JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Assanami promete: Sei dezenvolve marmer no gás fasilita povu Lolotoe moris di’ak

Assanami promete:  Sei dezenvolve marmer no gás fasilita povu Lolotoe moris di’ak

Prezidenti Partidu Demokrátiku, Mariano Assanami Sabino, promete sei dezenvolve, rikusoin Timor nian, liu husi marmer, osan mean no osan mutin Timor nian hodi fasilita povu Lolotoe nia moris di’ak iha future, bainhira hetan fiar husi povu hodi ukun tinan lima mai.

Prezidenti Partidu ho númeru sorteiu rua (2), Mariano Assanami Sabino, aprezenta programa ne’e ba militante no simpatizante sira iha kampaña aberta Kinta (3/5/2018), iha Postu Administrativu, Lolotoe, Munisípiu Bobonaro.

Mariano Assanami Sabino hatutan, alén de marmer, mina no gás, promove mós agrikultura, peskas no pekuária hodi fasilita povu ba moris di’ak.

“Povu rai ida ne’e labele moris hanesan ne’ebé bebeik. Sé Partidu Demokrátiku (PD) manan iha Eleisaun Antesipada (EA) tinan ne’e, mak PD liu husi Ministériu Rekursus minarai ne’ebé agora dadauk ha’u rasik mak kaer ne’e haree ba ita nia rikusoin sira iha rai okos fó ho okos liu liu-iha Lolotoe ida ne’e ami halo ona identifikasaun lubuk ida katak ita iha marmer, osan mean, osan mutin no seluk tan ne’ebé mak ita bele dezenvolve hodi, fó moris di’ak ba povu iha rai ida ne’e. Ita bele halo uma, ita bele halo konstrusaun estrada ne’ebé di’ak, ba ita nia povu sira, tanba ne’e husu ba ita boot sira atu tenki hili Partidu Demokrátiku (PD),” deklara Mariano Assanami Sabino.

Iha oportunidade ne’e, Konsellu Polítika Nasional (KPN) Partidu Demokrátiku, Adriano do Nascimento, afirma tinan 10 nia laran povu fó fiar ba AMP hodi ukun, realidade ne’ebé hatudu, estrada Lolotoe kontinua aat, osan ba idozus no veteranus sira mantein no aat liu tan bainhira simu osan tenki la’o ho distánsia do’ok husi hela fatin.

Lee hotu :   UDT, FM ASINA AKORDU HO APM

Tanba ne’e Partidu Demokrátiku promete manan, sei fasilita idozus no veteranus tenki dada besik banku ba komunidade nia hela fatin.

“Sé PD manan ita tenki tane ita nia katuas no ferik sira, tane ho saida? Ita tane sira hodi aumenta tan sira nia osan fulan-fulan la’os ho osan ne’ebé 30 dollar, maibé fulan-fulan tenki aumenta, 30 dollar ba fali 50 dollar, la’os simu fulan nen dala ida maibé sei simu fulan-fulan, nomos la’os lori sira ba iha kantor camat maibé ita sei sosa kareta atu lori osan ne’e mai besik sira,” Adriano afirma.

Nia afirma filozofia PD, fó osan ba ferik no katuas tanba sira laiha ona forsa atu buka osan tanba ne’e Estado mak tenki fo osan no osan ne’e labele sira mak buka maibe, osan mak tenki buka sira, tanba sira labele la’o ona.

Alén de dignifika ferik no katuas, programa seluk ne’ebé PD sei implementa, bainhira kaer ukun mak sei dignifika mós ukun na’in sira liu-liu lider komunitáriu, hanesan Xefi Suku no Xefi Aldeia sira, liu husi kria uma digñu ba sira.

“Ita mós tenki dignifika ita nia ukun na’in sira, liu-liu ita nia xefi suku no xefi aldeia sira. Tanba xefi suku no xefi aldeia sira tenki tuur iha uma dinas ne’ebé di’ak, hanesan liurai hodi ukun nia povu. La’os ida ne’e deit, alén de ne’e sei sosa mós kareta ba xefi suku, no sei sosa mós motor ba xefi Aldeia no nia funsionáriu sira,”Nia promete.

Alén de ne’e PD mós sei halo estrada ne’ebé di’ak ba komunidade Lolotoe, nune’e bele fasilita komunidade lori nia produtu lokál ba Merkadu.

Lee hotu :   FDD sei hadia salariu F-FDTL no PNTL

“Estrada ne’e uluk PD sei hamutuk ho AMP halo ona maibé para deit nune’e, hodi dalan ligasaun Maliana mai Lolotoe aat teb-tebes, hodi halo ema barak atu mai iha Lolotoe tenki hanoin barak tanba estrada aat tebes,”Adriano haklaken.

Komísiu Polítiku Partidu ho moto “Ba O Timor Maubere Oan Prontu Serbi” ne’e, hala’o iha Kampu futebol Postu Administrativu Lolotoe ne’e, hetan entusiaizmu maka’as husi militante no simpatizante sira, no hetan mós seguransa másimu husi PNTL Munisípiu Bobonaro.

Kampaña ne’e mós hetan observasaun direta husi órgaun eleitorál CNE, ESTAE nomos observadór Internasionál.

Tuir ajenda Partidu ho númeru sorteiu rua ne’e sei hala’o kampaña jeral iha Postu Administrativu Maliana, Sábadu semana ne’e.ola

Add to Comments Here!!!!

error: Content is protected.
Secured By miniOrange
You might also like:
AMP sei hametin administrasaun públika

Portavoz Aliansa Mudansa ba Progresu (AMP),...

PNTL hatún obrigatoriu joven ida husi aviaun

Polísia Nasionál Timor-Leste (PNTL),  Unidade Polísia...

Kazu Gastão Sousa ho Pe. Martinho, Eis Ministru Gastão nia oan ba husu bebeik kombustivel iha MOPTC

Tribunal Distrital Dili, Sesta (4/5), kontinua...

Close