JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lakon kadeira 2 iha EA, PD deside ba opozisaun iha PN

Lakon kadeira 2 iha EA, PD deside ba opozisaun iha PN

Lideransa Partidu Demokrátiku (PD), deklara ofisialmente hodi prontu sai opozisaun konstrutivu no edukativu ba periodu tinan lima mai iha Parlamentu Nasional (PN). PD mos ‘Hemu bee merak” tamba lakon kadeira 2 iha Eleisaun Antesipada (EA) ne’e ba 5. Iha eleisaun parlamentar 2017 PD hetan kadeira 7.

Prezidenti Partidu Demokrátiku, Mariano Assanami Sabino, fo hanoin katak, atu kontribui ba prosesu dezenvolvimentu Timor Leste, la signifika partidu hotu tenki involve iha Governu. Tanba ne’e, PD prefere atu sai opozisaun iha Parlamentu Nasional, maibé sei a favor ba programa Governu ne’ebé fó moris diak ba povu.

“Ida ne’e la signifika katak, tenki tama iha Governu, PD iha ona esperensia iha opzisaun ne’ebé konstrutivu no edukativu. Ami sei haree, se Governu kaer metin programa no planu sira ne’ebé mai duni husi PD kuda ba planu dezenvolvimentu nasional, PD ba rai ida ne’e sempre kumpri katak, programa ne’ebé mak ba povu nia moris diak, PD sei afavor ba programa ne’ebé ba povu nia moris diak,” afirma Assanami Sabino, ba jornalista sira iha Sede Nasional PD Colmera Díli, (14/05)

Tuir  Mariano Assanami Sabino katak, kadeira PD nian tun, la’os tanba PD nia hakarak, maibé vontade povu nian mak hanesan ne’e.

Assanami haktuir, husi servisu ne’ebé mak  estrutura PD tomak halo durante ne’e, la merese atu hetan númeru kadeira hanesan rezultadu EA hatudu, no militantes tomak PD nian iha Munisípiu 12 inklui RAEOA mós la satisfas ho rezultadu ne’ebé mak PD hetan iha EA ne’e, maibé vontade povu mak hanesan ne’e ona.

“PD esforsu maka’as tebes ho nia estrutura tomak, ami la’os kategoria ba númeru ne’ebé mak ami hetan, maibé PD nu’udar partidu kontinuador, ami sempre dehan katak, partidu ida ne’e iha responsabilidade bo’ot tebes ba haburas demokrásia, atu konstroe rai ida ne’e ho valores demokrásia, nu’udar lisan ba ukun no lisan ba moris,” katak Assanami.

Lee hotu :   José Neves : “Partidu eziste atu kontribui ba Estadu”

PD iha liafuan ida de’it mak, ‘ba o Timor ami maubere oan prontu servi’, tanba ne’e, maske iha opozisaun mós, PD sei kontribui ba saida de’it mak diak ba povu nia moris diak.

Nia esklarese, PD sei rasionaliza debate ba diskusaun orsamentu jeral Estadu, la’os iha opozisaun atu taka dalan ba buat ne’ebé diak ba povu.

Prezidenti PD ne’e apela nafatin ba militantes no simpatizantes PD atu sofer ka ema dasa rai ida mós, tenki servisu hodi servi povu iha ida-ida nia fatin, servisu ho diak no laran ba rai ida ne’e.

Nune’e mós, Sekretáriu Jeral Interino PD, Arcângelo Leite hateten, povu Timor Leste  foin hakat liu Eleisaun Antesipada (EA), iha loron 12/05 liu ba, ne’ebé la’o ho hakmatek, no partisipasaun ativu husi eleitor sira hotu.

Nia hatutan, eleisaun nu’udar dalan ida atu dignifika sidadaun tomak hodi ezerse sira nia direitu demkrátiku ne’ebé konsagra iha Konstituisaun RDTL.

Arcângelo  mós konsidera, eleisaun mós nu’udar dalan ida atu fó lejitimidade no legalidade ba Partidu polítiku no Timoroan hotu ne’ebé hetan konfiansa husi maioria povu Timor Leste atu kaer ukun no bandu, no tane as inegridade soberania Timor Leste nian.

