JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD husu kuadru AMP eduka MC-AMP ■Presiza lei hodi regula

PD husu kuadru AMP eduka MC-AMP ■Presiza lei hodi regula

Deputadu bankada PD, Adriano do Nascimento iha nia intervensaun ba plenária Segunda (13/08/2018), husu kuadru koligasaun Aliansa Mudansa ba Progresu (AMP) atu eduka nia membru ne’ebé utiliza no fornese informasaun ba públiku liu hosi Media Center (MC) AMP nian.

Tanba tuir deputadu ne’e, publikasaun informsaun iha pájina AMP nakonu ho insultu ba privasidade líderansa sira nian.

“Media center ne’e sempre hatun líder istóriku sira ne’e iha media,  ha’u hanoin partidu 3 iha Parlamentu ida ne’e bele eduka, tanba funsaun partidu ne’e la’os atu ba tur de’it iha kadeira, maibe atu eduka mós povu, para ita bele atinji susesu governasaun ida ne’e nian,”hateten deputadu Adriano do Nascimento.

Deputadu ne’e mós husu, atu utilizador media center, publika informasaun ne’ebé di’ak no valoriza líderansa órgaun soberanu sira, inklui veteranu sira, atu nune’e ema nasaun seluk mós bele respeita líderansa Timor nian.

“Media center AMP ne’e, se bele lalika hatun ita-nia Prezidente Repúblika ne’ebé símbolu Estadu nian, kuandu desizaun la a favor ba ita bo’ot sira (AMP_red), maibe kuandu desizaun a favor ona, ita hotu-hotu apresia ona, nasaun ida ne’e iha prosesu konsolidasaun Estadu, tanba ne’e, ita tenke hatur líder órgaun sira hotu, veteranu sira no líder istóriku sira, tanba se ita na’in mak hatun no la valoriza sira, ema nasaun seluk mós át liu,”dehan Adriano.

Deputadu PD ne’e mós apela ba Timor oan hotu ne’ebé utiliza media sosial, atu publika lianguajen ne’ebé eduka povu, nu’udar kultura di’ak ba jerasaun foun, iha prosesu konstrusaun Estadu.

Hatan ba preokupasaun ne’e, deputadu bankada CNRT, Patrocino Fernandes, hateten, mosu liafuan insultu iha media sosial, atu labele fó sala de’it ba Media Center AMP, tanba utilizador media sosial la’os ema AMP de’it.

Lee hotu :   PPN prontu rezigna-an hafoin rezolve OR ''Proposta destituisaun ilegal''

“Media center CNRT ne’e órgaun ida husi nia institutu rasik, sira hanesan grupu ida ne’ebé mós iha direitu atu espresa sira-nia hanoin ba ita-nia rain, konkorda katak, dehan labele tolok ka insultu sira ne’e, maibe iha media sosial la’os existe de’it media center ka CNRT, maibe iha media bar-barak mós iha ne’eba,”hateten Patrocino.

Deputadu ne’e mós rekoñese, tempu agora mosu lianguajen oi-oin iha publikasaun media sosial, tanba ne’e, presiza duni tau regra ne’ebé rigorozu, atu nune’e utilizador media sosial sira labele hamosu linguajen ne’ebé hatun líderansa sira-nia dignidade.

“Hanoin presiza duni tratamentu ida lejítimu ba ita-nia media sira, atu labele trata, insultu ka hasai lianguajen ne’ebé hatun ita-nia dignidade líder sira nian,”dehan Deputadu Patrocino Fernandes.

Nune’e, nia parte mós apela ba públiku, atu labele hasai liafuan insutlu iha media sosial hodi atake líderansa istóriku sira.

Maske nune’e, tuir komunidade ne’ebé utiliza media sosial, Sergio da Silva, husu ba Estadu atu kria lei ida hodi regula utilizasaun media social ne’e iha publiku.

“Presiza lei ida hodi regula, selae ita biar koalia, maibe susar atu kontrola,”dehan Sergio.

To’o agora Esatdu seidauk halo lejislasaun ida propriu hodi regula ema ne’ebé mak utiliza media social hanesan Facebook, Twitter, Instagram ho seluk tan.

Ba preokupasaun bankada PD nian ne’e, seidauk hetan konfirmasaun husi MC-AMP.Say

 

Add to Comments Here!!!!

error: Content is protected.
Secured By miniOrange
You might also like:
FRETILIN konsidera veteranu RAEOA la eduka povu

Deputadu bankada FRETILIN, Fabião Oliveira, konsidera,...

OJE 2018 pasa ho karakter urjensia ■10 Setembru aprezenta ba PR

Atu responde la-lais konta jeral Estadu...

Konflitu iha Moris Foun C, Juventude estrada Leten no Kraik aplika tara bandu

Juventude Aldeia Moris Foun C, Suku...

Close