JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dezafiu foun ba MD Filomeno Paixão ■Taur husu orgaun titular labele sai obstakulu

Dezafiu foun ba MD Filomeno Paixão ■Taur husu orgaun titular labele sai obstakulu

Prezidenti Republika (PR), Francisco Guterres ‘Lú Olo’, hatete, kargu  ne’ebé  Ministru Defeza (MD), Filomeno Paixão, lori daudauk, hanesan dezafiu foun ida hodi haburas no hala’o polítika sira ne’ebé  sei kaer metin soberania nasional.

“Ohin hahú dezafiu foun ida ba Ministru Defeza ninia vida profisional, ha’u hatene katak ita bo’ot sei hatan ba dezafiu ida ne’e ho dedikasaun no entusiazmu nafatin, atu hetan susesu mos iha misaun foun ida ne’e, no lori kna’ar espesial ida ne’e ba oin, nu’udar responsavel ida ne’ebé sei haburas no  lalaok sira ne’ebé sei kaer metin soberania,”dehan Prezidenti Republika iha nia Diskursu hafoin fo pose ba Ministru Defeza Filomeno Paixão iha Palasiu Prezidensial Nicolau Lobato Bairo Pite Dili, Segunda (09/07/18).

Lú Olo realsa,  membru Governu ne’ebé la hasoru satan  legal, ne’ebé deit bainhira simu pose mak bele hala’o sira-nia kna’ar ba bebeik durante mandatu  tinan lima, situasaun ida ne’e la’os fo deit dalan ba governu tomak, ukun tinan lima tutuir malu, maibe loke dalan mos ba ema fo fiar ba VIII Governu.

“Ha’u fiar katak, Primeiru Ministru sei halo buat hotu, atu hatama ba Governu, maluk sira ne’ebé kredível, efesiente no efetivu, ne’ebé bele garante  governasaun transparante no ho susesu iha tinan lima mai,”afirma Xefi Estadu ne’e.

PR Lu Olo dehan, tuir loloos horseik ne’e, tomada de posse membru Governu na’in tolu tuir mai, ne’ebé nia nomeia mós ba VIII Governu Konstitusionál: Kay Rala Xanana Gusmão nu’ udar Ministru

Estadu, Konselleiru ba Primeiru-Ministru no Ministru Planeamentu no Investimentu Estratéjiku; Alfredo Pires, nu’ udar Ministru Petróleu no Minerais; Rogério Araújo Mendonça nu’udar Sekretáriu Estadu Peskas. Maibé, Primeiru-Ministru, fó-hatene ofisialmente katak maluk nain tolu, propostu ba VIII Governu, sei la mai simu posse tanba razaun polítika.

Lee hotu :   PM Alkatiri konsidera komunidade la disiplina uza bee mos

“órgaun soberania ida-idak iha ninia knaar keta-ketak maibé iha relasaun ba malu. Ita labele hasees husi prinsípiu ida ne’e tamba tama iha ita-nia Konstituisaun. Kona-ba kestaun nomeasaun membrus ba VIII Governu Konstitusionál, ha’u kaer metin prinsípiu ida ne’e no hakarak tebetebes katak ita-nia instituisaun sira funsiona ho di’ak. Ohin (horseik-red) oportunidade di’ak atu ha’u hatete fila fali katak ha’u la veta ema ida husi lista governu ba mandatu tinan lima, ne’ebé Primeiru-Ministru hato’o mai ha’u. Ha’u husu de’it ba Primeiru-Ministru atu tetu didia’k ninia proposta nomeasaun ba membrus Governu. Ha’u halo ida ne’e, nu’udar Prezidente Repúblika, tanba ha’u mós iha devér atu kontribui ba governasaun di’ak no ba Estadu nia naran di’ak. Ha’u halo mós ida ne’e atu hatán ba ezijensia sira ne’ebé mai husi sosiedade sivíl ne’ebé boot ba beibeik: katak membrus Governu tenke ema sériu, la hasoru alegasaun ka akuzasaun katak oinsá de’it sira viola maka’as lei no nune’e, bele hamosu situasaun ida ne’ebé sátan sira-nia knaar konstitusionál, nu’udar membru governu. Hare’e ba situasaun ida ne’e, ha’u, nu’udar Prezidente Repúblika, iha devér atu hare’e oinsá de’it, atu povu labele lakon konfiansa iha ita-nia ukun nain no instituisaun sira. Tuir ha’u-nia hare’e, deskonfiansa ne’e la mosu se ita uza métodu transparente no prevensaun bainhira halo nomeasaun,”dehan PR Lú Olo.

