JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Alkatiri atribui deviza kapitaun ba Cristiana ho Emilia • Lori aviaun Cessna T207A ba Oecusse, Suai ho Lospalos

PM Alkatiri atribui deviza kapitaun  ba Cristiana ho Emilia •	Lori aviaun Cessna T207A ba Oecusse, Suai ho Lospalos

Primeiro Ministro (PM), Mari Alkatiri, ho orgulho atribui deviza kapitaun (kapitã) ba Cristiana Amaral Le Ki no Emiliana Atolan, nu’udar Oecusse oan ne’ebe sei lori aviaun halo operasaun ba Oecusse, Suai no Com-Lospalos.

Tuir planu pilotu nain rua; Cristiana ho Emilia,  sei halo operasaun ho aviaun Cessna T207A hahu iha fulan Junnu tinan ne’e.

“Halo ita hotu bangga, tanba ita hahu prosesu ida que laos deit fo ba pilotus, mas hatudu katak feto ho mane iha kapasidade hanesan,” PM Mari Alkatiri, hato’o lia hirak ne’e iha serimonia atribuisaun deviza ba kapitã Cristiana ho Emilia, iha Aeroporto Palaban, Oecusse Villa Pante Makasar, Sesta-feira (04/05/2018).

Kapitã Cristiana Amaral Le Ki no kapitã Emiliana Atolan, graduadu husi Aero Flyer Institute, iha Indonesia, ne’ebe hetan bolsa estudu husi Ministeriu Petroleum  Rekursu  Minarais iha tinan 2013 no remata estudu pilotu nian iha tinan 2015.

Hafoin remata estudu, kapitã nain rua ne’e hetan fiar husi Aero Flyer Institute, no iha tinan 2016 fo treinamentu ba estudante pilotu iha Aero Flyer Institute.

Iha tinan 2017 to’o 2018 kapitã nain rua ne’e servisu iha Aero Flyer Institute nu’udar instruktur, no iha fulan Maio tinan ne’e kapitã nain rua refere servisu hikas iha Aero Dili, nu’udar kapitã aviaun Cessna T207A.

Aviaun Cessna T207A sei tula deit pasajeirus nain 6 ne’e sosa  husi  Amerika.

Iha oportunidade ne’e PM Alkatiri apresia no agradese ba Diretor Aero flyer institute ho nia ekipa nia tulun bele produs ka forma pilotus Timor-oan.

“Agradese teb-tebes ba diretor Aero Flyer Institute, e fo obrigado wa’in, tanba fo oportunidade ba Cristiana ho Emiliana atu ohin sai kapitã,”hateten PM Alkatiri.

Lee hotu :   GRANDE ENTREVISTA Hamutuk ho Xefe Bankada Partido PLP

PM Alkatiri apresia mos inan aman kapitã nain rua refere ninia esforsu hodi tulun nia oan sira ohin loron iha rezultadu. Nune’e mos PM Alkatiri apresia ba diretor Aero Díli, Lorenço Oliveira ninia esforsu no vontade.

Nune’e mos iha diskursu kapitã, Cristiana Amaral Le ki, hateten, senti orgulho ba mehi ne’ebe atinji ona liu hosi esforsu lubuk.

“Iha ita nia leet ita nia rai Oecusse furak tebes, dezenvolvimentu maka’as, liu-liu iha sorin ne’eba iha Aeroportu boot mak iha ne’eba, iha tore mak iha ne’eba. Iha mos aviaun ZEEMS Timor nian, imi prepara ona serviusu ba Aeroportu ida ne’e k alae, imi prepara ona lori aviaun ne’e ka alae, imi prepara ona kontrola aviaun semo ka lae. Ida ne’e oportunidade ba ita hotu,” afirma kapitã Cristiana Amaral, hodi fp korazen ba estudante sira ne’ebe mak partisipa iha serimonia refere.

Nia dehan, Oecusse ohin loron sai dezenvolvidu, tanba ne’e nia husu ba estudante sira atu hakas an uza oprtunidade ho diak atu estuda.

Entretantu Prezidente Autoridade em Subtituisaun RAEOA no ZEEMS-TL, Arsenio Bano, apresia ho esforsu kapitã Cristiana ho kapitã Emiliana.

“Ha’u orgulho teb-tebes sira nain rua, tanba sira nain rua husi Oecusse ne’ebe hatudu ona sira ninia esforsu hodi atinji mehi sai pilota ne’ebe ohin simu ona deviza husi Primeiro Ministru Dr. Mari Alkatiri,”dehan Arsenio Bano.

Serimonia refere partisipa husi PM Mari Alkatiri, Diretor Aero Flyer Institute Indonesia h onia ekipa, Prezidente Autoridade em Subtituisaun RAEOA no ZEEMS-TL, Vice Ministru Telekomunikasaun, Inacio Moreira, Diretor Aero Dili, Lorenço Oliveira, no entidade sira seluk. Rey

Lee hotu :   Alkatiri autoriza Agio ba ratifika akordu FM • Laiha kontaktu ho Xanana

 

Add to Comments Here!!!!

error: Content is protected.
Secured By miniOrange
You might also like:
Materia sensetivu EA distribui ona ba munisipiu ho diaspora

Governu liu husi Ministru Administrasaun Estatal...

PNTL rejista ona kazu Boby iha MP ■La detein iha sela

Komando Servisu Investigasaun Kriminal Polísia Nasionál...

Jornal Semanário GMNTV Edisaun 29 Abril 2018

Close