JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tempu ona Jerasaun foun hola responsabiliza ba vida nasaun

Tempu ona Jerasaun foun hola responsabiliza ba vida nasaun

Sekretáriu Jeral Partidu Demokrátiku (PD), António da Conceição, hateten, tempu ona ba jerasaun foun atu kaer  ukun no hola responsabilidade ba vida nasaun.

“Labele hein tan, tempu ona atu ita jerasaun foun hola responsabilidade vida nasaun nian, labele husik tempu ne’e liu tanba ita mós iha ona responsabilidade atu kaer  nasaun ba futuru. Tanba  ne’e Partidu Demokratiku  prontu ona atu kaer ukun tanba ne’e husu ba militante no simpatizantes atu kontinua fiar nafatin ba PD hodi ukun para bele dezenvolve ita nia rai. Jerasaun foun la’os atu sai penonton, tenki partisipa no desidi vida nasaun nian labele hein deit ba ita nia aman sira, maibé mai ita hotu feto ka mane atu hamutuk hametin nasaun demokrátiku ba oin,”hateten Antonio da Conseção ‘Kalohan’ iha nia diskursu ba militante PD nian iha  Bekora Dili,  Domingu (06/05).

Nia hatutan Partidu Demokrátiku desde uluk, hamutuk ho saudozu Fernando Lasama deklara katak, tenki hametin ukun rasik an, harii nasaun husi baze.

“Ita ko’alia la’os buat mamuk, maibé ita ko’alia atu implementa bainhira PD hetan fiar,  tanba ida ne’e progama PD nian, no PD mós involve hanoin iha programa Fronteira Marítima, tanba lia fuan hametin ukun rasik an ne’e katak, ita iha soberanu total tasi lalehan no rai maran so PD mak hanoin uluk, tanba ne’e lalika duvida,” hateten António.

Nune’e mós Presidente Juventude PD Munisipiu Dili, Florencio Amaral hateten, nu’udar jerasaun foun Timor Leste, tenki hatutan funu nain sira nia terus.

“Jerasaun FRETILIN nian, mai ita hotu hamutuk iha Partidu Demokrátiku atu hametin soberania hodi kaer ukun, tanba ita mak jerasaun kontinuador ba rai ne’e para hodi dezenvolve Timor-Leste ba oin. Tanba ne’e ohin ita firmi atu hateten ba rai ida ne’e para jerasun foun mós prepara ona atu kaer rai ida ne’e,”relata Florencio.

Lee hotu :   Xanana ho Taur la marka prezensa iha festa 28 Novembru ''Estadu kondekora veteranus 511''

Kampanha PD iha kampu football Kulau Bekora ne’e,  partisipa husi militante no simpatizantes PD husi Postu Administrativu Kristu Rei Dili, no Kampanha ne’e hetan seguransa husi Polisia Nasional Timor Leste munisipiu Dili /  no observa direta husi CNE no STAE.aba

 

Add to Comments Here!!!!

error: Content is protected.
Secured By miniOrange
You might also like:
Mari Alkatiri: Oécusse sai refensia dezenvolvimentu

Sekretariu Jeral Partidu istoriku FRETILIN, Mari...

Tortura militantes AMP, Xanana apela ba Alkatiri ho membru CCF 2.000 eduka militantes

Prezidenti Aliansa Mudansa ba Progresu (AMP),...

Alkatiri tristi lider sira fahe malu

Sekretariu Jeral Partidu istoriku FRETILIN, Mari...

Close