JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Orsamentu sosa asaun Shell seidauk prevé iha OJE 2019

Orsamentu sosa asaun Shell seidauk prevé iha OJE 2019

Oitavu Governu Konstitusional, seidauk prevê osan ba sosa asaun Kompañia Shell nian iha Orsamentu Jerál Estadu (OJE) 2019, tanba OJE 2019 hatama ona ba Parlamentu Nasional maka representante Timor Leste, Xanana Gusmão foin asina akordu sosa asaun nee.

Primeiru Ministru, Taur Matan Ruak, hato’o lia hirak hodi responde ba preokupasaun publiku nian konaba fontes orsamentu atu sosa asaun kompañia Shell.

“Orsamentu tama tiha ona ne’ebe sei iha parlamentu sei haree mais dadaun iha orsamentu ita haruka ba ne’e inklui mak Conocophilips nian Shell nian seidauk, ne’ebe orsamentu tama tiha ona Shell nian foin akontese kuandu diskusaun iha ne’e mak foin haree”, hatete Xefe Governu, Taur Matan Ruak ba Jornalista sira hafoin enkontru seminal ho Prezidente Republika.

Maske nune’e, Xefe Governu  klarifika, sei la prejudika ba prosesu sosa asaun Shell,  tanba negosiasaun to’o ona iha konkordánsia entre Estadu Timor Leste ho Kompañia Shell, no importante liu mak implementasaun ba kompromisu sira husi akordu ne’e.

Estadu Timor Leste liu husi Negosiadór Prinsipál ba Fronteira Marítima Kay Rala Xanana Gusmão, asina ona akordu sosa asaun husi Kompañia Shell Australia 26.56%, ho orsamentu dolar amerikanu millaun 300.

Entertantu, akordu Estadu Timor Leste ho Kompañia Shell husi Australia realiza iha Bali-Indonesia, ne’ebé Timor Leste reprezenta husi Xefi Negosiadór Kay Rala Xanana Gusmao no Prezidenti Ezekutiva Kompañia Shell  Zoe Yujnovich.

Enkuantu, antes ne’e akordu ne’ebé hanesan mós Estadu Timor Leste hala’o ho Kompañia Conocophilips, iha loron (28/09/2018), ne’ebé Timor Leste desidi sosa asaun Kompañia Conocophilips ho porsentu 30%.

Akordu sosa asaun husi kompañia rua ne’e, atu fó biban ba Timor Leste nia partisipasaun iha kampo Greater Sunrise hodi dada kadoras mai Timor Leste. Eus

Lee hotu :   Alterasaun lei RAEOA promulgadu, PM Taur: Seidauk fihir figura foun lidera Oé-Cusse

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV KALAN, Loron-28 Fulan-Novembru Tinan-2018

JORNAL NACIONAL GMNTV MEIU DIA, Loron-28 Fulan-Novembru Tinan-2018

JORNAL NACIONAL GMNTV KALAN, Loron-27 Fulan-Novembru Tinan-2018

Close