JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Debate konta jeral Estadu 2016, FRETILIN husu Governu halo mudansa ba mentalidade

Debate konta jeral Estadu 2016, FRETILIN husu Governu halo mudansa ba mentalidade

Debate orsamentu konta jeral Estadu 2016 ne’ebé hala’o iha Parlamentu Nasional (PN), Kinta (04/10/2018), bankada FRETILIN sujere ba VIII Governu atu halo mudansa ba rekursu labele bazeia de’it ba kapasidade intelektual, maibe haree mos mentalidade ne’ebé bele servi povu ho di’ak.

“Governu iha tinan 10 nia laran dehan atu halo reforma ba sistema atu bele garante kualidade ezekusaun mak ida ne’ebé loos!, FRETILIN sempre fó hanoin katak, bele halo mudansa, maibe mudansa mós ba iha rekursu humanu, liu-liu mudansa mentalidade, katak ema labele sukat de’it ba ninia intelektualidade no skill, maibe haree mós ba servidor sira-nia mentalidade ne’ebé di’ak”,hateten deputada bankada FRETILIN, Maria Angélica Rangel iha deklarasaun ba Kinta-feira ne’e.

Deputada opozisaun ne’e relata, bankada FRETILIN detekta erru barak iha rezultadu Tribunal Contas ba Orsamentu Jeral Estadu (OJE) 2016 nian.

Tanba ne’e, reprezentante povu ne’e husu órgaun ezekutivu atu implementa orsamentu tuir regras hodi prevene mal gastus no korupsaun.

“Bankada FRETILIN mós detekta erru barak ne’ebé relatoriu Tribunal de Contas ne’ebé síta iha OJE 2016, iha relatoriu konta jeral 2016 ne’e mós síta konaba regras aprovizionamentus, katak implementasaun projeitu sira dala Barak lakumpri lei ne’ebé define ona, ida ne’e ita bele haré iha ezekusaun orsamentu tinan-tinan, katak jestaun ba ezekusaun mós sei fraku, tanba ezekusaun foin sa’e maka’as iha III no V ou fulan 4 molok tinan remata, no projeitu barak mak sai single source ou ajusta direita, governu lakumpri regras aprovizionamentu, bainhira lakumpri lei, sei afeita ba kualidade ezekusaun, tanba ita rasik kanta, dias de boas práticas tenke aplika ho rigor, atu nune’e bele iha dixiplina ezekusaun orsamentu, selae sei hamosu mal administrasaun no korupsaun”,dehan Maria Rangel.

Deputada ne’e esklarese, bankada FRETILIN sempre krítika servisu ezekutivu nian, nu’udar jestu atu kontribui hadía jestaun Estadu nian.

“Bankada FRETILIN rejista asuntu lubun ida hodi halo krítika ba governu, nu’udar jestu atu kontribui ho objetivu hadia Estadu nia jestaun, ita nia reseitas ne’ebé hodi hadía Estadu mak fundu petrolíferu, tanba iha 2016 ne’e rasik ita foti osan bo’ot, esede husi rendimentu sustentavel estimadu mak $1.129 tuir lei fundu petrolíferu artigu 9 katak, governu foti liu rendimentu sustentavel, bainhira iha justifikasaun mai Parlamentu ho planu investimentu ida ne’ebé iha retornu. Orsamentu inisial OJE 2016 ho montante $1.562.2 dollar Amerikanu, sae ba $1.952.9 dollar Amerikanu, haré ba dieferensia orsamentu ne’ebé hatudu mai ita iha tempu ne’eba, maske governu minoria, maibe tanba haré ba kestaun Estadu, FRETILIN firme hodi fó apoiu governu atu halo dezenvolvimentu ba nasaun no povu ida ne’e, maske ita haré governu rasik kbi’it la’ek, la hatudu kapasidade hodi halo ezekusaun tuir lei no prosedimentu administrativu, it abele haré momós iha relatoriu konta jeral Estadu 2016, ita husi kategoria ida ba kategoria seluk ne’ebé lei la fó dalan liu 20%”,tenik deputada komisaun C ne’e.

Lee hotu :   MEUJTIL konsidera ukun na’in lakon sentidu Estadu

Deputada bankada FRETILIN ne’e mós husu Governu, atu tau konsiderasaun ba rekomendasaun ne’ebé hato’o husi Tribunal, hodi bele hadía erru sira sai di’akliu ba interese povu no Estadu.

“Tinan-tinan Parlamentu tui lei, halo diskusaun ba konta jeral Estadu, tuir relatoriu Tribunal de Contas, iha relatoriu ne’e rasik hamosu rekomendasaun barak ba governu, maibe PN rasik hare governu lasimu ou la implementa rekomendasaun husi relatoriu ne’e rasik, ho hanoin katak bele hadía, tanba ne’e, bankada FRETILIN sujere ba governu atu implementa ou konsidera mós rekomendasaun balun ne’ebé iha relatoriu ne’e rasik, maske ita hatene katak, relatoriu seidauk atu julga membru governu ruma. Haré ba ezekusaun orsamentu ne’ebé la adekuadu iha planeamentu ho orsamentu, sei afeita ba orsamentu, to’o ikus mai halo transferensia, hatudu katak planeamentu no estimasaun orsamentu la sinkroniza ho nessesidade povu nian”,Maria Rangel afirma.

Deputada opozisaun ne’e sujere ba Governu atu labele politiza prosesu rekrutamentu ka promosaun ba kargu sira, hodi nune’e labele afeta ba prosesu implementasaun no ezekusaun orsamentu hanesan governasaun anterior nian.

