JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kona-ba OJE 2019, PR Lú Olo konsidera koresponde malu ona

Kona-ba OJE 2019, PR Lú Olo konsidera koresponde malu ona

Prezidenti Repúblika (PR), Francisco Guterres ‘Lú Olo’ konsidera katak, Parlamentu Nasionál (PN) no Prezidencia da República (PR) koresponde malu ona, tanba PN halo ona alterasaun ba Orsamentu Jerál Estadu (OJE), tinan 2019 tuir ezijensia PR ninian, maibé espera katak PN aumenta mós orsamentu ba área produtivu hirak ne’ebé PR eziji.

“PN konsidera ha’u nia veta ba OJE 2019, hodi husu sira halo reapresiasaun, sira halo no halo alterasaun ba montante orsamentu ninian, signifika órgaun soberanu PN ho PR korespondensia ba malu iha aspetu ida ne’e”, PR Lú Olo ba jornalista sira hafoin partisipa aniversáriu transformasaun FALINTIL ba F-FDTL ba-dala 18, iha Kuarter Jeneral F-FDTL, Fatuhada-Díli, Sabádu (02-02-2019).

Xefi Estadu ne’e, espera katak, ho dokumentus ne’ebé PN entrega mai PR bele koresponde preokupasaun saida maka PR (Lú Olo-red) hakarak atu halo realokasaun orsamentu ba seitór importante, hanesan saúde, edukasaun, agrikultura, bee moos no turizmu.

“Ha’u fiar katak iha dokumentu ne’ebé, ha’u simu husi PN bele kontempla ona ida ne’e, atu bele hola desizaun, ha’u halo interpretasaun sistemátika tuir konstituisaun, ida ho artigu artigu 95 numeru 2 to’o 3, rua artigu 145, tolu ho artigu 88 númeru 3, para bele aplika artigu 88 númeru 1 nian,  PR sei aplika ida ne’e duni”, haktuir Xefi Estadu Timor-Leste.

Husi sorin seluk, Prezidenti PN, Arão Noe deklara katak, proposta ne’e konsidera hanesan dekretu foun, ne’ebé PR Lú Olo presiza loron 30  atu promulga ou veta, maibé depende ba Xefi Estadu.

“Agora loron 30 ne’e la’os dehan tenki to’o loron 30, hanesan tuir konstituisaun fó tempu ba PN loron 90, ami halo iha loron 6 nia laran, agora depende ba Xefi Estadu, maibé labele liu loron 30, tanba konstituisaun regula kedas ida-idak nia kompetensia, agora kabe ba órgaun ida-idak nian hodi bele submete ”, haktuir Xefi Órgaun Lejislativu ne’e.

Lee hotu :   Veteranus Gariuai husu kria lei espesial

Prezidente Repúblika Francisco Guterres Lú-Olo simu ona Orsamentu Jeral Estadu Tinan 2019 hafoin veta hodi haruka ba parlamentu nasional halo reapresiasaun no haruka hikas ona ba Xefe estadu hodi halo estuda no analiza ba OJE  2019.

Entretantu Xefi Estadu simu ona OJE 2019 husi PN iha loron Sesta (01/02) no dau-daun ne’e orsamentu refere iha ona meja Xefi Estadu ninian atu halo estudu. Ety

 

Add to Comments Here!!!!

error: Content is protected.
Secured By miniOrange
You might also like:
Atu hakotu impase polítiku, Eis PR Horta: Obrigasaun PR Lú Olo promulga OJE 2019

Eis Prezidente Repúblika (PR), José Ramos...

JORNAL NACIONAL GMNTV KALAN, Loron-1 Fulan-Fevereiru Tinan-2019

Na’in deside taka nia empreza Kmanek no hapara funsionáriu 61

Empreza nain ba Kmanek Supermerkadu, Clarence...

Close