JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN preokupa tiketi aviaun folin karun ■Governu labele interven

FRETILIN preokupa tiketi aviaun folin karun ■Governu labele interven

Bankada FRETILIN iha Parlamentu Nasionál (PN), preokupa ho kondisaun aviaun Sriwijaya Air ne’ebé la favoravél nomos folin tiketi aviaun ne’ebé iha fulan hirak ne’e karun maka’as hodi sa’e kedas ba 100%.

Aviaun Sriwijaya Air iha iha loron 15, fulan Dezembru ne’e halo pasajeiru sira tauk no senti la seguru, tamba derepenti mosu ahi suar iha aviaun laran kuandu atu semo dadaun ona ba Bali-Indonézia.

Deputada FRETILIN, Cidalia Mesquita, hatete, ho akontesimentu ne’e halo pasajeiru barak trauma atu sa’e fali aviaun refere, nune’e nia husu ba Governu liu liu Ministeriu Transporte no Komunikasaun  atu hare didiak nune’e labele fo risku ba pasageirus sira nia vida.

“Agora oinsa politika Governu nian hodi halakon pasageirus sira nia trauma ne’e, Governu presiza halo kordenasaun ho kompañia Sri Wijaya‘’,deklara Cidalia  iha PN durante sesaun diskusaun OJE 2019, Kinta (20/12/18).

Iha fatin hanesan deputado Aniceto Guterres, hateten, folin tikete Díli Bali Indonezía sa’e dobru 100% no nia konsidera folin tiketi ne’e kompañia nain sira  monopoli total presu bileti, tanba sira mesak mak hasae  presu tuir sira nia hakarak la iha mak regula.

Tamba ne’e prezidente bankada FRETILIN ne’e husu ba Ministério Transporte no Komunikasaun (MTK) atu halo intervensaun nune’e folin tiketi labele sa’e maka’as liu liu iha loron bo’ot natal ho tinan foun.

“Ita rona informasaun ne’e aviaun  Citilink, Sriwijaya no  Nam Air sira ne’e pratikamente monopoliu presu tiketi enkuantu husi Timor rasik, ha’u hatene kompañia Timor oan balun mos envolve, maibé lulun biti hotu ona”, koalia Aniceto.

Hatan ba kestaun ne’e Ministru Transporte no komunikasaun José Agustinho da Silva klarifika, Governu labele intervein kona ba presu tiketi tamba Timor-Leste adopta merkadu livre, maibé importante mak nia atendimentu diak.

Lee hotu :   EMBAIXADA NOVA ZELANDIA SEI KAPASITA MEMBRU PN

“Ita iha operador air line barak ne’ebé halo kompetisaun ho presu tiketi ne’e, la haree los ba operador ida hodi responde públiku preokupasaun kona ba presu tiketi’’, esplika José.

Entretantu kona ba kondisaun aviaun Sriwijaya, antes  ne’e Autoridade Aviação Civíl de Timor Leste-AACTL  desidi suspende aviaun Sriwijaya nia operasaun durante loron Natal no tinan foun  atu labele prejudika pasajeiru sira nia vida

Desizaun suspensaun ne’e AACTL foti liu husi karta ofisiál ba kompañia aviaun Sriwijaya air, hodi nune’e kompañia bele halo manutensaun ba aviaun refere molok hala’o fali operasaun.Ety

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV KALAN, Loron-19 Fulan-Dezembru Tinan-2018

City Fetures GMNTV Edisaun 21

SEJD promete apoiu sentru produsaun Ai-Kulat Fatukeru Railaco

Sekretáriu Estadu Juventude no Desportu (SEJD)...

Close