JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN:Relatóriu FM kompetensia Governu nian

PPN:Relatóriu FM kompetensia Governu nian

Prezidente Parlamentu Nasionál (PPN), Arão Noe de Jesus da Costa Amaral, konfirma, kona-ba relatóriu servisu ekipa negosiasaun ba Fronteira Marítima (FM) nian kompetensia iha Governu, no PN hein de’it bainhira mak Governu hatama mai.

Tuir PPN Arão, Parlamentu Nasionál (PN) seidauk simu relatóriu kona-ba progresu atu dada kadoras Greater Sunrise (GS) mai Timor-Leste (TL). Maibe nia garante katak, loron ruma Governu sei haruka mai PN atu nune’e reprezentante povu sira hatene.

“Kompetensia Governu nian atu aprezenta iha tempu saida de’it, importante mak Timor-Leste iha ona posibilidade no konsege konvense ona kompañía ConocoPhillips. Ne’e desizaun governu nian, governu mak sei tau ba iha orsamentu hodi mai, ba ha’u asina kuandu sosa saham ConocoPhillips nian, ne’e parte pozitivu ida, tanba ConocoPhillips kompañia ida ne’ebé kontra atu dada mina mai Timor, maibe kuandu Timor ezije, entaun husu ita sosa nia saham (asaun) para ita hodi bele dada mai Timor, se sosa ona saham ne’e, katak komprometidu ona katak mina ne’e tenke mai Timor, tanba primeiru, mina ne’e Timor nian, no segundu iha investimentu ida ne’e Timor nia osan iha hotu saham ne’e, entaun desizaun atu dada ba ne’ebé Timor mós iha ona liafuan atu ko’alia atu dada ba iha ne’ebé”,konfirma PPN Noe.

Líder máximu órgaun lejislador ne’e mós kongratula ekipa negosiador FM ne’ebé lidera husi Maun bo’ot Kay Rala Xanana Gusmão ne’ebé konsege fó ona posibilidade ba Timor-Leste, liu hosi konvense kompañia ConocoPhillips.

“Ha’u lori Parlamentu nia naran fó parabens dala ida tan ba ekipa maun bo’ot Kay Rala Xanana Gusmão nian, hodi to’o akordu ida sosa saham ConocoPhillips nian, ne’ebé fó parte pozitivu para atu bele dada mina mai Timor. Sosa ho por volta millaun US$350, ida ne’e dalaruma públiku dúvida, ida ne’e parte ida husi diversifikasaun fundu, iha 2011 ita altera tiha lei fundu petrolíferu hodi autoriza governu halo investimentu iha fundu petrolíferu ne’e iha buat rua, husi investimentu ida ne’e ita komesa hetan ona to’o iha 2017 besik billiaun US$4, se momentu ne’e mak la diversifika fundu ne’e, oras ne’e ita-nia fundu ne’e tun tiha ona, maibe IV governu nia desizaun nato’on ne’e di’ak, hodi halo antesipa, ami altera lei, hosi ida ne’e ita agora la’os de’it hetan osan husi fundu mina rai de’it, maibe husi diversifikasaun ne’e mós nia sustenta ba ita-nia fundu ne’e rasik. Tanba ne’e parte ida husi millaun US$350 ne’ebé ita hasai ba sosa asaun ne’e, parte ona husi diversifikasaun fundus, para nune’e reseita ne’ebé hetan husi ne’eba, kuandu selu ba kompañia ne’e, ita Timor-Leste mós hetan tiha ona direitu ba 70% ne’ebé dada mai Timor ne’e sei hetan tan husi saham ne’e ninian, tanba ne’e mak ita husi parte ida ne’e pozitivu teb-tebes ba Timor-Leste nia futuru”,esklarese Arão Noe.

Lee hotu :   FRETILIN hakfodak ho dívida US$ 1.6 bilioens ■Metade OJE tinan 2 sei selu de’it tusan

Maske nune’e, deputadu bankada FRETILIN, Francisco Branco kontinua husu ba Governu atu bele fó asesu relatóriu progresu husi Greater Sunrise (GS) ba Parlamentu Nasionál (PN) nu’udar reprezentante povu.

“Ami mós hakarak hatene estudu sira ne’ebé halo ne’e ami tenke asesu, para ita bele hatene nia kustu sai hira? depois ita-nia rendimentu iha ne’eba ne’e hira? para Parlamentu mós bele iha liman para ami mós hatene, ami reprezentante povu bele hatene”,hateten Vise xefi bankada FRETILIN, Francisco Branco ba jornalista iha uma fukun PN, Kuarta (10/10/2018).

Polítiku ne’e afirma, bankada FRETILIN fó apoiu tomak ba prosesu atu dada kadoras greater sunrise mai Timor-Leste.

“FRETILIN prontu fó apoiu 100%, hakarak kadoras mai Timor-Leste, maibe ami mós iha direitu tenke hatene kustu no rendimentu ba ita-nia Estadu nian, ami sei husu estudu sira ne’ebé mak halo”,subliña Branco.

Deputadu opozisaun ne’e garante, relatóriu hirak ne’e sei hetan asesu, tanba uza osan povu nian.

Ba preokupsaun FRETILIN nian ne’e, Xefi negosiador prinsipal Fronteira Marítima (FM), Kay Rala Xanana Gusmão, informa, kona-ba partidu balun sei dúvida hodi eziji relatóriu servisu ninian iha negosiasaun ho kompañia joint venture sira, bele ba de’it Parlamentu Nasional, tanba tinan-tinan Gabinete Fronteira Marítima (GFM), sempre haruka relatóriu servisu ba PN.

“Se temi dehan uza osan Estadu, hau uza osan estadu atu manan tiha FM no seluk tan, la’os ba haú nia aan, imi fo fiar ba ha’u, ha’u ba, ha’u la presiza saláriu, kona-ba fronteira marítima, ami haruka ba, se de’it mak la fiar ba husu iha parlamentu, sira sei fo”,dehan Xanana Gusmão iha konferensia ba imprensa segunda (8/10/18), iha Bairo dos Grilos Díli, hafoin fila husi Bali, Indonézia hodi asina akordu sosa asaun kompañia ConocoPhillips 30% vale ba osan millaun US$350.

Lee hotu :   CNRT SEI DISKUTI REGRA GOVERNASAUN HO FRETILIN

Enkuantu, negosiasaun ba prosesu atu sosa asaun durante ne’e, hahú husi loron 28 to’o 29, no ikus mai konsege konvense kompañia ConocoPhillips hodi sosa asaun 30% iha kampu Greater Sunrise nian.Say

Add to Comments Here!!!!

error: Content is protected.
Secured By miniOrange
You might also like:
Komunidade rezita deklarasaun Xefi Suku Fatuhada

Komunidade Aldeia 03 No 05 suku...

CCITL hetan subvensaun Estadu rihun US$80

Prezidenti Câmara Comersio e Industria de...

TL risku ba rai nakdoko

Diretór Nasionál meteorologia no geografia, Terencio...

Close