JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tane dignidade KAK, FRETILIN-CNRT tenki diálogu ■Prefere figura majistradu

Tane dignidade KAK, FRETILIN-CNRT tenki diálogu ■Prefere figura majistradu

Deputadu bankada PD, Mariano Asanami Sabino rekomenda ba bankada parlamentar bo’ot rua FRETILIN ho CNRT iha Parlamentu Nasionál (PN) atu halo diálogu, nune’e bele iha konsensu atu labele prejudika naran kandidatu komisáriu Komisaun Anti Korupsaun (KAK) na’in rua ne’ebé pendente hela no adia ba dala hitu ona iha plenária, tanba la priense kuorum.

“Uluk komisáriu Adérito Tilman, maske komisaun ne’e todan, maibe nia konsege la’o ba oin, no aumenta tan naran kandidatu Sergio Hornai, ha’u hanoin ne’e laiha problema, tanba uluk mós sira rua mak kandidatu, no agora mós sira rua mak kompete, sira rua figura importante hotu ba iha ita-nia Tribunal. tanba ne’e, labele prejudika sira nia naran, sira rua bele hotu, ba PD sempre fó apoiu, tanba sira atu hala’o servisu ba Estadu, la’os atu servisu ba partidu ka ba grupu ruma, maibe nia atu halo kontrolu no servisu, liu-liu funsionamentu KAK ne’e bele la’o ho di’ak, no prevene para laiha korupsaun”,hateten deputadu PD, Mariano Asanami Sabino ba jornalista iha PN, Tersa (16/10/2018).

Tuir polítiku PD ne’e, ajenda komisáriu ne’ebé kontinua pendente, tanba falla iha komunikasaun entre bankada bo’ot rua (FRETILIN-CNRT) iha PN.

“Ha’u hanoin ne’e problema komunikasaun de’it, uluk Governu mak propoin ema ida nia naran, maibe depois la aseita fali husi bankada apoia governu nian, ne’e mak ladun loos, loloos ne’e tenke iha koordenasaun uluk, para mai ne’e, se ida de’it, ida de’it ona, ita labele prejudika sira naran iha públiku, se ita hanoin rua, governu bele projeta rua no hanoin tolu karik bele tau tolu kedan, tanba ita nia figura sira ne’ebé servisu iha Tribunal ne’e importante teb-tebes para garantia ita nia lei,”Asanami akresenta.

Lee hotu :   AMP la rejistu iha TR ''Arão Noe: Kumpri regras legal

Prezidente Partidu Demokrátiku (PD) ne’e relata tan, konaba kandidatu foun ne’ebé bankada FRETILIN prepara hela, seidauk koordena ho PD, maibe nia parte prefere  bankada parlamentar hotu atu iha koordenasaun ba malu, nune’e bele fó apoia ba kandidatu sira, atu nune’e bele tula responsabilidade no hala’o servisu ho di’ak.

“Komisáriu KAK ne’e ba interese Estadu nian, atu bele jere komisun ida ne’e la’o ba oin, kandidatu ne’ebé de’it mak naran iha, ba PD sempre prontu fó apoiu”,tenik deputadu Mariano Asanami Sabino.

Iha sorin seluk, Vise Xefi bankada FRETILIN, Francisco Miranda Branco, hateten, bankada FRETILIN lakohi iha konsensu ba de’it nomeiasaun komisáriu KAK de’it, maibe hakarak kontinua iha konsensu entre bankada parlamentar hotu, hodi fó apoia lei KAK ne’ebé dadaun ne’e diskute hela iha komisaun A Parlamentu Nasionál.

Deputadu FRETILIN ne’e mós sujere, bainhira konsensu iha bankada parlamentar, atu Parlamentu labele apoia órgaun ruma ne’ebé tenta atu interven servisu KAK nian.

“Ami hanoin tenke iha konsensu atu luta kontra korupsaun, katak la’os de’it nomeia tiha ona komisáriu KAK mak ne’e de’it ona lae, maibe ami mós sei haree instrumentu legal ne’ebé kleur tebes iha PN seidauk aprova hanesan lei KAK nian. Konsensu ne’e mais abranjente, katak tenke iha konsensu mós ba aprovasaun lei, konsensu ba polítika hasai imunidade ne’e, se ita konsensu de’it ba komisáriu KAK, maibe ita lakonsensu ba aprova lei no hasai imunidade ne’e hanesan de’it”,tenik deputadu FRETILIN ne’e.

