JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Iregularidade iha ZEESM tenki prosesa tuir lei ■Gilman: Sidadaun hotu tenki hakruk ba justisa

Iregularidade iha ZEESM tenki prosesa tuir lei  ■Gilman: Sidadaun hotu tenki hakruk ba justisa

Xefi bankada Partidu Unidade Dezenvolvimentu Demokrátiku (PUDD), Antonio de Sá Benevides, hatete, rezultadu ikus husi auditoria ba projetu Zona Espesial Ekonomia Sosial Merkadu (ZEESM), indika mosu iregularidade ne’ebé todan, tenki prosesa tuir lei ne’ebé vigora, tanba ema hotu iha lei nia okos.

“Kuandu hetan ona iregularidade ida hanesan ne’e no kuandu ida ne’e liga liu ba iregularidade bo’ot ka krimi tenki prosesu ba MP, tanba ema hotu-hotu iha lei nia okos, nune’e sé-sé de’it maka komete iregularidade ka buat hotu la la’o tuir tender no lei aprovizionamentu nian, ema ne’e tenki ba hatan. Em prinsipiu PUDD nia polítika maka ne’e, zero toleransia ba korupsaun, sé no caso iha tendensia ba ida ne’ebá, tenki prosesu tuir lei ne’ebé vigora iha ita-nia rai”,Xefi bankada PUDD ba Grupo Média Nacional (GMN), iha ninia knaar fatin bankada PUDD, iha Parlamentu Nasional (PN), Kuarta (26-09-2018).

Nia akresenta, Tribunal de Costas (TC) nia rezultadu auditoria ne’e, seidauk totalmente final, tanba sei hein resposta husi autoridade RAEOA-ZEESM, liu-liu Mari Alkatiri, hanesan Prezidente, tenki fó ninia resposta ba rezultadu auditoria ne’e, maka foin bele halo justifikasaun final.

“Espera katak, depois de hetan resposta husi Mari Alkatiri, TC bele tetu no haree hamutuk no tenki em caminha ninia prosesu, sé no caso resposta balun la satisfas, tenki prosesu ba MP, para la’o tuir ninia dalan, maibé ita mós tenki hatene katak ZEESM ne’e harii husi tinan hira”,haktuir Antonio Benevides.

Nia esplika, tenki konsiente mós katak, dalaruma tanba hakarak duni dezenvolvimentu no prosesu tomak ne’ebé presiza la’o tuir, entaun hakarak tenki la-lais, maka mosu iregularidade sira hanesan ne’e karik.

Lee hotu :   UDT PRONTU HO BANGKADA KETAK IHA PN

“Bazeia de’it ba relatoriu auditoria, kuandu ita lee, iha ne’ebá defini klaru katak, mosu iregularidade barak, tanba ne’e maka ha’u hateten presiza hetan mós justifikasaun no resposta husi autoridade, kona-bá rezultadu ida ne’e, depois maka ita bele halo julgamentu”,tenik Xefi bankada PUDD ne’e.

Tuir Xefi bankada União Democrática Timorense (UDT) no Frente Mudança (FM), Gilman Exposto, hateten, sidadaun hotu tenki hakruk ba justisa, atu nune’e buat ne’ebé maka la tuir regra tenki hakotu kedas, para ema hotu-hotu bele kumpri regra ne’ebé maka iha.

“Ema hotu tenki kumpri ba justisa, sé la’e ita-nia nasaun ne’e, orasida, ida halo, ida seluk mai taka tiha, prontu kontinua nafatin, ida seluk mai halo fali, depois ida mai taka fali, buat sira ne’ebé la tuir regra tenki hakotu, para ema hotu-hotu bele tuir regras”,realsa Gilman Exposto.

Xefi bankada UDT no FM ne’e afirma katak, sé de’it maka sai lider, membru Governu, Diretor no funsionáriu ne’ebé maka fó desizaun, tenki tuir regra ne’ebé maka iha ona, pozisaun firmeza, hodi halo tuir regra ne’ebé iha, para evita buat hotu-hotu ne’ebé la di’ak.

Entretantu tuir relatóriu auditoria TC ba projetu ZEESM, ba tinan 2014 to’o tinan 2015, hatudu Estadu hetan prejuizu osan hamutuk US$30 millaun.ves

Add to Comments Here!!!!

error: Content is protected.
Secured By miniOrange
You might also like:
MaJen Lere: Falur mak ba Vise Xefi Estadu Maior F-FDTL ■Outubru simu pose

Xefi Estadu Maior FALINTIL-Forsa Defeza Timor...

Hak deskobre obstáklu ba programa merenda eskolar

Asosiasaun Hak durante fulan lima halao...

Kazu Taibesi, Tribunal deside prizaun tinan 13 ba arguidu RCA

Tribunal Distrital Díli (TDD) liu husi...

Close