JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR LÚ OLO NOMEIA TAUR BA PM ■SEI ESTUDA LISTA MEMBRU VIII GOVERNU

PR LÚ OLO NOMEIA TAUR BA PM ■SEI ESTUDA LISTA MEMBRU VIII GOVERNU

Prezidente Repúblika (PR), Francisco Guterres ‘Lú Olo’, hafoin simu karta husi Aliansa Mudansa ba Progresu ba indijitasaun Primeiru Ministru no rona tiha partidu polítiku no mos koligasaun partidaria mak hetan asentu iha Parlamentu Nasionál (PN), nomeia Taur Matan Ruak ba Primeiru Ministru (PM) VIII Governu konstitusional liu husi Dekretu Prezidensial nú.18/2018, Kuarta (20/6/18).

Tuir planu, PR Lú Olo sei hala’o tomada de posse ba membru VIII Governu dalarua. Katak iha faze primeiru sei hala’o uluk ho membru Governu 39 hafoin kompleta restu, tamba sei iha membru Governu 42.

PR Lú Olo haktuir, PR nia kompetensia ba nomeiasaun ne’e liu husi interpretasaun konstituisaun RDTL artigu 74, artigu 86, no mos artigu 106, tamba ne’e PR Lú Olo iha kompetensia maka’as atu fihir membru Governu sira ne’e nia track record.

Prezidente Repúblika (PR), Francisco Guterres ‘Lú Olo’ sei estuda lista membro Governu ne’ebé maka Primeiru Ministru (PM) nomeiadu Taur Matan Ruak aprezenta ba PR, no sei aprezenta fali ba Primeiru Ministru Taur Matan Ruak, ohin Kinta (21/6/18).

“Ohin (horiseik-red) ha’u sei estuda nafatin lista sira ne’ebé maka aprezenta ma,i hamutuk membru Governu to’o Ministru nain 10, Vise Ministru parese 11 ho sekretaria Estadu lubuk ida tan, portanto hamutuk 39, ne’ebé PM indijitadu nomeiadu husi PR hato’o mai, tanba ne’e PR sei estuda lista sira sira ne’e no sei informa fali ba PM aban (ohin-red), para sira bele haree lista sira ne’e maka ne’e ona ka ou balun PR hanoin seidauk bele, PR sei informa fali ba sira aban (ohin-red),” PR Lú Olo liu husi ninia konferensia imprensa ne’ebé halo iha Palasiu Prezidensial, Bairo Píte, Díli, hafoin dekreta Taur ba PM.

Lee hotu :   PR Lú Olo lamenta PN kansela vizita ba vatikanu

PR Lú Olo mos hasoru malu fila-fali ho Taur Matan Ruak hanesan PM ne’ebé nomeiadu husi dekretu PR ninian, ne’ebé públika tiha ona iha diário da república.

“Taur Matan Ruak lori lista membru Governu ninian mai aprezenta ba PR, ami nain 2 koalia kleur no subtansia asuntu ne’ebé maka trata maka lista membru Governu ninian, ne’ebé PR hateten ba nia katak PR iha kompetensia para atu nomeia membru Governu, nomeia mós PM ne’ebé indijita husi partidu koligasaun AMP, hanesan mós PR iha kompetensia para atu hili membru Governu,” hateten PR, Francisco Guterres.

“PR hateten ba nia (Taur Matan Ruak) katak PR sei haree lista ida ne’e, atu nomeia ou aseita ka la aseita, prontu ne’e PR sei hateten iha tempu besik. Ohin (horiseik-red) ha’u sei estuda nafatin lista sira ne’ebé maka aprezenta mai hamutuk membru Governu to’o Ministru nain 10, Vise Ministru parese que 11 ho sekretaria Estadu lubuk ida tan, portanto hamutuk 39, ne’ebé PM indijitadu nomeiadu husi PR hato’o mai,” haktuir PR Lú Olo.

Nia akresenta, PR sei estuda lista sira ne’e para bele informa fali ba PM ohin (21/6) para atu lista sira ne’e maka ne’e ona ka ou balun PR hanoin seidauk bele.

Entretantu PR Lú Olo hateten ema hotu iha direitu para sai membru Governu, tanba ne’e PR laiha motivu polítiku A ka B, PR só hakarak hateten de’it katak bainhira nomeia membru Governu ida ne’ebé aprezenta husi PM nomeiadu katak hakarak garante unidade Estadu, garante regular funsionamentu instituisaun Estadu ninian tuir konstituisaun 74, ne’ebé konjuga mós artigu 106 númeru 2, hodi halo nomeiasaun ba membru Governu sira ne’ebé indijita husi PM.Ves/ías

Add to Comments Here!!!!

error: Content is protected.
Secured By miniOrange
You might also like:
FEDERASAUN 12 NO ENTIDADE HOTU SEI PARTISIPA IHA FAN RUN NE’BEÉ REALIZA HUSI CONTL

Federasaun 12 inklui entidade hotu sei...

UDT PRONTU HO BANGKADA KETAK IHA PN

Partido União Democrática de Timorense (UDT),...

KOLIGASAUN FDD SAI BANGKADA TOLU

Partidu  Koligasaun  Frenti Dezenvolvimentu Demokrasia  (FDD)...

Close