JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Redus OJE privativu millaun US$17, Hodi tau prioridade ba deputadu foun

Redus OJE privativu millaun US$17, Hodi tau prioridade ba deputadu foun

Parlamentu Nasionál (PN) liu hosi diskusaun Orsamentu Jerál Estadu (OJE) privativu ba tinan 2019 nian Sesta (19/10/2018), diskute proposta alterasaun lubuk ida ne’ebé hato’o husi deputadu sira V lejislatura, atu bele halo redusaun tan ba orsamentu millaun US$17 ne’ebé prevé ona.   

Deputadu bankada PLP Parlamentu Nasionál (PN) Francisco Vasconcelos rekomenda ba meza, atu sosa kareta foun no viajen estranjeiru fó prioridade liu ba deputadu foun, nune’e bele halo mós poupansa iha orsamentu tinan 2019 nian.

“Ita tenta maibe la konsege, husi millaun US$20 konsege redus de’it millaun US$17, se millaun US$17 mós ha’u kompara fali ho orsamentu tinan lima tutuir malu ne’e diferensia oituan de’it, maibe ita hakarak redus hotu kedas, orsamentu husi viajen estranjeiru, fundu rezerva nian”,tenik Deputadu.

Deputadu PLP ne’e realsa, nia parte prefere atu sosa de’it kareta ba deputadu foun, nune’e bele halo poupansa ba OJE 2019 nian.

“Ami iha poprosta atu redus tan husi sosa kareta ne’ebé millaun US$2 liu ne’e redus ba millaun US$1 de’it, ne’e para kareta sira ne’ebé iha ona, ita uza ida ne’e, ida ne’ebé mak seidauk iha, ita hola de’it ida ne’e, depois periodikamente tinan oin mai mak ita hola fali, karik kareta tuan ne’ebé deputadu sira sa’e ne’e kondiasaun ladi’ak, tanba ita-nia hanoin ne’e ita hakarak halo poupansa iha item hotu-hotu, kategoria sira ne’ebé ita sente dehan fó peizu bo’ot iha ita-nia orsamentu”,katak Vasconcelhos.

Alende ne’e, deputada bankada CNRT, Carmelita Caetano Moniz, sujere mós, planu viajen iha tinan 2019 ne’e, fó oportunidade liu ba deputadu foun sira, no akompaña de’it deputadu ida ka rua.

Lee hotu :   FRETILIN tristi VIII Governu seidauk ezisti, Xanana Gusmão: Depois de tomada de posse AMP indizita PM

Hatan ba  asuntu ne’e, Prezidenti Parlamentu Nasionál  interina, Maria Angelina Sarmento, hateten, nia parte seidauk bele fó komentáriu kona-ba rezultadu loloos husi prosesu alterasaun ne’e, konsege redus husi millaun US$17 ka lae, tanba faze diskusaun seidauk remata.

“Agora dadaun seidauk bele fó komentáriu kona-ba total alterasaun ba total despeza bens servisu nian ne’e hira? Debate to’o final global mak ha’u sei informa fali, ha’u la lembra loloos verba hira mak prevé iha ne’ebá, tanba nia bens servisu ne’e iha nia sub-item, nia rúbrika ne’e barak, viajen estranjeiru, asistensia téknika, no servisu profisionais, lubuk ida mak iha ne’ebá, ha’u la lembra nia detallu”,hateten Maria Angelina Sarmento.

Prezidenti interina ne’e relata tan, proposta ne’ebé propoin husi deputadu sira V lejislatura, la’os atu redus totalmente, maibe espesífiku de’it ba fundu rezerva.

“Proposta ne’ebé tama, la’os redus totalmente, maibe propoin atu redus ne’e mak fundu rezerva ba viajen sira ne’ebé sei hala’o husi komisaun espesializada permanente, husi komisaun A to’o G, fundu rezerva ne’e, normalmente uza ba nessessidade inprevistu, hanesan karik to’o iha ne’eba (estranjeiru) deputadu ruma hasoru moras ka tenke aluga transporte, ka organiza almosu ruma, ne’e deputadu sira bele rekorre ba fundu rezerva”,informa deputada PLP ne’e.

Vise Prezidenti PN ne’e klarifika tan, husi proposta rua ne’ebé deputadu sira propoin atu altera fundu rezerva viajen estranjeiru, pasa mak US$10.000 ba kada viajen estranjeiru, ho votus a favor 42, kontra 1 no abstensaun 2.

“Husi fundu rezerva proposta ne’ebé deputadu sira hato’o mak iha proposta rua, ida númeru 4, atu tau rezerva $6.000 de’it, verba ne’e labele bo’ot, depois iha proposta ida tan, ne’ebé prefere fundu rezerva ne’e hanesan ba komisaun hotu-hotu, no ba rejiaun hotu-hotu $10.000 ba kada viajen, entaun haree ba nessesidade ho kondisaun iha país ida-idak ne’ebé lahanesan, hanesan ba ASEAN dalaruma bele, maibe ba iha Europa dalaruma difisil,  tanba kustu de vida karun demais, alende ajuda kustu de vida diária ka perdiam ne’ebé mak deputadu sira hetan, karik perdiam ne’e la sufisiente, deputadu sira bele rekorre fundu rezerva”,tenik Angelina Maria Sarmento.

Lee hotu :   VISE MF LAKOHI ESPLIKA KARAKTER ORSAMENTU DUODÉSIMU

Maria Angelina Sarmento akresenta tan, liuhosi diskusaun sira ne’e, iha posibilidade bele redus tan orsamentu privativu PN nian ho montante millaun US$17 ne’e, tanba iha proposta barak mak propoin husi deputadu sira atu halo alterasaun, inklui pedidu atu redus sosa kareta foun hodi responde uluk ba deputadu foun sira.

Iha fatin hanesan, deputadu bankada FRETILIN, Antonino Bianco mós prefere iha tinan 2019 ne’e, fó prioridade de’it ba deputadu foun, hodi hamenus gastus viajen nian.Say

 

Add to Comments Here!!!!

error: Content is protected.
Secured By miniOrange
You might also like:
Jeremiah Chan: Pelican Paradise seidauk iha akordu espesiál ho Governu

Diretor Ezekutivu Pelican Paradise, Jeremiah Chan,...

Lalenok United elimina husi Taça 12 de Novembru hafoin lakon ho AS Ponta Leste

Ekipa Promovido husi segunda Divizaun Liga...

MS selu ona dívida hospital internasional balun

Segundu Vise Ministru Saúde Asuntu Planu...

Close