Deputadu opozisaun ne’e argumenta, bankada FRETILIN, durante ne’e la priense kuorum, tanba FRETILIN prepara hela kandidatu ne’ebé tuir bankada FRETILIN merese duni atu asumi kargu komisáriu KAK nian, no bankada FRETILIN prefere figura ne’ebé haknár-an iha Prokuradoria Jeral  Repúblika (PGR_sigla iha portugés).

Lee hotu :   Governu aprezenta OJE 2019 iha inisiu Novembru

“Tenke majistradu, ami hanoin sira ne’ebé prokurador sira ne’e di’ak liu, tanba sira servisu ba investigasaun sira ne’e, sira espesializadu liu, prefere ida ne’e”,relata deputadu Branco.

Alende ne’e, vise xefi bankada CNRT, Patrocino Fernandes, esklarese, durante ne’e seidauk iha sorumutu ka diálogu ruma entre bankada rua FRETILIN ho CNRT, tanba ne’e seidauk iha progresu ba informasaun konaba ajenda eleisaun ba komisáriu KAK nian.

“Bankada CNRT kontinua lamenta ho situasaun ne’e, tanba KAK ne’e instituisaun ida ne’ebé importante, bainhira ita ko’alia konaba Estadu direitu demokrátiku, bainhira atu garante hakarak kombate korupasaun, boa governasaun, tanba ne’e KAK importante. Prosesu sira ne’ebé durante ne’e la’o ne’e, lases husi koridor lei nian, iha hela koridor ne’e nia laran, hau hanoin konaba konsensus, laiha konflitu ida entre bankada governu ho governu iha ne’e, maibe regras no alternativa atu hili ne’e mak hanesan ne’e”,hateten deputadu Patrocino.

Vise xefi bankada CNRT ne’e argumenta tan, ajenda KAK ne’ebé durante ne’e Parlamentu pendente kuaze dala hitu ona seidauk konsege, tanba bankada FRETILIN abandona plenária hodi lapriense kuorum tuir rejimentu Parlamentu nian haruka.

“Ita presiza 48 deputadu para bele priense kuorum, atu halo eleisaun ba komisáriu KAK ne’e, entaun deputadu sira apoiu governu nian ne’e 36 de’it, tanba ne’e mak ajenda tau hela to’o dala 6 ka 7 mós lakonsege halo eleisaun ne’e, tanba lei ejize 48 deputadus, entaun lei ne’e presiza duni bankada hotu-hotu nia vontade di’ak, se sira mós hanoin duni katak ne’e importante, entaun tenke haree ida ne’e”,afirma Patrocino.

Antes ne’e, Prezidente Parlamentu Nasionál, Arão Noe de Jesus Amaral, kompromete, iha tempu badak sei organiza bankada Parlamentar sira ba V lejislatura, atu halo diálogu, hodi hetan konsensu ba kandidatu komisáriu KAK nian.

Lee hotu :   Programa sumba iha PN, Governu la merese ona lori ba konsulta ho povu

Enkuantu, VIII Governu liu hosi konsellu ministru aprova ona kandidatu komisáriu KAK ba tinan 2018-2022 hanesan, Adérito Tilman ho Sergio Hornai hodi aprezenta ba Parlamentu Nasionál atu bele halo aprovasaun tuir kompetensia ne’ebé lei fó.

Maibe ajenda eleisaun ba komisáriu refere inklina iha plenária kuaze dala 7 ona, maibe nafatin lakonsege realiza eleisaun, tanba laiha konsensu entre bankada apoia governamental no opozisaun FRETILIN, nune’e sempre abandona plenária hodi la priense kuorum.Say

 

Add to Comments Here!!!!

error: Content is protected.
Secured By miniOrange
You might also like:
PNTL sei tau postu PNTL iha Bugira-Laga

Komandante Jeral Polísia Nasionál Timor-Leste (PNTL),...

PR simu kredensial husi embaixadora Malaysia

Prezidente Repúblika (PR), Francisco  Guterres ‘Lu...

TL-Australia superviziona kooperasaun bilateral

Governu Timor-Leste liu husi Ministériu Negosiu...

Close