JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ASANAMI: HALAKON POLÍTIKA ODIU VINGANSA

ASANAMI: HALAKON POLÍTIKA ODIU VINGANSA

Deputadu bankada PD, Mariano Asanami Sabino, iha diskusaun primeira alterasaun dekretu lei nú 3/2015 ba daruak hateten, nu’udar jerasaun foun, nia parte prefere, deputadu sira halakon polítika odíu vingansa iha prosesu diskusaun asuntu ne’ebé importante tebes ba futuru Timor oan hotu nian.

“Ita jerasaun foun, lalika lori fali polítika ne’e ba odíu ho vinga nian ne’e, ita lakon tempu no enerjia, hau hakarak ita konsentra, Governu ida ne’e presija mai hadía halo di’akliu, ita tenke aprova, ho tempu badak mai ho rezolusaun para muda de’it iha ne’eba, nusa mak la ho nia konteudu loos para re-azusta ho situasaun ida agora, para depois kurrikulum mak aprova dala ida,”dehan deputadu Mariano Asanami iha diskusaun ba faze darua iha Parlamentu, Segunda(07/08/2018).

Tuir deputadu PD ne’e, Governu kontinua no hadía de’it di’akliu, duke troka tomak kurríkulu, tanba bele afeita mós governu anterior balun sente buat ne’ebé halo ona ne’e laloos.

“Ita lakon tempu barakliu ba polítika, ita mobiliza povu ba tuir ita, maibe ego ita nia subar iha polítika, saída mak kontinuidade no konsistente, siginifika bele mai tutan no hadía di’akliu ba sosiedade ida ne’e, ne’e mak kontinuidade, sei ita mai ho fasil de’it troka total, maske diferensia labarak iha konteudu lei ne’e, maibe se ita troka de’it mak ida sente ida ne’e laloos, mekanismu ne’e dekretu lei iha konsellu ministru, Parlamentu bele halo apresiasaun, maibe Parlamentu labele sai fali kaer karrimbu ne’eb’e mak buat hotu Governu nian mós ita lori mai iha ne’e tau karrimbu, ne’e lapresija, Governu rasik soberanu no forma husi Parlamentu, no fó ona mandatu tuir konstituisaun halo saída mak Governu bele halo, ne’ebé inter-ligadu, la’os buat hotu-hotu tenke dada Governu mai iha Parlamentu, ida mak konsistensia, ita nia hahalok ne’e mak konstrui estadu no nasaun, ita nia prátika ne’e mak sai evidensia para ba prátika,”dehan Asanami.

Lee hotu :   PM Alkatiri agradese servisu jornalista

Reprezentante povu ne’e sente preokupa, tanba asuntu refere ba interesse ba Timor oan hotu ne’ebé sei projeta ba futuru nasaun nian.

“Ha’u preokupa, tanba ne’e ba ema, ema Timor ona ne’ebé hakarak projeta ba futuru ne’e, iha lei uluk, iha linguan Portugues hanorin loron ida minitu 5 de’it, maibe iha ida fali foun ne’e, loron ida nia hanorin hanesan matemátika, ida segundu, tuan ne’e Pre-eskolar iha oras 2, iha foun ne’e pre-eskolar iha oras 4,”subliña Mariano.

Atual prezidente partidu PD ne’e hateten, nia parte prefere, atu labele fó kondisaun ba ema hodi lakoi esforsu atu aprende lian Portugues, tanba lian português nu’udar lian ofisial.

“Ida fali diversifika kurrikulum ne’e haré tiha lai, ida ne’ebé mak ita presija troka, tenke hadía duni, ho laran para ita hadía, la’os mai de’it ho razaun polítika, konstituisaun klaru iha ne’e katak Portugues ho tetun ne’e ita nia lian ofisial, língua nasional mós ita nia identidade, laos dehan ita atu halakon fali língua nasional sira materna sira seluk, ne’e nafatin iha konsegra, maibe ne’e labele sai fali razaun ka instrumentu katak labarik nia família uma laran ne’e lahatene hotu Portugues, ita fó kondisaun hanesan ne’e bebeik, ema seila esforsu atu aprende,”katak polítiku ne’e.

Reprezentante povu ne’e garante, VIII Governu konstitusional sei fó kondisaun ne’eb’e dignu ba professores hotu ho atu bele hanorin ho estudante ho di’ak iha kualker tempu.

 “Ha’u hein katak professores sira ne’ebé kontratadu bele ba permanente, no uma ba tenke iha, no sira nia osan, liu-liu foho sira ne’ebé presija duni tanba sira ba hanorin iha ne’eba, hau hein katak sira nia família moris kondisaun natoon,”dehan Mariano Asanami.

Lee hotu :   PROPOSTA FOTI FP KATEGORIA URJENSIA APROVADU ■FRETILIN-PD KONTRA

Hatan ba preokupasaun deputadu sira nian, Ministra Edukasaun, Dulce de Jesus, hateten, nia parte konkorda ho deklarasaun deputadu Mariano Asanami nian, tanba atu muda kurríkulu ruma, presija prosesu naruk husi tinan 5 to’o 10.

“Ha’u konkorda tebes ho deputadu Mariano Sabino ne’ebé hateten dehan ita labele troka de’it, ita troka depois de prosesu ida, tinan 5 ka tinan 10, tenke halo avaliasaun ba labarik sira katak kurrikulum ne’e atu bele kontinua ka lae”,dehan ministra Dulce.

Ministra edukasaun ne’e esplika, iha dekretu lei alterasaun rasik rekonhese, laiha mudansa tomak no laiha diferença ne’ebé dook husi lei anterior.

“Iha alterasaun rasik mós rekonhese, dekretu lei nú 18 artigu 14  iha pontu 2 mós iha ne’eba mós la muda, deputada sira mós hateten katak, tuir dadus sensus 2015 hatudu katak 34% estudante mak bainhira tama ba primeiru anu hatene ko’alia tetun, 0,0% mak ko’alia Portugues,  iha dekretu lei rua ne’e hotu rekonhese marjen ida ne’e, rekonhese realidade ida ne’ebé konsagra iha artigu 14, bainhira halo revizaun kurrikulum ne’e, la’os ema ida nia ajenda, maibe ajenda V no IV Governu konstitusional, halo kompozisaun, Timor oan barak mós iha kapasidade ona atu halo kurríkulu atu halo mós materiais didátikus ba estudante sira ensinu báziku, saída mak ita halo iha momentu ne’eba, mak iha professores sira ne’ebé iha ona esperiensia, ita destaka mai iha ministériu tuir area disxiplina, iha mós perítiu nasional sira, no mós liu husi teste ida ne’ebé mak rigorozu atu simu sira hanesan ema konsultor ou asesor sira iha prosesu halo kurríkulu ne’e inklui mós prezensa internasional iha kada área”,esplika governante ne’e.

Lee hotu :   JORDSN husu, Lider nasional solusiona tensaun polítika rai laran

Iha prosesu diskusaun ne’e mós, deputadu sira husi bankada Fretilin, prefere, VIII Governu hadíak uluk kondisaun eskola no professor hotu iha Terrítoriu Timor laran tomak, duke prioridade uluk ba alterasaun dekretu lei refere.Say

Add to Comments Here!!!!

error: Content is protected.
Secured By miniOrange
You might also like:
LA FÓ SOLUSAUN BA IMPASE POLÍTIKU, CNRT AMEASA HALO IMPEACHMENT BA PR

Koordenador Partidu CNRT husi Munisípiu 12,...

Jornal Semanário GMNTV Edisaun 05 Agostu 2018

Mundu ho Tétun GMNTV 04 Agostu 2018

Close