JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN LAMENTA ESTRUTURA KEP LA PROPORSIONAL

FRETILIN LAMENTA ESTRUTURA KEP LA PROPORSIONAL

Deputada husi bankada FRETILIN, Josefa Álvares Pereira, lamenta ho estabelesimentu estrutura Komisaun Espesializada Permanente (KEP) ne’ebé latuir proporsionalidade kadeira iha Parlamentu Nasionál (PN) nian.

“Ne’e solusaun ne’ebé foti demokrátikamente husi deputadu dira, reprezentante povu iha PN, ne’ebé tuir loloos iha artigu 31 rejimentu PN nian, ko’alia katak, meja komisoens tenke respeita mós proposionalidade ba diferente partidu polítiku ne’ebé hetan asentu iha Parlamentar, maibe aprezentasaun kandidatura ba meja ninian, ita haree laiha duni proporsionalidade,”hateten deputada FRETILIN, Josefa Álvares Pereira ba jornalista iha PN, Kinta (05/07/2018).

Tuir deputada ne’e katak, aktu ne’ebé AMP halo, viola ona regras normais ne’ebé hatúr ona iha rejimentu Parlamentu Nasionál nian.

“Ami konsidera katak, ida ne’e ladun respeita ona regras konstitusionais no regras rejimentais ne’ebé agora dadauk vigora iha ita nia Parlamentu no ita nia rain          Timor-Leste, ne’e konsidera hanesan violasaun ba regras rejimentais no Konstitusionais, tanba Parlamentu Nasionál ida ne’e, hanesan orgaun reprezentante povu, tenke kuda kultura ida ne’ebé iha konsertasaun polítika, maske iha diverjensia polítika no diferensia polítika, maibe bainhira ita tau hanoin ida atu servi povu ho di’ak, no atu servisu ba povu nia di’ak, ha’u hanoin katak, tenke iha konsertasaun polítika, no hanoin didi’ak, atu nune’e desizaun ruma atu sai husi komisaun ida, desizaun ne’e sai hanesan konjunta ne’ebé halo di’ak ba povu, ita labele mai ho hanoin ida ha’u-nia partidu no o-nia partidu, maibe ita tenke tau kultura ida rona malu ba povu nia moris,”katak Josefa Pereira.

Deputada Josefa haktuir, iha prosesu hili estrutura meja Parlamentu nian, deputadu husi opozisaun konsege aprezenta duni nia kandidatura, maibe inválida tiha husi CNRT.

Lee hotu :   FRETILIN sei halo Oesilo sai sidade furak

“Ami aprezenta kandidatu mós, ezemplu mak iha ami-nia komisaun A, ami aprezenta kandidatu, iha negosiasaun duni ba malu, maibe ikus mai, kandidatu ami nian inválida, tanba kandidatu rasik mós la prontu atu simu, entaun inválida tiha de’it husi AMP nia ema,”relata Deputada FRETILIN ne’e.

Hatan lamentasaun refere, deputadu husi bankada CNRT, Adérito Hugo da Costa, haktuir, iha prosesu diskusaun, iha duni aprezentasaun kandidatura husi bankada opozisaun sira, maibe rezultadu votasaun iha komisaun ba meja mak hatudu pozisaun ba meja asume husi deputadu bankada CNRT nian.

“Buat hotu-hotu atu garante ba funsionamentu normal Parlamentu nian, tanba funsionamentu normal iha Parlamentu ne’e la’os iha plenária de’it, maibe iha mós funsionamentu komisaun espesializada sira, tanba ne’e mak hakarak ka lakohi, kestaun ida proporsionalidade inklui kestaun ida jender mós akontese iha komisaun hotu-hotu, espesialmente komisaun B, no fim ha’u mak lidera, foti kestaun ba asuntu sira ne’e hotu, maibe nafatin, iha nível komisaun espesializada sira mós tenke garante funsionamentu normal ida, ba kualker deliberasaun, tanba ne’e mak iha konstestu ida ne’e, lista ne’ebé mosu, fo ba bankada hotu-hotu aprezenta lista, hanesan iha komisaun B nian, deputadu sira halo reunaiun no halo diskusaun loke rejimentu, haree kestoens sira hotu konaba meja, ne’ebé hatete mós posibilidade iha meja komisaun ne’e proporsionalidade husi bankada sira, hafoin diskusaun mosu duni lista kandidatura husi bankada seluk, maibe ikus mai votasaun mak rezultadu hanesan ne’e,”haktuir Adérito Hugo.

Deputadu V lejislatura, estabelese komisaun espesializada permanente hamutuk 7, kompostu husi área temátika oi-oin, ne’ebé asume pozisaun prezidente komisaun nian, domina husi deputadu CNRT no ida úniku komisaun E ne’ebé ho nia área temátika Infra-estrutura de’it mak asume husi deputadu PLP, inklui pozisaun vise mós domina husi deputadu CNRT no PLP.Say

Add to Comments Here!!!!

error: Content is protected.
Secured By miniOrange
You might also like:
ANTESIPA KRIZI FINANSEIRA, PN SEI APREZENTA PROJETU LEI ALTERA LEI FP

Atu labele akontese krizi finanseira iha...

DIRETOR MD LORI KARETA ESTADU BOSOK FETO

Ikus-ikus ne’e violasaun hasoru labarik feto...

KSDS DESIDE EZONERA FILOMENO PAIXÃO

Reuniaun Konsellu Superior Defeza no Seguransa...

Close