JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LA KOMPLETA ESTRUTURA, IMPAKTU BA FUNSIONAMENTU GOVERNU

LA KOMPLETA ESTRUTURA, IMPAKTU BA FUNSIONAMENTU GOVERNU

Prezidenti Parlamentu Nasional (PPN ), Arão Noe, hatete, sira preokupa membru Governu ne’ebé seidauk kompletu bele fo impaktu ba funsionamentu Governu. Maibe kona-ba tomada de posse ninian ne’e bainhira nia lakohi halo interferensia ba kestaun ne’e.

“Ida ne’e ha’u lakohi komenta, tamba ne’e komptensia orgaun ida-idak  ninian, no ne’e Prezidenti Republika nia kompetensia  Governu nian, mas ami preokupa  tamba kuandu Governu seidauk forma  kompletu difisil oituan, tamba Ministéiui sira ne’ebé estruturante, ne’e mak seidauk iha impaktu ne’e bo’ot tebes ba funsionamentu Governu nian,”dehan Arão Noe ba Jornalista sira  hafoin remata enkontru ho Prezidenti Republika, Fransisco Guterres ‘Lu-Olo’ Kuarta (18/07/2018), iha Palasiu Prezidensial Nicolau Lobato, Bairo-Pite, Dili.

Nia salienta, nia lakohi interfere atu halo tomada de  posse lalais ba membru governu hirak ne’e, tamba ne’e sira-nia preokupasaun mak presiza duni kompleta ona membru Governu atu nune’e jestaun administrativu bele la’o normal .

Por em quanto seidauk  kompletu difisil. Mas agora atu toma pose ka lae ba membru Governu, kona-ba  programa la iha impaktu, tamba programa ne’e sei koalia  jeral planu ba tinan lima, maibe kuandu ita ba ona Orsamentu Jeral Estadu tinan 2018, ne’e ita ba ona kategoria por kada Ministériu, entaun Ministériu  ida idak tenki mai defende ninia  orsamentu  ne’ebé planu ona, no ne’e impaktu bo’ot tebes ba Ministériu sira ne’ebé seidauk simu pose”esklarese Arão.

Priense osan duadesimal

Nune’e mos, Prezidenti Parlamentu Nasional, Arão Noe, informa, Governu sei aprezenta proposta lei ida kona-ba  rejime espesial levantamentu  ba fundu petrolíferu, nune’e bele priense duadesimal ba fulan Jullu no Agostu, tinan  ne’e, nune’e bele hein antes aprova Osaramentu Jeral Estadu tinan 2018 nian.

Lee hotu :   ANTES 30 DIAS, AMP APREZENTA PROGRAMA

“Prezidenti Repúblika apresia ho ami-nia aprezentasaun, em quanto prezidenti hato’o atu fo mensajen ba deputadu sira ho relasaun atu halo levantamentu osan  hodi priense duodésimu , entaun prezidenti husu sei bele buka meius ida lalais liu, para nune’e atu foti osan priense ba osan nesesidade Estadu nian, atu nune’e la bele iha impaktu ba saláriu no vensimentu funsionariu sira nian no liu -liu  jestaun públiku nian,”dehan Prezidenti Parlamentu Nasional  ba jornalista sira hafoin remata enkontru ho Prezidenti Republika, Fransisco Guterres ‘Lu-Olo’ Kuarta (18/07/2018), iha Palasiu Prezidensial, Nicolau Lobato, Bairo-Pite, Dili.

Nia afirma, sira sei tau konsiderasaun, hodi aselera prosesu ne’e, nune’e para la bele husik mákina Estadu, no tuir kalkulasaun normalmente  atu halo levantamentu  ba fundu petrolíferu por volta millaun 70 USD por mes, tamba ne’e mak presiza atu bele priense duadésimu.

“To’o aprova Orasmaentu Jeral Estadu tinan 2018, ita tenki iha garantia ida, para la bele husik mákina Estadu paradu, tamba ne’e Governu aprezenta ona proposta ba lei ida para buka solusaun ba asuntu ne’e,”Subliña Arão.Oly

Add to Comments Here!!!!

error: Content is protected.
Secured By miniOrange
You might also like:
LERE: HA’U HALO POLÍTIKA BA DEFEZA NO SEGURANSA ■ LA KONTRA MAUN XANANA

Xefi Estadu Maior F-FDTL Major Jeneral...

XANANA: AMI LA PARTISIPA KM TAMBA LIU ORAS SERVISU

Prezidenti Koligasaun Aliansa Mudansa ba Progresu...

OJE 2018 SEI KOBRE TINAN TOMAK

Ministru Estadu Prezidensia Konsellu Ministru, Agio...

Close