JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR SEI TERMINA LORON POSE BA KANDIDATU MEMBRU GOVERNU ■HORTA: LABELE FO ULTIMATU BA PR

PR SEI TERMINA LORON POSE BA KANDIDATU MEMBRU GOVERNU ■HORTA: LABELE FO ULTIMATU BA PR

Primeiru Ministru (PM), Taur Matan Ruak, kontinua diálogu ho Prezidenti Repúblika (PR), Francisco Guterres ‘Lú olo’ kona-ba lista kandidatu membru Governu nain 9 ne’ebé seidauk simu pose, enkuantu kona-ba kandidatu membru Governu nain 3 seluk ne’ebé hetan resposta husi Xefi  Estadu  atu simu  pose, seidauk termina loron ba pose ninian.

“Enkontru ho Prezidenti Republika ami informa kona-ba Orsamentu Jeral Estadu  no atividade sira ne’ebé Governu hala’o, no koalia mos kona’ba Ministru sira ne’ebé seidauk simu pose, no Prezidenti Repúblika sei aranza tempu para fo pose ba sira nain 3 tamba sira la iha problema,  kuandu marka ona loron ita bo’ot sira sei hatene,”dehan PM Taur, ba Jornalista sira, Kinta (09/08/2018), hafoin remata enkontru ho Prezidenti Repúblika iha Palasiu Prezidensial Nicolau Lobato Bairo Pite Dili.

Horta: Labele fo ultimatu ba PR

Iha fatin  hanesan no oras ne’ebé la hanesan   eis Prezidenti  Repúblika, José Ramos Horta, hatete, polítiku nain sira husi CNRT labele fo ultimatu ba Xefi Estadu, tamba bele aumenta tan konflitu, diak liu mak lider polítiku sira tur  hamutuk  koalia didiak ba malu hodi solusiona impase polítiku ne’e.

Horta afirma lia hirak ne’e bainhira husu kona-ba kuadru munisipal Partidu CNRT  inklui Rejiaun Administrativa Espesial Oe-cusse Ambeno ne’ebé fo ultimatu ba Prezidenti Repúblika atu solusiona lalais problema formasaun  Governu ne’ebé to’o agora seidauk kompletu.

“Dala ruma ita halo  ultimatu, no depois aumenta tan  konflitu  iha tensaun nia laran, maibe fo ultimatu karik ita laiha kapasidade atu rezolve problema polítiku ida, no depois la konsege implementa ultimatu ne’e, tamba laiha maioria atu halo prosesu ruma,”dehan Ramos Horta ba Jornalista sira hafoin remata  enkontru ho Prezidenti Republika Francisco Guterres ‘Lu-Olo’ iha Palasiu Prezidensial  Nicolau Lobato Bairo Pite,  Dili, Kinta (09/08/2018).

Lee hotu :   ONU rekoñese kapasidade Xanana Gusmão rezolve pos-konflitu

Horta lia tun tan katak, diak liu mak koalia didiak ba malu, tamba nia rona Prezidenti Repúblika prontu atu koalia ho ema hotu, tamba ne’e mak diak liu lalika ultimatu ba malu.

Premiadu nobel ba paz José Ramos Horta ne’ebé fo tiha ona apoiu ba partidu FRETILIN ne’e hatutan tan katak, lakohi fo opinaun ba lista kandidatu membru Governu nain 9 ne’ebé seidauk simu pose, tamba ne’e poder iha Prezidenti Repúblika  ho Governu.

“Ha’u  fiar bele hetan solusaun, tamba primeiru respeita letra espiritu ita-nia konstituisaun, Prezidenti nia konviksaun  rasik nu’udar Prezidenti, no respeita mos Governu nia responsabilidade atu  kompleta Governu ne’e, maibe Governu mos tenki haree elementu ne’ebé tuir kompetensia ezemplu Jornalista ne’ebé hakarak ba servisu iha mídia ha’u la fiar kompañia mídia sira atu simu kedan, maibe presiza liu husu selesaun mak foin jornalista ida bele servisu iha mídia refere,”hatutan Ramos Horta.

Horta afirma, nia lakohi komenta kualidade membru Governu nian, maibe Prezidenti no Primeiru Ministru  mos iha preokupasaun  kona-ba kestaun ida ne’e.

“La’os deit xefi partidu sira mak ida idak kuandu hili ema ba Governu tenki hare didiak, tamba Governu servi povu ho matenek no esperensia. Portanto diálogu mak sira tenki halo, no ha’u fiar iha tempu badak bele iha solusaun, tamba ha’u haree Priemiru  Ministru nia esforsu duni,  simpatia barak ba Primeiru Ministru, ami seidauk koalia to’o, mas ha’u haree estres ne’e normal, no nafatin esforsa-an para rezolve situasaun ida ne’e,”dehan Ramos Horta.Oly

Add to Comments Here!!!!

error: Content is protected.
Secured By miniOrange
You might also like:
CONTL PREOKUPA ORSAMENTU BA ASIAN GAMES 2018

Sekretáriu Jeral Comitê Olimpico Nacional Timor-Leste...

PR PROMETE APOIA CECRD NO CETL

Prezidente Repúblika (PR), Francisco Guterres ‘Lu-Olo’,...

RI SEI HADIA MEKANISMU ATENDIMENTU IHA FRONTEIRA MOTA-AIN

Republika Indonesia komprometidu sei hadia mekanismu...

Close