JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL-AUSTRALIA HAMETIN KOOPERASAUN BILATERAL ■ KONTINUA DISKUTI GS

TL-AUSTRALIA HAMETIN KOOPERASAUN BILATERAL ■ KONTINUA DISKUTI GS

Vizita Traballu Ministra Negósiu Estranjeiru no Kooperasaun (MNEK) Australia, Julie Bishop, nian iha Timor-Leste hamutuk ho MNEK Timor-Leste (TL) Dionísio Babo Soares halo komitmentu ida oinsa hametin kooperasaun bilateral entre rai rua iha futuru.

“Ami hala’o kooperasaun bilateral no mos rekoñese katak  amizade entre nasaun rua ne’e metin, tamba ne’e ami iha komitmentu atu hafoun parseira iha futuru, laos foka deit ba iha relasaun bilateral, maibe foka mos iha servisu hamutuk rejiaun Indo-Pasífiku  no iha Mundu Global,”dehan Dionísio Babo Soares  liu husi Konferensia Imprensa Segunda (30/07/2018) iha Prais dos Coqueiros, Dili.

Dionísio Babo dehan, relasaun entre ema ba ema reflete tiha ona iha interkambiu kultural, relijiozu, edukasional, negósiu, militar, komunidade no mos desportu ne’ebé mak hala’o ona entre nasaun rua durante tinan barak, no sai hanesan fundasaun ba País rua ne’e.

“Ami halo ona komitmentu atu hala’o diálogu regular  entre Governu rua no konkorda ona atu organiza enkontru tinan-tinan, iha nivel MNEK, no mos enkontru regular ofisial senior sira ne’ebé prioridade bilateral sei atinji,” akresenta nia.

Dionísio Babo espresa  nia gratidaun, no apresiasaun ba Australia nia komitmentu ne’ebé kontinua atu nafatin suporta Timor Leste nia dezenvolvimentu sosiu  ekonómiku.

Entertantu MNEK Julie Bishop afirma katak, Australia nia komitmentu atu nafatin sai hanesan parseiru  dezenvolvimentu ba Timor Leste.

“Ami hala’o kompromisu ona ba akordu parseira dezenvolvimentu foun ida, hodi suporta Timor Leste ninia prioriedade sira ba  dezenvolvimenntu sosial no ekonómiku,”realsa Julie.

Ministra Negosiu Estranjeiru no Kooperasaun Australia Julie Bishop mos fundamenta,  Governu Australia fo apoiu másimu  ba Timor Leste (TL ) atu adere ba Association of South East Asia Nation (ASEAN).

Lee hotu :   FRETILIN ASUME KARGU PREZIDENTI PN, PM HO MD

“Ami mos diskuti ona kona-ba  Timor Leste nia adezaun ba ASEAN, no ami serteza suporta  ho laran tomak, no ami hanoin katak ASEAN ho grupo nasaun ida ne’ebé mak vital tebes ba prosesu  dame no prosperiedade  iha ami nia rejiaun, no ami fiar katak Timor Leste presija tama ba iha Asosiasaun importante ida ne’e,”dehan Julie Bishop.

Tuir Julie, nia mos sei ba atende enkontru Ministru Negósiu Estranjeiru ASEAN nian iha Singapura iha fim  de semana, konaba potensialidade hodi sai membru, mesmu sira laos membru iha ASEAN.

TL-Australia kontina diskuti GS

Nune’e mos, Ministra Negosiu Estranjeiru no Koopersaun Australia, Julie Bishop, informa, Australia no Timor Leste konkorda ona kontinua hala’o diskusaun  konstrutiva konaba Dezenvolvimentu rekursu Greater Sunrise (GS) hodi  haree importansia ba Timor Leste nia prosperiedade.

“Ha’u iha ne’e hodi  bele renova hikas fali amizade no parseiru ho Timor Leste hafoin formasaun governu foun, ida ne’e nu’udar oportunidade ida mai ha’u, no agora ita mos asina ona tratadu Fronteira Marítima, to’o ona tempu hodi bele foka ba iha dezenvolvimentu ekonómiku ba Timor Leste,”dehan Julie Bishop ba Jornalista hafoin remata enkontru Bilateral ho Ministru Negósiu Estranjeiru no Kooperasaun Timor Leste, Dionísio Babo Soares, Segunda (30/07/2018), iha Praia dos Coqueiros, Dili.

Nia dehan, Governu Timor Leste sei hala’o negosisaun ho parseiru Joint Venture ho relasaun ba dezenvolvimentu Greater Sunrise, husi sira-nia  parte mak atu bele buka dalan los hodi maximize potensial benefisiu husi dezenvolvimentu Greater Sunrise nian , no ba  povu  Timor Leste ida ne’e nudar kestaun ida ne’ebé mak governu Timor Leste sei halo negosiasaun ho parseiru Joint Venture nian.

Lee hotu :   Garante paz iha EA, ParPol-CNE asina PUN

Hafoin ramata enkontru  Bilateral, Ministra Negosiu Estranjeiru no Kooperasaun Australia, Julie Bishop , halao fali enkontru kortezia ho Prezidenti Republika Francisco Guterres ‘Lu-Olo’, iha vizita ne’e Julie konvida direta Prezidenti Republika atu partisipa iha Aniversariu Interfet nian, ne’ebé sei selebra iha tinan 2019.

“Ida ne’e  nu’udar enkontru pozitivu no diak tebes, no ha’u mos hato’o ona konvite ba Prezidenti  Repóblika em nome Governador General Australia nian, atu bele ba vizita Australia, no hein katak prezidenti bele hatan ba konvite ne’e iha tinan ida ne’e nia laran, Prezidenti mos senti ksolok tebes tamba bele simu ona kovite ne’e husi senhor Peter Cosgrove,  ne’ebé mak lidera forsa INTERFET besik tinan 20 liu ba, no nia mos nu’udar kolega diak ba Timor Leste, no Governu Australia mos ho orgullu atu bele simu Prezidenti wainhira nia atu ba vizita Australia,” subliña Julie.Oly

Add to Comments Here!!!!

error: Content is protected.
Secured By miniOrange
You might also like:
DIT FC TUN BA 2º DIVIZAUN LFA ÉPOKA 2019

Treinadór Ekipa Futebol DIT FC, Manuel...

BOAVISTA TIMOR FC KAMPIAUN 1º DIVIZAUN LFA ÉPOKA 2018

Klube Futeból Boavista Timor FC sai...

JULIE BISHOP TO’O IHA TIMOR-LESTE

Ministra Negosiu Estranjeiru Australia, Julie  Bishop,...

Close