JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu la kompletu afeta diskusaun OJE “PR tenki justifika la simu kandidatu nain 9”

Governu la kompletu afeta diskusaun OJE  “PR tenki justifika la simu kandidatu nain 9”

Prezidente Parlamentu Nasionál (PPN), Arão Noe de Jesus Amaral, preokupa los ho estrutura VIII Governu ne’ebé seidauk kompletu, tanba sei fó impaktu ba prosesu diskusaun no ezekusaun Orsamentu Jeral Estadu (OJE) tinan 2018.

“Situasaun ne’e preokupa teb-tebes, tanba ministériu ida-idak mak sei defende nia programa no ezekuta nia programa, se ho membru Governu sira simu pose seidauk kompletu, nia impaktu ne’e bo’ot tebes ba debate no ezekusaun Orsamentu Jeral Estadu iha kada ministériu,”hateten Arão Noe ba jornalista iha PN, Tersa (21/08/2018).

“Parlamentu Nasionál preokupa teb-tebes, kuandu membru Governu sira seidauk kompletu, liu-liu iha faze ida ezekusaun, diskusaun iha espesialidade sei tama ba kada liña ministerial. Agora se ministériu ruma nia ministru seidauk iha, nia impaktu ba debate sira, normalmente Primeiru Ministru bele responsabiliza, maibe ba ezekusaun, kada ministériu ida-idak mak tenke ezekuta rasik, se ministeriu ida ba interina hodi ezekuta, ne’e susar oituan ba prosesu sira ne’e atu bele la’o lalais,”dehan Arão Noe Amaral.

Tamba ne’e, Arão Noe husu ba Prezidente Repúblika (PR), Francisco Guterres Lú Olo, atu halo karta justifikasaun ida ba Primeiru Ministru (PM), Taur Matan Ruak, kona-ba nia razaun hodi lakohi fó pose ba kandidatu membru Governu nain 9 ne’ebé pendente, atu nune’e sai nu’udar baze ba PM Taur hodi buka dalan seluk solusiona lalais situasaun atual.

“Ida ne’e kompetensia Prezidente Repúblika nian, no kompetensia atu hato’o kandidatu mós Primeiru Ministru nian, se Primeiru Ministru dehan lakohi altera ka troka ema nia naran, tanba normalmente se ita atu troka, tenke iha justifikasaun ida, hodi hatene dehan troka tanba sa? tanba PM Taur labele troka de’it ema sem iha justifikasaun ida. Tanba ne’e mak ha’u sujere ba Prezidente Repúblika se bele karta ofisial ida ba Primeiru Minisitru hodi hatete katak, rekuza atu fó pose tanba razaun ida ne’e, entaun bazeia ba razaun sira ne’e, PM bele foti desizaun, maibe sem iha desizaun  ida para klarifika situasuan ida ne’e, PM rasik mós iha hela dúvida, tanbasa mak atu hasai? tenke iha justifikasaun ida eskrita, atu nune’e bele sai hanesan baze hodi halo alterasaun,” rekomenda PPN, Arão Noe Amaral.

Lee hotu :   Xanana Gusmão: DERROTA IHA ELPAR, SAI LISAUN BA KUADRU PARTIDU

Kandidatu membru VIII Governu nain 9 ne’ebé pendente mak hanesan, Francisco Kalbuadi Lay, Amandio Benevides, Virgílio Smith, Jacinto Rigoberto, José Turquel, António Verdial no Sergio Lobo, inklui kandidatu 3 seluk ne’ebé deside pendente simu pose hodi fó solidariedade ba kandidatu pendente ne’e mak hanesan, Alfredo Pires, Samuel Marçal subtitui Kay Rala Xanana Gusmão, no Rogério Mendonça.Say

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL GMNTV Edisaun.35

SEDK la prevé osan ba kooperativa 193

Sekretáriu Estadu Dezenvolvimentu no Kooperativa (SEDK),...

Projetu auto estrada Suai-Beasu atinji 99%  Sei inaugura iha Outubru

Kompañia Internasional China Overseas Engeneering Grup...

Close