JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN husu Timor GAP aprezenta planu negósiu GS

FRETILIN husu Timor GAP aprezenta planu negósiu GS

Bankada opozisaun FRETILIN iha Parlamentu Nasionál,  kontinua ezije Timor Gas And Petroleum (GAP) atu halo aprezentasaun planu negósiu kona-ba prosesu Greater Sunrise (GS).  

“Ita ko’alia kona-ba planu negósiu, kios ki’ik oan de’it mós planu negósiu tenki iha, tanba ne’e ami admira, bankada hotu hetan ona asesu ba planu negósiu, maibé ami ne’ebé bankada diskriminadu lahetan planu negósiu ne’e. Tanba ne’e mak ami husu interpelasaun ida ne’e, interpelasaun la’os problema sizíliu Estadu nian, ne’e planu interese Estadu nian, tenki asesu atu hetan informasaun. Ami mai la’os husu, maibé ami ezije ami nia direitu ida ne’e, direitu hanesan partidu opozisaun ne’ebé durante ida ne’e ami lahetan asesu ba informasaun sira ne’e, entaun ami uza ami nia direitu tuir rejimentu internu Parlamentu Nasionál, ne’ebé demokrátiku, atu ami bele hetan espasu interpelasaun Governu, atu mai esplika kona-ba planu negósiu nian, no investimentu estratéjitu industria petroleu nian”, hateten Vise Prezidente bankada FRETILIN, deputadu Francisco Miranda Branco iha plenária semana PN.

Tuir deputadu opozisaun ne’e, planu negósiu refere importante tebes, atu bele garante katak, prosesu investimentu ne’e la’o ho seguru, no iha benefísiu ba povu.

“Planu negósiu ne’ebé atu garante ba ami investimentu ida ne’e ho seguransa seguru ba investimentu bo’ot ida ne’e, tanba ne’e mak ami nia direitu konstitusional atu ezije Governu fó informasaun mai ami”, afirma Branco.

Iha biban hanesan, deputadu bankada PUDD, António de Sá Benevides mós apoia ezijensia bankada FRETILIN nian, maibé PUDD prefere iha momentu ida ne’e, fó tempu lai ba Governu atu halo pagamentu ba kompañia ConocoPhillips ho Shell.

“PUDD iha nia pozisaun ida katak, ita fó tempu ba Governu para halo pagamentu ba ConocoPhillips ho Shell nian, depois ida ne’e, hakarak ka lakohi ne’e rejimentu fó dalan para Governu mai hato’o duni ninia informasuan tuir pedidu bankada FRETILIN nian, hodi husu kona-ba planu negósiu. Tanba ne’e PUDD mantein ho pozisaun ida ne’e, maibé iha líder bankada semana kotuk ba, PUDD mós sujere katak, sei urjensia duni ba bankada FRETILIN atu hatene planu negósiu ne’e, Parlamentu Nasionál bele fasilita Timor GAP ho ANP para bele mai esplika direitamente iha bankada FRETILIN nian. Ita mós konsiente katak, ko’alia kona-ba planu negósiu nasionál ne’e, interese Estadu no nasaun nian, dala ruma mós ita tenki limite espasu atu fatin ne’ebé mak ita bele ko’alia espesífiku kona-ba nia negósiu nasau nian. Hau la dehan totalmente konfidensial, maibé ita iha faze ida ne’ebé ita hotu aprende, ita hotu tau hamutuk ita-nia hanoin, tanba ne’e talvez ita la presiza atu fó espasu diskusaun ne’e halo bo’ot demais”, katak António.

Lee hotu :   KM aprova rezoluzaun sosa asaun kompañia Shell ■FRETILIN kontinua dúvida, PD apresia

Tanba ne’e PUDD sujere, karik Parlamentu Nasionál fasilita diskusuan entre bankada FRETILIN ho Timor GAP no ANP  di’ak liu, maibé se hakarak ezije para lori ba plenária mós bele, tanba rejimentu fó dalan, maibé kuandu ko’alia kona-ba negósiu ne’e, buat ne’ebé sensitivu ba nasaun nian, entaun  la presiza atu loke liu espasu.

Hatan ba ezijensia bankada  FRETILIN nian ne’e, reprezentante Governu, Sekretáriu Estadu Komunikasaun Sosial (SEKOMS), Mericio Juvinal dos Reis Akara hateten, VIII Governu hala’o ona nia kna’ar atu esplika ba públiku liu husi semináriu sira ho transmisaun direita, inklui esplika ona mós ba reprezentante povu iha uma fukun Parlamentu Nasionál, ne’ebé halo transmisaun direita mós husi kanal Televizaun no rádio.

Maibé Mericio akara esklarese, bainhira iha sidadaun ruma seidauk komprende kona-ba prosesu ne’e, Governu prontu atu fó esplikasaun.

“ Governu halo esplikasaun dala hira ona, ita-nia Xefi negosiador mós mai esplika akompañia husi ita- nia Primeiru Ministru, ita halo transmisaun direita tan iha rádio no televizaun Timor-Leste, ema hotu akompañia, ita-nia ekipa husi Timor GAP mós esplika dala hira ona. Ne’e duni ba Governu halo duni ona responsabilidade hodi esplika, iha sidadaun balun mak karik la kompriende, ka seidauk kompriende prosesu ne’e, sei iha ligasaun ho asuntu tékniku husi komisoens sira iha ne’e, tanba kestaun tékniku liu, maibé  kuandu ita-nia sidadaun sira iha Betanu ka iha fatin ne’ebé de’it kuandu presiza esplikasaun, Governu sempre halo ida ne’e”, esplika Mericio Akara.

Antes ne’e, reprezentante Governu iha asuntu petrolíferu, Kay Rala Xanana Gusmão, halo ona aprezentasaun kona-ba planu prosesu investimentu iha kampu Greater sunrise, iha Sentru Konvensoens Díli, inklui iha Parlamentu Nasionál.say

Add to Comments Here!!!!

error: Content is protected.
Secured By miniOrange
You might also like:
KM aprova komisaun interministerial ba reforma fiskal no jestaun FP

Konsellu Ministru  aprova rezolusaun Governu konaba...

AMP Oecussi eziji PM Taur suspende imediata Alkatiri husi ZEESM

Kuadru  no estrutura   Aliansa Mudansa ba...

Estudante 10 Dezembru lamenta oknum PNTL tiru gás lakrimojêneu ba sala laran

Estudante 10 Dezembru Comoro-Díli, Leonardina Lakusaha...

Close