JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Alkatiri: EA susesu tamba VII Governu

PM Alkatiri: EA susesu tamba VII Governu

Primeiru Ministru (PM), Mari Alkatiri, hatete, susesu Eleisaun Antesipada (EA) ne’e, tamba susesu VII Governu nian, tanba  maske orsamentu limitadu, maibé VII Governu konsege realiza ho diak.

Alkatiri  fó ezemplu katak, eleisaun antesipada ne’e, povu Timor Leste partisipa barak liu eleisaun sira ne’ebé liu tiha ona.

“Povu Timor Leste ne’ebé partisipa iha Ida ne’e signifika susesu VII Governu nian, tanba hot-hotu hatene katak, ho osan oituan, ema balun dehan, fulan rua de’it sira sei intrega ona, tanba sira laiha kapasidade, maibé agora ita haree fulan hira ona, ha’u mós uluk dehan kedas, laiha problema ho osan,” katak Mari Alkatiri ba jornalista sira iha Parlamentu Nasional (PN), hafoin seremonia komemorasaun loron restaurasaun independensia ba dala 16, Domingu (20/05).

Xefi Governu ne’e esplika, ida ne’e signifika, jestaun ba poupansa diak tebes, labele naran fakar osan tu’un sa’e, maibé rezultadu laiha.

“Ida ne’e mak regras ida ne’ebé mak ita tenki introdus iha Governasaun, la’os ita kaer osan sira ne’e fakar arbiru de’it, depois ita dehan, ida ne’e mak boa Governasaun,” relata Alkatiri.

Nia afirma, dívidas iha nivel kapital dezenvolvimentu ne’e, nia ezekusaun atinji ona 90% no selu hotu ona.

“FRETILIN mak halo konstituisaun, entaun se FRETILIN mak la respeita fali konstituisaun, entaun diak liu Estadu ne’e taka odamatan. FRETILIN úniku organizasaun ida ne’ebé mak respeita liu lei ho konstituisaun, laiha ema ida iha FRETILIN ne’ebé mak hanoin katak, nia iha lei no konstituisaun nia leten,” relata Alkatiri.

Alende ne’e, Alkatiri mós informa katak, tinan ida ne’e hamosu istória foun ba Timor Leste, tanba Governu inaugura Palasiu Governu hodi muda naran ba Praca da Proklamação da Independencia.

Lee hotu :   PR Lú Olo: “Jerasaun foun tenki iha vontade dezenvolve nasaun”

“Komemorasaun loron restaurasaun independensia, ita hotu mai selebra, ita inagura tan praça da proclamação da independensia, ida ne’e marka iha ita nia istória,” katak Alkatiri.

Tanba ne’e, Alkatiri husu ba jerasaun foun sira aban bainrua tenki kestiona katak, tanba saida loron restaurasaun independensia tenki tau tan proklamasaun. Alkatiri esplika, ida ne’e halo parte ba Timor Leste nia istória edukativu hanesan VII Governu halo dadaun ne’e.cos

Add to Comments Here!!!!

error: Content is protected.
Secured By miniOrange
You might also like:
TR sei anunsia rezultadu EA hafoin oras 72

Prezidente Tribunal Rekursu (PTR), Deolindo dos...

Tinan ida mandatu Lú Olo infrenta dezafiu polítika foun

Prezidenti Republika (PR), Francisco Guterres “Lú...

Prizioneiru Prizaun Bekora sei transfere balun ba Gleno no Suai

Diretor prizaun Bekora, João Domingos, hatete...

Close