JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semináriu nasionál FM hanesan lisaun ba povu TL ■ Horta fo parabens ba Xanana

Semináriu nasionál FM hanesan lisaun ba povu TL ■ Horta fo parabens ba Xanana

Veteranu no akadémiku sira konsidera semináriu nasionál kona ba asuntu relasionadu ba Fronteira Marítima (FM) no nia impaktu ba atividade petrolífera,  hanesan lisaun ida ba povu Timor-Leste (TL), atu aborda no hatene  klean liu kona ba prosesu fronteira marítima no petrolífera.

Veteranu no akadémika sira mós espera katak,  polítika ida ne’e,  sei bele fó benefisiu bo’ot ba povu  TL.

“Pontu de vista akadémiku ba semináriu ne’e, hanesan aula bo’ot ida ba mai akadémiku hotu atu aprende diak no klean liu tan, saida mak akontese kona ba ita nia tasi Timor no mós fronteira marítima, hanesan aula bo’ot ida ne’ebé aumenta tan ita nia matenek. Ho ida ne’e ita bele halo peskiza ida klean kona ba prosesu dezenvolvimentu tasi Timor no fronteira marítima ne’ebé dadaun ne’e la’o hela”, hateten Reitor UNTL,  Francisco Miguel Martins, iha Centro Convenções de Díli (CCD),  Sabadu (08/12/2018).

Francisco haktuir, informasaun hanesan ne’e importante ba akadémiku sira  atu desamina iha  rai Timor,  no desamina ba Timor oan, atu nune’e bele iha kontervensaun, hanoin la hanesan, balun politiza malu. Ho informasaun ne’ebé adekuada no lolos hanesan ne’e, populasaun sira bele hatene oinsa informasaun ida ne’ebé lolos kona ba dezenvolvimentu  tasi Timor no fronteira marítima.

“Hanesan akadémiku ho esperansa bo’ot ba aprezentasaun ne’ebé hato’o husi maun Xanana, ba futuru  bele fó benefísiu ba povu Timor oan tomak,  tanba ne’e agora dadaun ita nia nai ulun sira hala’o hela polítika no  dezenvolvimentu ida ne’e ba povu Timor nia di’ak  iha future. Espera liu tan ba liu Universidade Nasionál Timor Lorosa’e, sei loke majestradu direitu do tasi no seguransa marítima, iha ne’ebé iha segundu trismestre mai  ita bele hahu ona,  hodi aumenta tan matenek, koñesimentu no kapasitaun ba Timor oan sira, iha direitu ba tasi no seguransa marítima” relata Francisco.

Entretantu veteranu Cornelio Gama ‘L-7’ mós hateten, saida mak Xefi Negosiador Prinsipal Fronteira Maritima, Kay Rala Xanana Gusmaão halo ne’e,  hanesan  veteranu ida ne’ebé luta ba independensia TL nian.

Lee hotu :   PD apoiu PR halo viajen ba rai liur ■ Abel Pires: Antes vizita, PR tenki promulga OJE 2018

L-7 mós konsidera, luta ne’ebé mak Kay Rala Xanana Gusmão halo ne’e, atu halo buat ne’ebé di’ak hodi entrega ba jerasaun foun sira.

“Tamba ne’e, ha’u husu ba juventude sira, tenki estuda maka’as para atu kaer riku soin ne’ebé lideransa no lutador nasaun ne’e nian prepara ona, no labele halo krimi, tanba Xanana  hatete katak, saida mak nia halo di’ak ba povu no nasaun Timor Leste”, katak  L-7.

Iha benefisiu ba povu

Prezidenti Autoridade Nasional Petroleu Minerais (ANPM), Gualdino da Silva, hateten,  tratadu Fronteira Marítima (FM) sei fó  vantajen diak ba Timor-Leste (TL), tanba dadauk ne’e mós iha ona progresu di’ak entre Timor-Leste ho Indonézia kona ba   fronteira terestre no marítima.

Gualdino hateten, maske tratadu FM ne’e  iha Estadu garante nia rezultadu pozitivu ba povu Timor-Leste, tanba Governu halo ona redusaun ba impostu nian ho pursentu 23.

“Iha aprezentasaun ida ne’e,  ha’u  atu partilla ba ita bo’ot sira kona ba impaktu husi tratadu fronteira marítima, ne’ebé mak ita asina ho Australia iha Nova Iorque iha fulan Marsu, tinan ida ne’e, atu hatene kona ba impaktu husi fonteira marítima ida ne’e, ha’u prepara aprezentasaun ida ne’e ba grupu rua mak hanesan, kona ba rejime ne’ebé mak trata kona ba tasi Timor iha tinan 2002 nian katak, Australia nia lei tributária ne’e aplika de’it pursentu 10, entaun ita halo ona redusaun ba iha impostu, ita tau tan kalku ba iha rendimentu kona ba impostu nian ho nia kapitais sira ne’e, fó ba ita pursentu 23, hafoin ita toma hamutuk ba impostu adisional  ba de’it iha projetu sira ne’ebé mak lukrativu lahalimar, ne’ebé hakarak atu dehan de’it katak, atu atinji impostu adisional ida ne’e, projetu Bayu Undan ne’e tenki atinji  pursentu 16.5, ne’ebé realidade hatudu katak, Bayu Undan ne’e lukrativu lahalimar, tanba ne’e MU ida kona ba impostu adisional ne’ebé ikus mai fó duni ba Timor-Leste”,relata Gualdino da Silva iha aprezentasaun  kona ba Dezenvolvimentu Greater Sunrise. vantajen kona ba Fronteiras Marítima Timor-Leste nian iha seminário nasional kona ba Asuntus fronteira marítima no nia Impaktu kona ba aktividades Petrolifeiras iha CCD Díli, Sabadu (8/12/2018).

