JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

HAKOTU IMPASE POLÍTIKA, MAUN BOOT NAIN 3 TENKI DIÁLOGU

HAKOTU IMPASE POLÍTIKA, MAUN BOOT NAIN 3 TENKI DIÁLOGU

Jurista Timor-oan, Manuel Tilman, konsidera kauza husi impase polítika ka formasaun VIII Governu ne’ebé maka seidauk kompletu, tanba lideransa nain tolu (3) hanesan Prezidente Repúblika (PR), Francisco Guterres ‘Lú Olo’, Primeiru Ministru (PM), Taur Matan Ruak no Prezidente koligasaun Aliansa Mudansa ba Progresu (AMP), Kay Rala Xanana Gusmão laiha diálogu.

Tuir Manuel Tilman, solusaun atu kompleta la-lais kargu ba membru Governu nain hira ne’ebé maka seidauk simu pose, lideransa na’in 3 tenki  nakloke ba malu.

 “Impase polítika ne’ebé akontese la’os kandidatu membru Governu sira maka kria, maibé mai husi lideransa na’in 3 ne’ebé 24 anos tuun husi ai-laran mai, sira terus boot iha ai laran atu povu ne’e moris diak, ne’e duni ha’u nia konsellu ba maun boot na’in 3 ne’e maka tenki halo diálogu. Impase polítika ohin loron ne’e ninia kauza ou razaun fundamental maka laiha diálogu entre PM, Xanana Gusmão ho Lú Olo karik,” Jurista Timoroan ne’e ba jornalista sira hafoin partisipa semináriu kona-bá Perspektiva Foinsa’e ba Parlamentu Nasional, ne’ebé organiza husi Asosiasaun Parlamentu Nasional Foinsa’e Timor-Leste, iha salaun MSS, Caicoli, Sesta (13-07-2018).

Manuel Tilman sujere ba lideransa nain 3 ne’e atu nakloke ba malu, labele kria blóku, tanba sé ita kria blóku ba malu, ne’e la rona saida maka ida seluk hateten mai, nune’e nasaun ne’e atu dezenvolve halo nusa.

“Ha’u nia hanoin ne’e la’os defende PR no PM, mais ita hakat ba konstituisaun, ita temi artigu 3, artigu 1 maka 106 númeru 2 knaar ida propoin kandidatu atu sai membru Governu ne’e PM ninian, maibé sira atu sai membru Governu PR tenki simu sira no fó pose, agora atu fó pose la’os taka matan de’it,” haktuir Jurista Timoroan ne’e.

Lee hotu :   AMP husu PPN re-ajenda diskusaun viajen PR ba Vatikanu ■FRETILIN ameasa walk out

Nia akresenta, dau-daun ne’e públiku eziji atu membru VIII Governu ne’e la hanesan VII Governu ninian, signifika ba VIII Governu nian tenki moos, tanba sira atu kaer Governu ne’e lori povu nia naran no jere osan ho moos.

“Maun boot Xanana koalia makaas la halimar ne’e tanba emosaun no tanba partidu CNRT nia kandidatu kuaje 10 maka seidauk tama ba Governu, maibé PLP no KHUNTO nian tama hotu. Agora CNRT de’it maka foer, iha buat ruma dezekilibradu karik, ha’u komprende maun boot Xanana nia emosaun hodi hakerek karta forti ida ba PR, maibé konsidera fali PR bulak uitoan ne’e, ha’u hanoin labele,” subliña Manuel Tilman.

Manuel Tilman hatutan, tuir desizaun polítika PM maka tenki iha konfiansa ba membru VIII Governu sira, hodi propoin ba PR, PR atu simu no fó pose ba sira tenki iha konfiansa polítika mós iha PM nia desizaun no fundamental liu sira nain rua maka tenki koalia ba malu.

Entretantu dau-daun ne’e Xefi Estadu Lú Olo no Xefi Governu Taur Matan Ruak komesa buka meius halo diálogu, oinsa bele kompleta la-lais membru VIII Governu konstitusional, atu nune’e bele solusiona la-lais impase polítika ne’ebé akontese iha rai laran. ves

 

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL GMNTV Edisaun 31

GRUPU DESKOÑESIDU ASALTA MALU IHA HNGV, NAIN RUA KANEK

Grupo deskoñesidu assalta malu iha Hospital...

IOB PRODUZ TAN FINALISTA 428

Institute Of Business (IOB) produz tan...

Close