JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KM APROVA PROGRAMA MCC IMPLEMENTA IHA TL

KM APROVA PROGRAMA MCC IMPLEMENTA IHA TL

Reuniaun Konsellu Ministru (KM) extraordinária ne’ebé hala’o iha Sesta (20/07), aprova ona programa Ajensia Millennium Challenge Corporation (MCC) nian husi Estadu Unidu Amérika (EUA), ne’ebé hakarak ajuda Timor Leste hodi implementa programa hasa’e kresimentu ekonómikuiha Timor-Leste.

Ministru Estadu no Prezidensia Konsellu Ministru, Agio Perreira, informa, reuniaun extraordinária Konsellu Ministru ne’e, diskuti asuntu prioridade haat mak hanesan, aprova programa MCC, diskuti OJE 2018, programa VIII Governu no Komisáriu Anti Korupsaun.

“Asuntu ida mak Millennium Challenge Corporation, ne’ebé premite ona Timor Leste atu hahú hala’o ona servisu atu produs millennium compact ba Timor Leste nia dezenvolvimentu. Aprovasaun husi Konsellu Ministrus ohin hetan ona,” relata Agio Perreira ba jornalista sira iha Palasiu Governu, hafoin reuniaun extraordinária Konsellu Ministru.

Nia hatutan, asuntu ida ne’e, Ministru Reforma Lejizlativa no Asuntu Parlamentares, Fidelis Magalhães mak Governu nia pontu kontaktu.

“Aban (ohin) atu asina ona akordu ne’e ho MCC, no aprezenta ba Konsellu Ministru, no hahú servisu atu harii ekipa ida hodi halo akompañamentu ba prosesu konstranjamentu ne’ebé ita rai iha, hodi bele servisu hamutuk nu’udar parseiru atu hetan solusaun,” katak Agio Perreira.

Durante  vizita delegasaun MCC husi EUA nian iha Timor Leste, MCC  hasoru malu ona ho reprezentante sira husi Governu Timor Leste, sosiedade sivil, no setór privadu, hodi ko’alia kona-ba aprosimasaun MCC nian atu kombate kiak liu husi kreximentu ekonómiku.cos

Lee hotu :   KO identifika ema besik 1000 falsifika dokumentus

Add to Comments Here!!!!

error: Content is protected.
Secured By miniOrange
You might also like:
GOVERNU ENTREGA ONA PROGRAMA BA PN

Hafoin hetan aprovasaun husi reuniaun Konsellu...

F-FDTL TERMINA TREINAMENTU PKF, LERE: MISAUN NE´E LA´OS FASIL

Membru FALINTIL Forsa Defeza Timor-Leste (F-FDTL)  hamutuk...

PR LÚ OLO APOIA PROGRAMA MCC

Vise Adjuntu Prezidenti ba Dezenvolvimentu  Kompaktu...

Close