Lee hotu :   Embaixada TL iha Portugal la detekta paradeira Emília Pires

Nune’e mós Prezidente Timor Gas And Petroleum (GAP), José Monteiro, garante katak,  Timor-Leste sei hetan vantajen diak kona ba asuntu ne’e,  tanba  dadauk ne’e porsentu 70 kampu Greater  Sunrise, iha ona área juridisaun Timor-Leste nian, maske dezenvolvimentu ba kampu Greater Sunrise oras ne’e dadauk   Timor-Leste no Australia sei hala’o hamutuk hanesan unidade ida.

Tuir José Monteiro garante Timor-Leste sei hetan vantajen di’ak tanba, pursentu 70 greater Sunrise, juridikamente iha área  Timor-Leste nian ne’ebé konserteja sei fó servisu barak ba Timor-oan sira, liu-liu joven sira husi kosta sul Tasi mane  nian, ne’ebé dadauk ne’e Timor Gap hahú halo ona rekrutamentu  ba Joven sira iha Vikeke.

“Pursentu 70 Greater Sunrise ne’e iha área juridisaun Timor-Leste nian, maske liu husi rejime espesial ba greater sunrise, ita sei dezenvolve hamutuk hanesna ekipa ida  kona ba fahe rendimentu hanesan kolega. Ohin esplika katak, husi rejime anterior entermus fahe rendimentu, CMATS fó hela ita 50-50, maibé antes ne’e sira fó de’it pursentu 18 de’it, nune’e mós fó poder kontrolu ba autoriedade úniku ida ne’ebé extream greater sunrise nian, nune’e mós ba nia obsaun oi-oin, ne’ebé ita bele hasa’e ne’ebé ha’u hanoin maluk ekonomista sira iha ne’e hatene. Ho ida ne’e ita bele hasa’e partisipasaun Timor-oan sira nian iha ne’eba”, katak Jose Monteiro.

Seminário nasional kona ba asuntus relasionadus ho fronteira maritime, no nia impaktu kona ba aktividades petroliferu ne’e, hetan partisipasaun husi Primeiru Ministru, Taur Matan Ruak ho membru Governu toma, membru Parlamentu Nasional balun, Reprezentante organizasaun feto iha Timor-Leste, reprezentante veteranus husi Munisípiu 13, inklui Administrasaun Espesial Oe-cusse, no estudantes husi universidade sira  iha kapital Dili.

Lee hotu :   Iha kampaun Obrigado Barak, ''Alkatiri fo obrigadu ba BOAMP''

Horta fo parabens ba Xanana

Eis Prezidenti Repúblika, José Ramos Horta, fo parabens ba Xefi Negosiador Prinsipal Fronteira Marítima (FM), Kay Rala Xanana Gusmão, ne’ebé iha susesu ba halo negosiasaun ho kompañia petrolífera bobot sira iha mundu no mos ho nia ekipa tomak bele halo aprezentasaun klean ba FM ba povu tomak.

Ramos Horta mos prefere Kay Rala Xanana Gusmão halo espelikasaun mos ba Prezidenti Reúblika, Francisco Guterres ‘Lu Olo’, tanba la partisipa iha semináriu nasionál FM ne’ebé hala’o iha Centro Convenções de Díli Sabadu (8/12/18) ne’e.

“Ha’u rona aprezentasaun ne’e, ha’u emprezinadu tebes, tanba aprezentasaun ida ké klean. Ha’u fó parabens ba maun bo’ot Xanana Gusmão ho nia ekipa tomak, ne’ebé prepara semináriu ida ne’e, fó informasaun ne’ebé tuir  nivel tékniku profesional no seriu tebes. Ne’eduni ha’u fiar ita sei rona informasaun ne’e klean liu tan”, dehan Ramos Horta ba jornalista sira hafoin partisipa iha Seminariu Nasional FM  iha CCD Dili.

Horta haktuir, agora Xanana Gusmão tenki halo briefing no fo esplikasaun ba Prezidenti Repúblika, no  partidu polítika balun, ne’ebé la partisipa iha semináriu ne’e, maske Prezidenti Repúblika simu ona relatóriu,  tanba  Xanana seidauk halo aprezentasaun formal no institusional ba Xefi Estadu.

“Ha’u hanoin Prezidenti Repúblika mós konvoka Konsellu Estadu, atu nune’e ita hotu rona informasaun di’ak no esklaresidu, atu nune’e ita buka apoia Governu, hodi bele dudu  prosesu refere ba oin”, katak Horta.ola/oly  

Add to Comments Here!!!!

error: Content is protected.
Secured By miniOrange
You might also like:
Xanana husu PR Lú Olo promulga lei fundu petrolíferu ■PM Taur: La promulga, sei tau millaun USD 650 iha OJE

Xefi negosiador prinsipal Fronteira Marítima, Kay...

Jornal Semanário GMNTV Edisaun 9 Dezembru 2018

Mundo ho Tetum 08 Dezembru 2018

Close