“Iha sorin seluk, prátika hatudu katak, demokrasia ne’ebé bo’ot hanesan mákina Estadu, atu halo servisu no implementa programa dezenvolvimentu, ema balun politiza hotu ninia rekrutamentu, ka promosaun ba vagas ka kargu sira, ema ne’ebé mak partidu la hanesan marjinalizadu, no ida ne’e sei fó impaktu ba implementasaun programa dezenvolvimentu no ezekusaun orsamentu, ikus mai mak ita haree iha relatóriu konta jeral de Estadu, átliu mak rekomendasaun lubuk bo’ot ne’e governu nunka halo tuir”,hateten deputada Maria Rangel.

Hatán ba asuntu asuntu ne’e, ministra interina planu finansa, Sara Brites Lobo, hateten, konta jeral Estadu 2016 iha kapital fundu sira válidu tiha ona, hafoin tetu no sukat ajustamentu sira bazeia ba rekomendasaun husi Tribunal de Contas nian.

Lee hotu :   Deputadu sira promete sei laiha eleisaun antesipada

“Tuir kompetensia Tribunal de Contas atu halo fiskalizasaun judisional, relasiona ho konta jeral 2016, Tribunal haruka rekomendasaun 44, no hato’o pareser iha fulan Dezembru tinan 2017, ho konkluzaun no rekomendasaun ne’ebé akumula iha relatoriu nia laran katak, maske Tribunal iha rezerva balun, relasiona ho in-obrservansia balun iha prinsipiu orsamentu nian, no mós defisiensia iha konsolidasaun da Contas, falta informasaun da Contas, no inkonsistensia iha rejistu, maibe tetu no sukat ba ajustamentu ne’ebé la’o hela, no mós haré ba observasaun no rekomendasaun ne’ebé implementa tiha ona, Tribunal Rekursu hakotu katak, konta jeral Estadu ba fundu infraestrutura no fundu dezenvolvimentu kapital umanu ba tinan finanseiru 2016 válidu no halo tuir prinsipíu konstitusionais, legais no Tribunal Rekusus hanoin katak, iha ona kondisaun atu Parlamentu Nasionál bele aprova”,katak ministra interina.

Vise ministra planu finansa ne’e realsa tan, VIII Governu komprometidu atu hadía erru ne’ebé komete ona iha governasaun anterior, liu hosi hadia kualidade ezekusaun orsamentu bazeia ba programa Governu nian.

“VIII Governu konstitusional komprometidu atu kontinua iha responsabilidade no promove iha transparensia, iha utilizasaun rekursu públiku, ho loloos, liu hosi reforsa instituisaun no hadia prosedimentu no regra sira ne’ebé vigora iha ita-nia rain, no halo reforma ba instituisaun sira, no mós iha área jestaun finanseira, hodi fó prestasaun di’ak no efisiente liu ba ita nia povu sira. Kompromísu ida ne’e hatúr ona iha programa VIII Governu nian, ba tinan sira tuir mai ne’e, no estabelese ona liu hosi orgániku VIII Governu nian, hodi harii ministériu ida ba asuntu ministériu reforma lejislativa, inklui lejislasaun sira, durante ita nia independensia harí ona instituisaun oioin, ho ida-idak nia knár no responsabilidade rasik, atu halo eskrutinu no kontrolu ba despeza públika husi instituisaun Estadu, hanesan servisu inspesaun no auditoria iha kada ministeriu públiku, inspesaun jeral Estadu, Parlamentu no Câmara de Contas no seluk tan, iha forma ida ne’e, kontribuisaun Parlamentu ho Câmara de Contas liu hosi knár auditoria no fiskalizasaun bo’ot tebes iha formasaun transparensia iha konta públika no sistema kontrolu ida esensial tebes, hodi avalia sistema jestaun finansa públika, no kualidade ezersisiu povu nian, ne’ebé direta ka indiretamente servisu ida ne’e kontribui ba bem estar ita-nia povu nian”,hateten ministra Sara Lobo.

Lee hotu :   Politika Desentralizasaun sai programa importante FDD nian

Governante ne’e realsa tan, VIII Governu sei promove transparensia despezas, liu hosi meius hotu atu bele fó asesu ba sidadaun hotu akompaña direta prosesu implementasaun.

“VIII Governu sei kontinua hadía iha despezas públika, liuhosi implementasaun orsamentu jeral Estadu, bazeia ba programa, atu evita despeza sira des-nesesariu, fasilita liu tan fiskalizasaun no kontrolu Câmara de Contas no uma fukun PN nian, ba ezekusaun orsamental liu hosi instituisaun ida-idak. VIII Governu mós komprometidu atu promove transparensia despeza públika, liu hosi portal transparensia no mós meius seluk ne’ebé mak bele halekar informasaun ba públiku no sosiedade tomak atu bele akompaña dezenvolvimentu iha setór finanseiru nian, no governu sei kontinua promove auditoria sosial, hodi mobiliza partisipasaun sosiedade sivil iha asaun governu nian, hodi hasa’e prestasaun servisu ba ita-nia povu sira”,dehan Sara Lobo.

Antes ne’e, Primeiru Ministru, Taur Matan Ruak, deklara, durante nia governsaun, nia parte lakohi iha membru governu ruma ba prizaun bainhira mandatu remata.Say

 

Add to Comments Here!!!!

error: Content is protected.
Secured By miniOrange
You might also like:
Governu TL felisita Xanana-ConocoPhillips  PN hein Australia ratifika tratadu FM

Governu Timor Leste (TL), felisita Xefi...

KM aprova rezolusaun apoia resensiamentu eleitoral Guiné Bissau

Reuniaun Konsellu Ministru ne’ebé hala’o iha...

Alkatiri aprezenta relatóriu ZEESM ba Governu

Prezidenti Autoridade Zona Espesial Ekonomia Sosial...

Close