JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN Arão: Iha alternativu rua sosa asaun Shell

PPN Arão: Iha alternativu rua sosa asaun Shell

Prezidente Parlamentu Nasional (PN), Arão Noe, deklara, planu Estadu Timor-Leste, liu husi esforsu ekipa Xefi Negosiadór Prinsipál Fronteira Marítima (FM), asina ona akordu atu sosa asaun husi kompañia  internasional petrolífera Shell ne’e, iha alternativu rua (2) maka sei koloka.

Alternativu rua (2) ne’e maka hanesan, deputadu sei halo proposta hodi aumenta ba Orsamentu Jeral Estadu (OJE) 2019 no alternativu seluk liu husi lei atividade petrolífera ne’ebé submete ona ba Prezidente Repúblika (PR), Francisco Guterres ‘Lú Olo’, karik hetan promulgasaun.

“Agora solusaun maka rua (2) ne’e, sé PR promulga lei alterasaun ba atividade petrolífera maka osan atu sosa asaun rua (2) ne’e inklina hotu, la presiza hatama ba iha OJE 2019”, Xefi Órgaun Lejislativu PN ne’e ba jornalista sira hafoin partisipa seminariu nasional kona-bá asuntu Fronteira Marítima, ne’ebé aprezenta husi Xefi Negosiador Prinsipal FM, Kay Rala Xanana Gusmão, iha Centro Convenções de Díli (CCD), Sabadu (08-12-2018).

Nia esplika, prosesu atu sosa asaun husi kompañia  petrolífera internasional, husi nasaun Australia Shell ne’e bele dinámiku, hanesan la liu husi lei atividade petrolífera ne’ebé dau-daun ne’e submete ona ba PR Lú Olo, sé la’e, iha debate espesialidade, deputadu sira aprezenta proposta bele inklui iha OJE 2019, maibé depende aprovasaun iha PN.

“Kuandu nia tama iha OJE 2019, tenki halo proposta, para deputadu sira deskuti iha espesialidade no halo votasaun, sé liu inklui, sé la liu, labele inklui. Sé PR promulga inklui dolares millaun USD350 ne’ebé mensiona ona iha OJE 2019, bele elimina tiha, mais sé la promulga, tenki preve iha OJE 2019 para lori sosa, saham rua (2) ne’ebé que importante teb-tebes ba Timor-Leste”, haktuir Arão Noe.

Lee hotu :   PD SEI RESPONDE KARTA FRETILIN semana ne’e

Nia akresenta, nune’e kona-bá atu sosa asaun dolares millaun USD300 husi kompañia  Shell, ne’e kave ba bankada ida-idak ninian inisiativa ba kestaun hirak ne’e, sé importante halo proposta para bele inklui iha OJE 2019, maibé ne’e depende ba inisiativa deputadu no bankada sira nian.

Husi sorin seluk, deputada bankada CNRT, Fernanda Lay, hateten, sé PR Lú Olo veta lei atividade petrolífera, bankada sira sei iha posibilidade atu halo proposta hodi hatama ba iha OJE 2019, hodi aumenta tan millaun USD300, atu sosa asaun husi kompañia  Shell ninian.

“Ha’u hanoin ba ConocoPhillips nian millaun USD350, klaru katak Shell nian mai ikus, maibé ami sei bele halo proposta hodi propoin tau, sé PR veta lei aktivivade petrolífera ne’ebé halo tiha ona alterasaun, sé tau iha OJE 2019 no ho aprovasaun petrolífera ne’e liu, ami bele retira ami hasa’i tiha millaun USD350, mais dolares millaun USD300 ne’ebé iha hanoin atu propoin hodi tau tan, para hodi sosa, tanba ita haree benefisiu mai Timor ne’e klaru teb-tebes”, informa Fernanda Lay.

Entretantu seminariu nasionál ne’ebé halo husi ekipa Gabineti FM, partisipa husi lideransa nasional, veteranus, membru VIII Governu, membru PN, korpu diplomátiku, Lideransa PNTL no F-FDTL, sosiedade sivil, estudante no entidade sira seluk tan. ves

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL GMNTV Edisaun 50

HABURAS VIDA ESPIRITUAL GMNTV Edisaun 49

HABURAS VIDA ESPIRITUAL GMNTV Edisaun 48

Close