Nia hatutan, Filosofia PD nian ne’ebé hateten, kaer metin ukun rasik an hari nasaun husi baze, iha nia sentidu ne’ebé klean katak, instrumentu ukun no bandu hotu, hanesan ema, instituisaun no lei sira, nu’udar pakote ida ukun rasik aan nian, tenki tane no hatur iha nia fatin lolos no metin, no labele fó espasu ba tentativas oi-oin ne’ebé bele perturba no destabiliza ezistensia no soberania Timor Leste, nune’e bele hatur no kumpri duni katak, ukun ne’e povu nian.

Lee hotu :   PADRE MARTINHO GUSMÃO: MEMBRU VIII GOVERNU LAIHA ABILIDADE

Tanba ne’e, Arcângelo hodi simpatizantes, militantes no kuadru polítiku partidu Demokrátiku hotu nia naran hato’o ba públiku katak, lideransa nasional PD ho hakruk hato’o agradese wain ba militantes, kuadrus no estrutura PD iha teritóriu Timor laran tomak, li-liu miitantes sira iha Suku no Aldeia, ne’ebé ho difikuldades oi-oin, balun hetan ameasas, no insulta, maibé militantes PD firme nafatin defende PD.

“Imi nia militansia la nakdoko, hodi defende nafatin PD, no fiar metin katak, PD sei buras no forti liu tan iha futuru,” katak Arcângelo Leite.

Nia hatutan, PD respeita no simu desizaun povu nian, liu husi Eleisaun Antesipada ne’e, no PD hato’o parabens ba koligasaun AMP ne’ebé hetan votus maioria iha EA liu ba.

PD apresia servisu orgaun eleitoral sira hanesan CNE no STAE, ne’ebé hala’o ona sira kna’ar ho profisionalismu.

PD mós orgullu, tanba maske se hasoru hela difikuldades oi-oin, maibé Timoroan rasik mak lidera no organiza prosesu eleitoral hotu.

PD apresia mós Komando F-FDTL no PNTL ho nia membru hotu ne’ebé hatudu duni sira nia profisionalismu no responsabilidade hodi garante estabilidade iha rai laran, ho nune’e povu tomak sente hakmatek hala’o sira nia direitu demokrátiku iha EA liu ba.

PD komprometidu atu sai jerasaun ne’ebé hadomi paz, no iha sentidu de Estadu ne’ebé responsavel no iha integridade, hodi hatutan herois no povu tomak nia mehi ba ukun rasik aan.

“Hodi Partidu Demokrátiku nia naran hakarak hato’o ami nia sentimentu triste no solidaridade ba povu Indonesia li-liu povu iha Surabaya-Jawa Timur, espesial ba sarani sira ne’ebé hetan atake terorista iha loron 13/5, loron ne’ebé sarani Katolika iha Mundu tomak selebra loron Nain Feto nian,” katak Arcângelo Leite.

Lee hotu :   PD husu kuadru AMP eduka MC-AMP ■Presiza lei hodi regula

PD iha eleisaun parlamentar 2017 hetan kadeira 7 no koliga ho partidu FRETILIN ne’ebé hetan kadeira 23 hodi forma VII Governu konstitusional, maibe Governu ne’e lahetan lejitimidade tamba programa Governu nian la liu iha Parlamentu Nasional tamba hetan rejeisaun husi partidu opozisaun tolu ne’ebé forma aliansa mak hanesan CNRT, PLP no KHUNTO. VII Governu nia governasaun tenki to’o deit fulan nen tamba Prezidente Republika, Francisco Guterres ‘Lu-Olo’ deside ba Eleisaun Antesipada.cos

Add to Comments Here!!!!

error: Content is protected.
Secured By miniOrange
You might also like:
Alcino Barris sei husu Xanana Gusmão hadia ‘ Nama baik’ iha Tribunal

Prezidente Komisaun Nasional Eleisõens (CNE), Alcino...

Julio Hornay reskoñese ema sunu uma iha Citrana

Komandante Jeral Polísia Nasionál Timor-Leste (PNTL),...

STAE-CNE muda obrigatorio centru votasaun Aiteas

Sekretarido Tekniku Administrasaun Eleitoral (STAE) no...

Close