Iha fatin hanesan Primeiru Ministru, Taur Matan Ruak, iha nia diskurusu hatete, ho satisfasaun bo’ot sauda inisiu funsaun husi Ministru Defeza Filomeno Paixão de Jesus, ne’ebé hahú ohin integra iha VIII Governu konstitusional kompleta serimonia solene, nudar pasu ida tan husi konstituisaun Governu nian ne’ebé sei lidera nasaun nia distinu iha tinan lima mai.

Lee hotu :   Labele uza fatin Estadu ba kampaña

“Konfirma povu nia dezeju , iha eleisaun antesipada ne’e,  ha’u hakarak agradese ba Prezidenti Repúblika ba nia abertira no koperasaun institutional ne’ebé diak no permite, viabiliza hodi nomeia ba responsavel ne’ebé mos iha Governasaun mak defeza nasional, aprofundamentu diálogu ne’ebé estabelese entre Xefi Estadu  no Xefi Governu, husi personalidade nomeia ba Governu  ne’ebé iha tempu badak hodi ultrapase politika, no bele konklui nomeasaun ba restante memberu Governu konstitusional,”dehan Xefi Governu ne’e.

PM Taur mos husu ba titular orgaun soberania sira tenke kontinua buka diálogu no debate hodi bele hetan solusaun ba kompromisu ne’ebé bele viabiliza funsinamentu Estadu no labele fo obstaklu ka labele fo impedimentu ba dezenvolvimentu hodi hadia kondisaun moris povu nian.

“Sira ne’ebé maka hanesan titulár ba órgaun soberania sira atu tenke buka halo diálogu, debate no hetan solusaun sira ba kompromisu ne’ebé bele viabiliza funsionamentu Estadu nian, no ida-ne’e, labele fó obstákulu ka impede dezenvolvimentu,”dehan Xefe Govenru ne’e.

Xefe Governu lia tun tan katak, iha tempu badak sira sei resolve impase polítika ne’ebé akontese dadauk iha rai laran ne’e, relasiona ho seidauk hala’o tomada de posse kompletu ba membru VIII Governu.

Alende ne’e, Ministru Defeza, Filomeno Paixão, kompromete sei halo revizaun ba konseitu planu 20-20 ne’ebé produs iha tinan 2006 liu husi kria estratejia militár foun.

Promesa ne’e Filomeno Paixão, hato’o hafoin simu pose husi Prezidente Republika Francisco Guterres ‘Lu Olo’ nu’udar Ministru Defeza iha Palasiu Prezidensial Bairo Pite Dili.

Filomeno Paixão haktuir tan, nia sei hala’o knaar bazeia ba konstituisaun no konseitu estratéjiku defeza seguransa ho konsensu hodi moderniza forsa armada iha Timor Leste. Servisu prinsipal ne’ebé Filomeno Paixão sei halo maka halo revizaun ba konseitu 20-20 ne’ebé produs iha tinan 2006 tanba konsidera  la atual ona liu husi halo estratejia militar foun.

Lee hotu :   Demokrasia TL, ezemplu ba mundu

Partisipa iha serimonia tomada de posse ba Ministru Defeza ne’e mak, PM Taur ho membru Governu sira, Prezidente Parlamentu Nasional, Arão Nõe de Jesus, Prezidente Tribunal Rekursu, Deolindo dos Santos, Major Jeneral Lere Anan Timur, Komandante Jeral PNTL, korpu diplomatiku sira no entidade sira seluk tan.Oly

 

Add to Comments Here!!!!

error: Content is protected.
Secured By miniOrange
You might also like:
PRO MEMORIA GMNTV Hamutuk ho Anar Band Versaun Kompleitu

ORSAMENTU DUODÉSIMU HELA DEIT US$ 20 MILLOENS “LA AFETA BA SALARIU FP”

Orsamentu duodesimu ho montante US$ 70...

PJR LA FO KOMENTARIU BA AKUZASAUN KORUPSAUN EIS MEMBRU GOVERNU

Prokurador Geral da Repúblika, José Ximenes...

Close