JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fidelis rejeita PM halo konspirasaun ho PR

Fidelis rejeita PM halo konspirasaun ho PR

Ministru Reforma Lejislativa no Asuntu Parlamentar (MRLAP), Fidelis Magalhães, rejeita, espekulasaun ne’ebé dehan, Primeiru Ministru (PM), Taur Matan Ruak, ho Prezidente Repúblika (PR), Francisco Guterres ‘Lú Olo’, halo konspirasaun hodi la fó pose ba lista kandidatu membru Governu nain sia (9).

Lista membru Governu nain sia (9) ne’ebé seidauk simu pose kompostu husi, Francisco Kalbuady Lay, Jacinto Rigoberto, Sergio Lobo, Virgílio Smith, Antonio Verdial, Helder Lopes, Alfredo Pires, no José Turquel.

“Informasaun dehan PM ho PR halo konspirasaun ne’e, ha’u hanoin kreatividade ida la kriativu, ne’e koko atu halo imajinasaun no propoganda, mas ida ne’e mós falta kriatividade, tanba iha nasaun ne’ebé de’it, PM nia interese prinsipal maka atu iha kompozisaun kompleta husi Governu ida, laiha PM ida hakarak ninia Governu la kompletu,” MRLAP ba jornalista sira iha uma fukun Parlamentu Nasional (PN), Segunda (24-09-2018).

Nia esplika, loos duni ne’e asuntu ida ne’e interese PM nian, maibé PM rasik tau fiar ba ema hirak ne’ebé propoin ona ba PR atu hetan pose, maibé desizaun maka seidauk iha to’o agora.

“PM nia pozisaun nafatin no la muda, katak kandidatu ne’ebé maka iha, sei sai kandidatu nafatin. Tanba ne’e husi parte PM nia sei kontinua nafatin, husi parte PR iha sei iha diskusaun balun, maibé ha’u labele koalia kona-bá data no bainhira, maibé ha’u só dehan de’it  katak, VIII Governu no PM nia pozisaun nafatin, katak sei mantein nafatin kandidatu nain 9 ne’e,” haktuir Fidelis Magalhães.

Nia akresenta, Governu nia pozisaun maka ne’e, laiha argumentu no fundamentu, tantu legal no polítiku atu halo rejeisaun ba kandidatu nain 9, ne’ebé maka PM propoin ba PR atu fó pose.

Lee hotu :   Demokrasia TL, ezemplu ba mundu

“Buat ne’ebé maka ha’u hatene, liu husi PM rasik katak, sei mantein lista no Governu sei halo esforsu atu avansa nafatin ho kandidatu ne’ebé maka PM rasik hili, atu integra ba iha Governu. Por em quanto Governu kontinua la’o, maske iha dezafiu, espera katak bele iha solusaun iha tempu badak,” relata MRLAP ne’e.

Entre sira nain hira ne’e PR Lú Olo nomeia ona Alfredo Pires, nu’udar Ministru Petroleu no Minerais, Samuel Marçal, nu’udar Ministru Planeamentu Investimentu Estratéjiku, Rogerio Mendonça, nu’udar Sekretáriu Estadu Peska, maibé sira nain tolu (3), desidi lakohi simu pose, ho razaun fó solidariedade ba sira-nia maluk seluk ne’ebé maka seidauk hetan nomeasaun husi PR Lú Olo, atu simu pose.ves

Add to Comments Here!!!!

error: Content is protected.
Secured By miniOrange
You might also like:
Loro Horta:Presiza diversifika kooperasaun ho Cuba

Embaixador Timor-Leste ba Cuba, Loro Horta,...

MJ Manuel louva servisu SNC ■ Jorge Serrano:Prosesu sukat rai termina iha 2020

Ministru Justisa (MJ), Manuel Cárceres, louva...

FRETILIN abandona tan plenária, PN adia ajenda eleisaun ba komisáriu KAK

Parlamentu Nasionál (PN) V lejislatura, kontinua...

Close