JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN konsidera AMP tenta blokeia opozisaun

FRETILIN konsidera AMP tenta blokeia opozisaun

Bankada Frenti Revolusionáriu Timor-Leste Independensia (FRETILIN), konsidera bankada Aliansa Maioria Parlamentar (AMP), ne’ebé kompostu husi CNRT, PLP, KHUNTO no UDT/FM tenta atu blokeia fiskalizasaun no inisiativa husi bankada opozisaun, tanba pedidu diskusaun ho meius interpelasaun ne’ebé FRETILIN prefere atu halo ho Governu, hetan rejeisaun iha plenária Tersa (19/03/2019).

Bankada FRETILIN hato’o preokupasaun ne’e, relasiona ho giaun ba diskusaun ho Ministériu Obras Públikas ne’ebé hala’o iha plenaria, ne’ebé bankada FRETILIN prefere ho dalan interpelasaun, maibé bankada AMP prefere husu pergunta direta kada deputadu ba ezekutivu hodi resposta direta.

“FRETILIN aprezenta beibeik ona pedidu interpelasaun ba Governu, tuir deputadu sira nia kompetensia nomós rejimentu Parlamentu Nasionál nian, ho Konstituisaun RDTL, atu kestiona no debate sobre asuntu interese nasionál ne’ebé ita hotu haree. Maibé meza Parlamentu Nasionál ho deputadu sira husi AMP sempre buka bebeik forma atu blokeia hodi interpelasaun sira ne’e, labele la’o tuir prosesu rejimentais”, hateten deputadu FRETILIN Francisco Branco.

Deputadu opozisaun ne’e akuza tan, aktu ne’ebé bankada AMP halo iha Parlamentu Nasionál ho votus maioria ne’e, nu’udar aktu ida atu la koopera ho opozisaun iha PN.

“Bankada FRETILIN kondena aktus sira ne’e, no sei kontinua ezerse no defende direitu demokrátiku opozisaun nian iha Parlamentu Nasional, no sei kontinua nafatin iha ninia luta hodi defende direitu povu no país nian, hodi kontinua kestiona asuntu relevante hotu, no apela ba Governu ho ninia bankada atu hapara ho tentativa sira hanesan ne’e, hodi koopera ho opozisaun, Nune’e bele garante bem estar povu nian no dezenvolvimentu ida sustentavel iha ita-nia nasaun”, tenik Branco.

Iha sorin seluk, Vise Prezidente bankada PLP, deputadu Francisco de Vasconcelos hateten, regra no desizaun ba ajenda ne’e, bazeia ba rejimentu Parlamentu ne’ebé hateten, sei apresia husi líder bankada antes ba plenária.

Lee hotu :   FRETILIN-PLP KONKORDA HO PRINSIPIU KOLIGASAUN

“Ita diskute sasan sira Estadu nian, ita ko’alia ba malu, rejimentu ne’e ita bo’ot sira mak husik iha ne’e, regras iha tiha ona, laiha ema ida mak inventa regras iha ne’e. Ami deputadu foun, deputadu tuan sira dehan katak, líder bankada tenki apresia kualker ajenda, molok mai iha plenária, maibé ohin mai dehan líder bankada labele deside, so plenária, líder bankada sira laiha kompetensia!, se nune’e konferensia líder bankada halo saida. Se nune’e aban bainrua deputadu hatama rekerimentu mai iha plenária, depois ita vota”, relata Vasconcelos.

Enkuantu, Prezidente Parlamentu Nasionál interina, Maria Angelina Sarmento, anunsia, prosesu diskusaun ho MOP ne’e sei la ho meius interpelasaun, maibé intervensaun husi kada bankada no diskusaun mínimu loron ida, maibé uza fali sesaun pergunta no resposta ne’ebé halo intervensaun direta de’it husi kada deputadu sira, hafoin Governu resposta.say

Add to Comments Here!!!!

error: Content is protected.
Secured By miniOrange
You might also like:
Diakonal na’in 5 simu ordenasaun

Diakonal na’in lima (5), Tersa (19/03),...

FRETILIN lamenta Xanana Gusmão hamós valeta

Deputada bankada FRETILIN, Maria Angelica, krítik...

Damien English: Uza passaporte Timor bele servisu iha Irlanda

Ministru Estadu ba Habitasaun Planeamentu no...

Close