JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MF Distribui DOT ba orgaun Estado

MF Distribui DOT ba orgaun Estado

Ministériu  Finanças (MF) liu husi Diresaun Jeral Finanças Estadu, hetan ona apresiasaun Dotasaun Orsamento Temporariu (DOT) ba período Fulan Agusto tinan 2018 hodi distribui ba orgaun Estado atu gasta ba programa no atividade ba funsionamentu mákina Estado.

Dotasaun Orsamento Temporariu (DOT) ba período Fulan Agusto tinan 2018 promulga ona husi Prezidente da Repúblika, Franscisco Guterres Lu-Olo, hafoin husu fiskalizasaun abstrata ba Tribunal Rekursu.

” Total DOT ba período Fulan Agusto tinan 2018, inklui despezas emprestimu hamutuk U$ 113,409,148 , no la inklui despezas emprestimu hamutuk US$ 104,923,669”, deklarasaun nee hatoo husi Xefe Gabinete Komunikasaun Informasaun MDF, Agustinho Castro, liu husi Komferensia Imprensa Segunda (13/ 08/2018) iha Salaun MDF Aitarak-laran Dili.

Dotasaun Orsamento Temporariu Fulan Agusto tinan 2018, hetan kresimento signifikantivu husi fulan Jullu tinan nee, hamutuk porsentu 16.5 ( inklui despezas Imprestimus), no diferensa boot nee aumenta husi pagamento ba Idosos ba fulan 6 nian, inklui apoiu finanseiru Internasional no despezas sira seluk.

Iha fatin hanesan Diretor Jeral Finansas Estado MF, Januario da Gama, hatete kuando ita akompaña nia prosesu alterasaun dekretu Dotasaun Orsamento Temporariu iha Konsellu Ministru, iha fulan ida liu ba halo ona esepsaun hodi halo pagamento ba Idosos sira husi Ministériu Solidariedade Sosial (MSS).

” Ida nee iha uluk ita la tau, maibe tanba husi aranje interna neebe husi MSS halo katak, pagamento ba Idosos sira halo iha kada fulan 6 dala ida, entaun alokasaun neebe agora ami tau iha DOT fulan Agusto tinan nee, inklui  mos despezas ba pagamento Idosos nian, neebe sei halo husi MSS”, dehan Diretor Jeral Finansas Estado MF.

Lee hotu :   Ministru Manuel Vong legaliza jogus, PM Alkatiri: “Membru Governu labele lufu-lafu deit”

Diretor Jeral Finansas Estado haktuir konaba dividas tama iha Orsamento Jeral Estadu  2018, neebe ninia prosesu to ona iha Parlamento Nasional (PN) no ita espera iha semana ida nee PN bele halo apresiasaun no diskusaun.

” DOT  período ba Fulan Agusto tinan nee, halo reflesaun deit ba iha kusto mákina no operasional hodi asegura katak Admistrasaun Públika mákina Instituisaun  kontinua lao nafatin, entaun despezas neebe tama hanesan despezas normal husi kálkulu orsamento duodesimal nian, no devidas neebe mai husi tinan kotuk ida nee ita sei rezolve ho OJE 2018.

Konaba despezas ba konbustivel, neebe kada fulan ou kada período DOT tenke aloka, nee halo ona konsiderasaun iha DOT fulan Agusto nee, no hanesan desizaun Konsellu Ministru iha fulan kotuk, orienta ona Ministériu Finansas atu aselera prosesu preparasaun orsamento 2018, no iha tempu neeba halo extensaun ba aplikasaun orsamentu duodesimal nee to deit iha fulan Agusto.

” Espera PN bele halo aprovasaun, no depois hetan promulgasaun husi Prezidente Repúblika no públika, entaun besik iha fulan Setembru ba oin ita bele ezekuta ona orsamento proprio 2018 nian, maibe ida nee depende ba kompetensia Politíka iha PN atu halo apresiasaun no aprovasaun”, termina Januario da Gama. Fel

Add to Comments Here!!!!

error: Content is protected.
Secured By miniOrange
You might also like:
Ohin, PN halo audiénsia OJE ho Governu

Prezidente Parlamentu Nasional (PN), Arão Noe,...

IP tenke halo hodi halakon konfuzaun iha públiku ■Aktu VII Governu legal

Xefi Bankada CNRT, Duarte Nunes, hateten,...

Antoninho Bianco konsidera OJE tau ba “saku azul”

Deputadu bankada FRETILIN, Antoninho Bianco, konsidera...

Close