JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN SUJERE GOVERNU LA PRESIJA ALTERA LEI FP ■ FIDELIS: LA’OS ALTERA TUIR HAKARAK

FRETILIN SUJERE GOVERNU LA PRESIJA ALTERA LEI FP ■ FIDELIS: LA’OS ALTERA TUIR HAKARAK

Bankada Fretilin iha Parlamentu Nasional (PN), konsidera VIII Governu altera lei hodi foti osan Fundu Petrolíferu (FP) la presiza, tanba VIII Governu bele prosede tuir lei fó dalan atu uza duodesímal, dehan deputada Fretilin, Maria Angelica Rangel liu hosi deklarasaun bankada iha plenaria, Segunda (17/07/2018).

Deputada Fretilin ne’e konsidera, problema finansial ne’ebé iha prepara rasik husi AMP, tanba rejeita orsamentu retifikativu ne’ebé antes ne’e aprezenta husi VII Governu.

“Ami mós nota ho preokupasaun kona-ba VIII Governu konstitusional nia desizaun atu altera deznesesariamente lei jestaun finanseira ho lei fundu petrolíferu atu bele asesu ba osan hodi mantein mákina Estadu, tuir ami-nia haree pasu ida ne’e hamosu kestoens barak ba AMP nia intensaun loloos, kestaun mak ne’e, VII Governu de’it husi inisiu kedas enfrenta moris ho duodésimu laiha problema, maske laiha kooperasaun di’ak husi opozisaun atu buka konsensu, tanba sa mak VIII Governu ne’ebé forma husi CNRT, PLP No Khunto foin atu fulan ida hamosu fali problema no lakohi uza nia kompetensia ne’ebé lei rasik fó atu foti osan hodi sustenta mákina Estadu nia funsionamentu, tempu CNRT, PLP no KHUNTO atu rekoñese katak, sala ne’ebé sira halo mak rejeita orsamentu retifikativu, ne’ebé VII Governu lori mai ho previzaun no situasaun hirak ne’e hotu, tanba karik mosu eleisaun antesipada mós iha kofre Estadu sei la mamuk, nune’e bele asegura nafatin funsionamentu normal instituisaun Estadu sira,”hateten Maria Ángelica.

Maria Rangel afirma, situasaun sira ne’e lei fó dalan atu uza orsamentu duodesimal, tanba ne’e, lapresiza atu altera tan lei fundu petrolíferu.

“Iha situasaun hanesan ne’e, lei fó dalan ba Governu atu rekorre ba rejime duodesimal hodi asegura finansiamentu nato’on atu nune’e, Estadu bele kontinua fó prestasaun servisu ba populasaun, selu salariu ba kolaborador sira Estadu nian, atu onra kompromisiu sira ne’ebé halo ona, no atu asegura funsaun Estadu nian hotu-hotu, nune’e rejime duodesimal prevene país ida ne’e atu monu iha frajilidade no vulnerabilidade oioin,”dehan Maria Rangel.

Lee hotu :   Gráfika Nasional mak imprime bulletin votus EA

Bankada Fretilin mós konsidera, krize finansial ne’e kria husi bankada CNRT, PLP no Khunto rasik iha tinan 2017, mandatu VII Governu nian.

Tanba ne’e, Bankada Fretilin konsidera responsabilidade AMP nian, bainhira mosu krize finanseira atu la fó kbi’it hodi sustenta mákina Estadu ne’e, la’os tula fali tula fali todan no sala ba órgaun seluk, liu-liu Prezidente Repúblika.

Iha fatin hanesan, deputada CNRT, Fernanda Lay la konkorda ho deklarasaun husi bankada Fretilin nian, tanba tuir deputada ne’e, bainhira foti osan husi fundu future nasaun nian, laiha koñesimentu husi deputadu sira ne’e la’os demokrátiku, liu-liu ba Governu ida ne’ebé programa mós laiha.

“Ha’u lembra katak VII Governu nia programa mós laiha, dotasaun temporaria ne’eb’e mensiona iha artigu 31 ne’e númeru, la’os osan, hodi nune’e tuir ami nia hanoin katak foti osan husi fundu povu nian, povu tenke hatene, atravez sira nia reprezentante iha Parlamentu ida ne’e,”dehan Fernanda Lay.

Hatan ba preokupasaun ne’e, ministru reforma lejislativa, no asuntu parlamentar, Fidelis Maglhães, hatete, governasaun AMP laiha intensaun atu altera lei tuir nia hakarak ho poder ne’ebe iha.

“Ami laiha intensaun no laiha planu atu viola lei konforme ami nia hakarak, ami husu mak pedidu autorizasaun, ami la halo alterasoens ba lei sira ne’e, fila fali ba deputadu sira nia komentariu tanba sa mak la apoiu orsamentu retifikativu? tanba tuir lei jestaun finanseira loloos, labele gasta iha 2018, se atu gasta ba 2018 ida dalan ketak, aprezenta Osamentu Jeral Estadu, ne’e ilegal, tanba ne’e mak ami la apoiu,”esplika Fidelis Maglhães.

Governante ne’e esklarese tan, situasaun osan ne’ebé mak VII Governu enfrenta iha momentu ne’eba di’ak liu, tanba VII Governu tama ne’e tinan seidauk hotu sei iha mós orsamentu 2017 nian.

Lee hotu :   [:pt]MJ Manuel louva servisu SNC ■Jorge Serrano:Prosesu sukat rai termina iha 2020[:id]MJ Manuel louva servisu SNC ■Jorge Serrano:Prosesu sukat rai termina iha 2020[:en]MJ Manuel louva servisu SNC ■Jorge Serrano:Prosesu sukat rai termina iha 2020[:tl]MJ Manuel louva servisu SNC ■ Jorge Serrano:Prosesu sukat rai termina iha 2020[:]

VIII Governu agora ne’e diferente, tanba prolonga de’it rejime duadesimal, no hela de’it mak 20 milloens iha kofre Estadu nian.Say

 

Add to Comments Here!!!!

error: Content is protected.
Secured By miniOrange
You might also like:
PN SUSPENDE PROPOSTA GOVERNU EXTENDE MANDATU KOMISARIU KAK

Parlamentu Nasionál (PN) liu hosi plenária...

Jornal Semanário GMNTV Edisaun 15 Jullu 2018

Mundu ho Tétun GMNTV 14 Jullu 2018

Close