu nian.

“Labele haluha ita-nia pasadu no ita tenki respeita ita-nia pasadu. Ita fiar ba ita-nia istória. Bainhira halo nune’e, ita hari’i dadauk baze ba futuru ne’ebé ita só hari’i ho laran moos,” hateten PR Lú Olo.

Nia relata, tempu ida agora ne’e atu diskuti ho seriedade no laran-hakmatek  futuru Timor-Leste ninian, la’os odiu malu, tanba laiha nesesidade atu bele ajusta kontas ba pasadu ou tau todan ba pasadu.

Entretantu antes atu tama tempu kampaña dirijente ParPol walu (8), liu husi orgaun eleitoral Comissão Nacional de Eleições (CNE) asina ona Paktu Unidade Nasional, hodi garante kampana eleitoral ne’ebé ho situasaun hakmatek no respeita malu, maibé realidade lideransa ParPol balun kontinua insulta malu.ves

 

Add to Comments Here!!!!

error: Content is protected.
Secured By miniOrange
You might also like:
FDD sei hadia salariu F-FDTL no PNTL

Konselheiru Frente Dezenvolvimentu Demokratiku (FDD), Leandro...

Labarik mane nain rua mo’ut iha tasi

Labarik mane nain rua mo’ut iha...

HABURAS VIDA ESPIRITUAL GMNTV Edisaun.19

Close