JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri ho hamanasa responde Taur, “Hau mos bele hela iha Baguia”

Alkatiri ho hamanasa responde Taur, “Hau mos bele hela iha Baguia”

Sekretariu Jeral partidu FRETILIN, Mari Alkatiri, mensiona katak, nudar sidadaun Timor, nia bele hela iha ne’ebe deit iha teritoriu Timor ne’e, inklui bele hela iha Postu Administrativu Baguia, Munisipiu Baucau, ne’ebe nudar mos knua ba prezidenti Partidu Libertasaun Popular (PLP), Taur Matan Ruak.

Mari Alkatiri mensiona lia hirak ne’e hodi responde ba deklarasaun porta voz Aliansa Mudansa ba Progesu (AMP), Taur Matan Ruak nian, Domingu (29/4/2018), ne’ebe promete ba pvou Oecusse katak, AMP manan eleisaun antisipada sei hasai Alkatiri ho nia camarada Arsenaio Paixão Bano husi ZEESM.

Alkatiri ho hamanasa hateten, Timor Leste nudar republika unitária, tanbe ne’e livre ba nia sidadaun hotu atu hela iha ne’ebe deit.

“Hau la komprende ema Baucau tiha atu ba duni fali hau iha Oecusse, hau hamanasa fali. Se ema ki’ik maka koalia hanesan ne’e, hau sei komprende, maibe ne’e ema ida ne’ebe atu sai Primeiru Ministru maka koalia ne’e halo hau hamanasa fali,” hateten Mari Alkatiri liu husi dialogu ho organizasaun feto partidu FRETILIN ho Organizasaun Rede Feto Timor Leste ne’ebe halao iha hotel Luz Clarita, Dili, Kinta (3/5/2018).

Nia husu ba lider sira partidu politiku hotu, atu hetene oituan Konstituisaun, tanba iha Konstituisaun  fo liberdade ba sidadaun Timor oan hotu atu hili hela iha fatin ne’ebe deit iha teritoriu Timor laran.

“Hau atu ba hela iha Oecusse ka hela iha Baguia ka ne’e la bele bandu, lolos boot sira maka hatene uluk ida ne’e,” hateten Alkatiri ho hamanasa.

Antes ne’e, Portavoz AMP, Taur Matan Ruak promete ba militante no simpatizante AMP nian iha Oecusse katak, karik AMP manan iha eleisaun antesipada, maka sei duni sai Sekretariu Jeral FRETILIN  nudar mos Primeiru Prezidenti Zona Ekonomia Especial Merkadu Social (ZEEMS), Mari Alkatiri ho prezidenti subtitutu, Arcenio Bano husi ZEESM.

Lee hotu :   Somotxo akuza Fidelis espiaun ba EUA, PLP ezije Governu lori kazu ne’e ba MP

Taur Matan Ruak afirma katak, povu Oecusse hetan diskriminasaun husi lideransa ZEEMS ninian no aktu lubuk ida mak autroridade ZEESM nian halo hodi sakrifika tiha povu nia direitu no liberdade. mia

 

Add to Comments Here!!!!

error: Content is protected.
Secured By miniOrange
You might also like:
Guarda prizionais tenki servisu imparsial

Komemora aniversariu guarda prizional iha Timor...

FRETILIN manan sei dezenvolve sistema edukasaun no saude ho moderno

Sekertariu Jeral Partidu FRETILIN, Mari Alkatiri...

Kestiona desizaun PR disolve PN, laiha fundamentu

Liu husi akordaun Tribunal Rekursu (TR),...

Close