JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Antoninho Bianco konsidera OJE tau ba “saku azul”

Antoninho Bianco konsidera OJE tau ba “saku azul”

Deputadu bankada FRETILIN, Antoninho Bianco, konsidera Orsamentu Jeral Estadu (OJE) 2018 ne’ebé VIII Governu konstitusional propoin, hanesan atu tau ba ‘saku azul’ ka ka’ut ida, tanba laiha livru atu esklarese utilizasaun OJE refere.

Tuir regras normal, lo-loos ne’e wainhira Parlamentu Nasional (PN) ho membru VIII Governu konstitusional halo audiénsia iha komisaun, livru ne’e tenki iha ona, para esklarese montante rúbrika ba OJE ne’ebé atu utiliza iha kada ministériu.

“Lo-loos ne’e iha tempu audiénsia iha komisaun ne’e livru ne’e tenki iha ona, labele audiénsia hotu tiha maka foin mai fali iha plenaria, entaun ita tau osan, maibé laiha aktividade no la esklarese montante rúbrika sira ne’ebé maka atu tau, ne’e kontra lei inan artigu 145 konstituisaun. Artigu 145 alinea 1 sita Governu aprejenta OJE no PN aprova, alinea 2 ne’e detalladu orsamentu labele subir montante, PN maka tenki kontrola OJE antes aprova, tanba ne’e sé livru ne’e laiha, entaun OJE mai global ne’e saku azul, tanba naran tau de’it iha ka’ut ida, prontu atu halo saida, sira maka halo, ne’e labele,” deputadu bankada FRETILIN ba jornalista sira iha uma fukun PN, Díli, Tersa (14-08-2018).

Nia akresenta, OJE 2018 ninia livru atu esklarese orsamentu ne’e seidauk iha, hanesan livru kona-bá planu asaun, entaun sé planu laiha montante OJE ne’ebé maka Governu propoin ne’e tau atu halo saida.

“Livru ida seluk hanesan 4A no 4B ne’ebé liga ba rubrika orsamentu mós laiha, rúbrika ne’e iha kategoria 5, ba salariu ninian iha rúbrika 4, bem de servisu rúbrika 10 resin, tranferensia ninian mós rúbrika lubuk ida, nune’e kategoria 5 ne’e ninia rúbrika ne’e 36, sé 36 ne’e kada ministériu tenki iha, tanba livru 4A no 4B maka sei esplika, maibé to’o agora (14/8) mós Governu seidauk fó, nune’e oinsa maka ita bele hatene osan sira ne’e atu utiliza ba saida de’it,” afirma Antoninho Bianco.

Lee hotu :   FRETILIN husu Kalbuadi labele reprezenta TL ba Dubai

Deputadu bankada FRETILIN ne’e realsa katak, loos duni Governu promete atu lori mai iha tempu badak, maibé sira tenki hatene katak diskusaun audiénsia iha komisaun durante loron 6 de’it no durante loron 6 ne’e maka Governu sei hatan ba PN kona-bá OJE refere atu utiliza ba saida de’it.

“Tanba iha loron 6 ne’e ema bele husu ba membru Governu katak OJE ba salariu ne’e atu selu ema nain hira, total ba bem servisu ne’e atu halo saida, hanesan viajen estranjeiru ne’e hira, viajen lokal ne’e hira, profisionais atu selu ba asesor internasional no nasional ne’e hira, atu halo manuntensaun hira no selu-seluk ne’e hira,” hatutan Antoninho Bianco.

Entretantu hatan ba preokupasaun ne’e, Ministru Reforma Lejislativa no Asuntu Parlamentar (MRLAP), Fidelis Magalhães promete, VIII Governu sei esforsu makaas atu kompleta dokumentu hirak ne’ebé maka seidauk kompletu, hanesan livru 4A, 4B ho 5 ne’ebé esplika kona-bá utilizasaun OJE 2018 ba saida de’it.

“Exersisiu ida que Ministériu Finansas (MF) halo agora ne’e mós halo esforsu tomak, maibé ami rekoñese katak sei dokumentu balun que seidauk kompletu, maibé ami promete katak ami sei lori mai iha PN wainhira prosesu ne’e hahú. Ami mós rezista ezijensia deputadu sira nian tenki lori livru 4A, 4B ho 5, depois de sesaun ida ne’e ami hasoru malu kedas ho MF para halo prosesu ne’e la-lais liu,” promete Fidelis Magalhães. Ves

Add to Comments Here!!!!

error: Content is protected.
Secured By miniOrange
You might also like:
Prezidente Repúblika husu hadia orgániku VIII Governu

Primeiru  Ministru (PM), Taur Matan  Ruak,...

Jornal Semanário GMNTV,Edisaun 12 Agostu 2018

Situasaun jeral TL la´o kontroladu

Komandante Jeral PNTL Komisariu Julio Hornay,...

Close