JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD sei vota a favor ba programa governu

PD sei vota a favor ba programa governu

Prezidenti Partidu Demokrátiku (PD) Mariano Assanami Sabino deklara, PD sei vota a favor ba programa VIII governu nian ne’ebé refleta ba nesesidade povu nian no ba interese nasionál.

Mariano Assanami Sabino deklara asuntu ne’e, hafoin ho estrutura PD hasoru malu ho Prezidenti Repúblika Francisco Guterres Lú Olo iha Palásiu Prezidensial Bairu Pite Díli hodi koalia konaba formasaun VIII governu konstitusional, Segunda (4/6).

Maski nune’e Assanami mós dehan, PD iha PN sempre krítiku no sei halo analiza klean ba jestaun orsamentu estadu ho efikaz no efisiente.

“Liu hosi konferensia ne’ebé PD halo ona, konferensista sira husu para lideransa PD kontinua jere PD, liu-liu iha PN nomos iha liur nu’udar PD ba estadu atu oinsa mak bele servi di’ak liu ba nasaun ida ne’e, liu-liu hametin liutan valores demokrasia nu’udar lisaun ba ukun. PD ba Estadu ne’e katak sempre saida mak di’ak ba povu ba rai ida ne’e PD fó a vafor, maibé nu’edar partidu ne’ebé iha PN sempre krítiku no analiza ne’ebé klean ho baze ba jestaun ne’ebé tenki efikaz no efisiente ba estadu nia osan, entaun ita hanoin katak PD tau pozisaun ne’ebé mak wanhira buat ne’ebé mak la refleta i la’os tuir nesesidade povu nian PD sei vota kontra ida ne’e. I ba sira ne’ebé ba interese nasionál no estadu nian ne’ebé mak importante PD sei a favor, PD iha ona esperénsia wainhira iha opozisaun,” hateten Mariano Assanami Sabino ba jornalista sira.

Iha fatin hanesan, Prezidenti Komisaun Politika Nasional Partidu Frenti Dezenvolvimentu Demokratiku Agostinho Gomes ne’ebé ho estrutura FDD nian ne’ebé hasoru malu mós ho Prezidenti  Repúblika iha Palásiu Prezidensiál hateten, FDD sei mantein nu’udar opozisaun konstrutivu no edukativu iha Parlamentu Nasional no sei vota kontra programa governu ne’ebé la benefesia povu.

Lee hotu :   PN APROVA MEMBRU 10 BA KONSELLU ADMINISTRASAUN PARLAMENTAR

“Pozisaun FDD nian mantein hanesan opozisaun ne’ebé konstrutivu no edukativu, katak programa governu nian ne’ebé maka ba povu ami sei vota a vafor, liu-liu ba interese nasionál. Tanba ami mós iha ami nia postura polítika no programa ne’ebé mak la halo tuir ne’e ami sei kontra,” hateten Agostinho Gomes hafoin realiza mós enkontru ho PR.

Prezidenti Repúblika Francisco Guterres Lú Olo hala’o enkontru ho partidu polítiku sira ne’ebé hetan asentu iha Parlamentu Nasional iha loron 4 fulan Juñu tinan ne’e iha Palásiu Prezidensial ho objetivu hodi rona opiniaun ba formasaun oitavu governu konstitusionál.ías

 

Add to Comments Here!!!!

error: Content is protected.
Secured By miniOrange
You might also like:
FRETILIN la admite nia kuadru sira tama VIII governu

Sekretáriu Jerál Partidu FRETILIN Mari Alkatiri...

FRETILIN tristi VIII Governu seidauk ezisti, Xanana Gusmão: Depois de tomada de posse AMP indizita PM

Prezidente Aliansa Maioria ba Progresu (AMP) ...

Ema naok sasan loja sineza iha Elemloi

Ema deskoñesidu na’ok sasan iha Loja...

Close