JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Forma VIII Governu tarde, kulpa iha PPN

Forma VIII Governu tarde, kulpa iha PPN

Koordenador jeral komisaun jurisdisaun Aliansa Mudansa ba Progresu (AMP), Arão Noe, afirma, formasaun VIII Governu tarde, kulpa Prezidente Parlamentu Nasional (PPN), Aniceto Guterres nian, laos AMP. Tanba PPN mak iha kompetensia atu prezide primeira reuniaun lejislatura, hafoin bele forma governu.

Relasiona ho deklarasaun Primeiru Ministru (PM), Marí Alkatiri husu AMP atu forma governu lalais, tanba antes ne’e AMP hateten nia parte inkapasidade, bainhira forma VII Governu tarde.

Maibe Hatan ba deklarasaun ne’e, koordenador jurisdisaun ne’e hateten, PM Marí Alkatiri iha kompetensia bele halo kontaktu ho Prezidente Parlamentu Nasional (PPN) Aniceto Guterres Lopes, hodi bele aselera tempu ne’e, tanba PPN mak iha kompetensia hodi fiksasaun data ba simu lejislatura foun, la’os AMP, atu nune’e, Estadu Timor-Leste bele ultrapasa ona difikuldade sira ne’e hotu.

“Se orgaun Primeiru Ministru hakarak lalais, halo kontaktu mai iha Prezidente Parlamentu para bele halo ajenda ne’e lalais ba primeira sesaun nian, se la ajenda ne’e, ami labele halo buat ida, tanba AMP dezde inisiu kedas, nia prinsipiu mak defende konstituisaun no defende lei, tanba ne’e, sei regras sira ne’e laran, AMP hein de’it, tanba ne’e mak kabe ba PPN atu konvoka,”dehan Arão Noe ba jornalista iha PN, Tersa(05/06/2018).

Polítiku ne’e informa, AMP preparadu ona, hafoin hetan rezultadu final husi Tribunal, maibe hein de’it desizaun husi Prezidente Parlamentu atual, Aniceto Guterres Lopes, hosi fiksa loron primeira sesaun ba V lejislatura, hodi nune’e fo dalan ba formasaun governu nian, tanba ne’e nia parte husu entidades hotu atu labele tau kulpa ba AMP, bainhira formasaun VIII Governu tarde.

“Ha’u hakarak hateten katak, tuir rejimentu PN hateten katak, depois publikasaun rezultadu iha jornal da repúblika, dentru loron 15, Prezidente PN sesante mak halo konvokatoriu ba primeira sesaun lejislativa ida, tanba ne’e mak formasaun governu ne’e la’os depende ba partidu ka koligansaun ne’ebé mak manan, maibe depende ba Prezidente PN sesante nia konvokatoriu, Ami AMP prontu kedas dezde inisiu bainhira rezultadu anunsia, ami prontu kedas ona, hakarak atu plenaria ne’e aban ka bainrua, bele ona plenaria ne’e hahu, hodi fo dalan ba formasaun governu nian, maibe kuandu plenaria ne’e mak seidauk hahu, maka laiha dala atu aprezenta Primeiru Ministru no formasaun governu da-walu,”dehan Arão Noe.

Lee hotu :   Alkatiri: La lójika komandu da luta iha liur haruka ordem mai rai laran

Atual deputadu CNRT ne’e hateten, antes ne’e AMP preokupa nanis ho situasaun ekonómia ba moris estadu nian, maibe atu aselera buat hotu, kompetensia Prezidente Parlamentu Nasional sesante, Aniceto Guterres nia liman.

Tuir fiksasaun data ba primeira sesaun lejislativa ne’ebé sekretariu jeral Parlamentu fo sai, sei hala’o primeira sesaun ba V lejislatura, iha loron 13 fulan Juñu tinan ne’e.Say

 

Add to Comments Here!!!!

error: Content is protected.
Secured By miniOrange
You might also like:
PCIC identifika ona autor posting video RS iha FB

Polícia Científica de Investigação Criminal (PCIC),...

Alkatiri la preokupa AMP sai bankada tolu

Sekretariu Jeral Partidu FRETILIN, Mari Alkatiri...

PR Lú Olo rekoñese mak AMP ■ AMP insiste ho bankada 3 iha PN

Prezidente Repúblika (PR), Francisco Guterres ‘Lú...

Close