JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN fó votus pezar ba saudozu Armindo da Silva

PN fó votus pezar ba saudozu Armindo da Silva

Deputadu Parlamentu Nasionál (PN) V lejislatura, fó omenajen no votus pezar ba eis membru asembleia konstituente saudozu Armindo da Conceição Dias Silva ho votus unanimidade afavor 60, kontra 0 no abstensaun 0.

Saudozu Armindo da Conceição Dias Silva moris iha Munisípiu Lautem, iha 25 fulan Maiu 1945, nu’udar aifuan domin husi aman Aleixo da Silva no inan Hermelinda da Silva, saudozu mós nu’udar oan mane bo’ot husi maun alin nain 11.

Matebian iha oan 10 resin, nu’udar rezultadu husi kaben dala rua, hafoin fen bo’ot husik nia peregrinasaun iha mundu, kuaze tinan 8 ona.

Saudozu ho nia naran kódigu dahuluk, IPINAKA, maibe saudozu troka hikas naran kódigu ba TUFÃO LESTE, bainhira nia inimigiu sira deskobre nia personalidade refere.

Hafoin saudozu hasai nia kursu Quarta Classe iha tinan 1961 (tempu Portugues nia ukun),  saudozu mós hetan kedas konfiansa husi administrador postu Lautem Tito dos Anjos, hodi servisu nu’udar eskritoriu auxiliar iha sekretaria postu administrativu Lautem.

Iha tinan 1965, saudozu transfere fali ba servisu iha alfândega Lautem, nu’udar enkaregadu  âlfandega hodi atende Ró sira ne’ebé mak tama sai husi Indonesia, no iha 9 fulan Setembru tinan 1969, saudozu hetan fiar, eleitu hanesan xefi suku Parlmentu nian to’o tinan 1975.

Enkuantu, iha tinan 1974, saudozu konhesidu hanesan revolusaun dos cravos iha Portugal, nune’e saudozu mós inklina an militante ba partidu ASDT/ Fretilin, hodi liberta nia patria no povu.

Hafoin ne’e, saudozu hetan nomeia hodi assume hanesan vise sekretaria ho nia malu seluk, iha partidu Fretilin.

Iha loron 02 fulan Fevereiru 1976, saudozu ho nia família halo evakuasaun ba ai laran, bainhira aviaun funu Indonesia nian, halo bombardeia iha Villa Moro Lautem tuku 03:00 madrugada, maibe  to’o 1978, saudozu ho nia família rende no fila hikas ba nia knúa Moro Lautem tanba mosu serku iha foho Matebian, no tinan 1980, saudozu hahu primeira rede klandestina, iha tinan ne’e mós, saudozu hetan nomeisaun, nu’udar membru ba DPRD TK II Lautem.

Lee hotu :   Lere husu mantein VII Governu "Veteranus lakohi Governu monu"

Iha tinan 1986, saudozu asumi knár nu’udar vise sekretariu Orgão Coordenador Regional (OCR) ponta leste iha rede servisu klandestina nian.

To’o tinan 1992, saudozu transfere fali nia servisu iha seksaun planeamentu iha BAPPEDA TK II Lautem.

Iha tinan 1998. saudozu asumi kn’ar nu’udar vise skeretariu rejiaun iha organizasaun rezistensia Konsellu Nasionál Rezistensia Maubere (CNRM) iha ponta leste.

Durante invazaun Indonesia nian, saudozu Armindo da Silva alias TUFÃO LESTE, hetan kapturasaun dala 5, husi intelijensia komando KOPASSUS nian, no saudozu hetan nomeiasaun husi Fretilin, sai membru asembleia konstituinte repúblika demokrátika Timor-Leste iha primeira lejislatura husi tinan 2002 to’o 2006.

Matebian Armindo mós nu’udar sidadaun ne’ebé asina ba konstituisaun RDTL iha Timor-Leste.

Hafoin ne’e, saudozu husi tinan 2008 to’o tinan 2016, saudozu fila no hela de’it iha nia knúa Moro Lautem, no matebian desloka ikus ba Óspital Nasionál Guidu Valadares, iha loron 15 fulan Janeiru tinan ne’e, hafoin matebian sofre moras fase rins ka (ginjal).

Kuaze fulan 6 nia laran, matebian baixa iha Óspital Nasionál Guidu Valadares, maibe planu maromak nian, ikus mai matebian hakotu nia is iha loron 8 fulan Jullu tinan ne’e.

Hafoin akompaña mate isin iha plenaria sesaun solene ne’e, reprezentante família matebian, Dulcia Vítor hato’o agradesimentu ba Parlamentu Nasionál, ne’ebé fó ona omenajen ikus ba saudozu nia isin mate, nu’udar rekoñesimentu ida ba nia kontribuisaun durante nia sei moris, molok lori fila hikas ba halot iha nia isin mate iha nia knúa moris fatin Moro Lautem.

Aleinde ne’e, reprezentante família matebian ne’e mós, lori família nia naran husu deskulpa no obrigadu bae ma hotu ne’ebé fó ona nia apoiu no kontribuisaun ba matebian.

Lee hotu :   LAIHA AJENDA, PN SEIDAUK HALO PLENÁRIA

Hafoin fó omenajen ikus iha plenaria solene Parlamentu Nasionál, mate isin lori hikas ba Komíte Sentra Fretilin (CCF_sigla iha lian Portugues), hodi fó omenajen ba nia, nu’udar rekoñesimentu ba saudozu nia sakrifisiu no kontribuisaun durante nia sei moris, hafoin dezloka ba munisípiu Lautem hodi haloot.Say

Add to Comments Here!!!!

error: Content is protected.
Secured By miniOrange
You might also like:
Sentral Elétrika Hera ho Betano tama iha ‘krize’ kombustivel

Sentral Elétrika Hera ho Betano hahu...

PM Taur hasai ona Gastão ho Marcos

Primeiru Ministru (PM), Taur Matan Ruak,...

AMP vota kontra viajen PR Lú Olo ba Portugal!

Liu hosi votasaun Bankada apoiu governu,...

Close