JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kansela PR Lú Olo partisipa Bali Democracy Forum ■Husu PR hakotu uluk impase polítiku

PN kansela PR Lú Olo partisipa Bali Democracy Forum ■Husu PR hakotu uluk impase polítiku

Deputadu Parlamentu Nasional (PN) sira, Tersa (23/10), dala ida tan kansela vizita Prezidente Repúblika (PR), Francisco Guterres ‘Lú Olo’, ne’ebé atu partisipa iha Bali Democracy Forum iha Indonesia loron 28 fulan Outubru to’o loron 1 fulan Novembru tinan ne’e.

Ajenda viajen Xefi Estadu atu partisipa iha Bali Democracy Forum ne’e, kanseladu ho votu a favor 19, kontra 31 no abtensaun 0.

Proposta PR Lú Olo nian atu partisipa iha Bali Democracy Forum, tanba hetan konviti husi Prezidente Repúblika Indonesia (RI), Joko Widodo.

“Ne’e la’os impede, tanba ida ne’e ita boot sira hatene dinamika polítika iha rai laran, asuntu balun que PR tenki mantein iha rai laran, oinsa bele rezolve tiha, tanba ida ne’e mós faz parte kompetensia PR nian atu kontinua haree asuntu membru Governu nain 9 pendente ne’ebé maka to’o agora seidauk toma pose”,deputada bankada Partido Libertação Popular (PLP), Maria Angelina Sarmento ba jornalista sira iha uma fukun PN, Tersa (23-10-2018).

Nia esplika, relasiona ho membru Governu ne’ebé seidauk kompletu ne’e fó efeitu ba ezekusaun OJE tinan 2018, tanba OJE 2018 aprova tiha ona, maibé membru Governu seidauk kompletu.

“PR nia razaun invoka hasoru membru Governu nain sia (9) ne’ebé sei pendenti , laiha fundamentu, to’o agora sira nain 9 seidauk hetan pose, ne’e signifika katak impase polítika iha rai laran sei kontinua la’o. Ho ida ne’e maka bankada Governu iha PN mantein la autoriza PR atu dezloka ba Indonesia, atu nune’e kontinua halo diálogu ho Primeiru Ministru, Taur Matan Ruak hodi solusiona impase polítika ne’ebé ita hasoru”,haktuir atual Primeira Vise Prezidente PN ne’e.

Lee hotu :   Timor-Leste compra 30% da participação da ConocoPhillips "Xanana: A minha responsabilidade é defender o povo timorense"

Tuir deputadu bankada FRETILIN, Antoninho Bianco, katak, desizaun AMP vota kontra PR Lú Olo nia viajen ba Indonesia ne’e, sentimentu odiu no vingansa.

“Ita nia sentimentu odiu ba FRETILIN no ba lider nasional ne’e foin ha’u senti agora, ha’u hanoin ema ne’ebé que odiu Xefi Estadu, iha rai ida ne’e foin akontese dala ida, iha mundu mós foin akontese iha Timor. Ha’u hanoin imi (AMP-red) kala fó lisaun diak ba mundu, imi fó lisaun diak mós ba povu sira, rai ne’e lulik duni, sé luta ne’e la’os imi de’it, sé ema sira FRETLIN no lider ístoriku nia luta, imi mós la hakat do’ok, tanba Timor la’os imi nian de’it, maibé Timor ne’e hola parte ema sira iha FRETILIN, PD, liu-liu PR Lú Olo”,informa Antoninho Bianco.

Husi sorin seluk, deputadu bankada PD, Adriano do Nascimento, hateten, AMP nia desizaun vota kontra PR nia viajen ba Indonesia, ne’e kria hela presedente la di’ak ba futuru no sei lori polítika komplikadu ba nasaun.

“Ita kansela PR nia viajen ne’e dala tolu (3) tui-tuir malu, ema númeru 1 iha nasaun ida ne’e ita kansela tui-tuir malu, maibé tanba saida maka lider órgaun soberanu seluk hanesan Prezidente PN, Arão Noe bele ba liur a vontade”,haktuir deputadu bankada PD ne’e.

Entretantu proposta viajen PR, Francisco Guterres ‘Lú Olo’ ba estranjeiru ne’e, kanseladu ba dala tolu ona, hanesan atu ba América, Portugal no Indonesia.ves

 

Add to Comments Here!!!!

error: Content is protected.
Secured By miniOrange
You might also like:
Portugal tarde trata narativa, Timor-oan eziji PN rezolve

Reprezentante Timor-oan hirak ne’ebé maka trata...

Prevene inan labele soe bebé, Espoza PR prefere sensu uma kain tinan ida dala ida

Atu prevene aktu inan soe bebé,...

2019, Governu rekruta tan F-FDTL 600

Governu liu husi Ministériu Defeza (MD),...

Close